ရာသီကုန်တွင် ရီးယဲလ်အသင်းမှ အန်ဆယ်လော့တီထွက်ခွာဖွယ်ရှိနေ
ရီးယဲလ်မက်ဒရစ်အသင်းနည်းပြ အန်ဆယ်လော့တီသည် ၎င်း၏နည်းပြဘဝစာမျက်နှာသစ်အတွက် ယခုရာသီကုန်တွင် အသင်းမှထွက်ခွာဖွယ်ရှိနေကြောင်း သိရသည်။ ဘရာဇီးလ်လက်ရွေးစင်အသင်း၏ စိတ်ဝင်စားခြင်းကိုခံနေရသည့် အသက် (၆၃)နှစ်အရွယ် အီတလီလူမျိုးဝါရင့်နည်းပြအန်ဆယ်လော့တီသည် မူလက ရီးယဲလ်အသင်းတွင် စာချုပ်သက်တမ်းကုန်မည့် ၂၀၂၄ ခုနှစ်အထိဆက်နေမည်ဟု မီဒီယာများက ဖော်ပြခဲ့ကြသော်လည်း ယခုအခါရာသီကုန်တွင် စပိန်မြေကိုစွန့်ခွာဖွယ်ရှိနေကြောင်း သိရသည်။ အန်ဆယ်လော့တီသည် လက်ရွေးစင်အသင်းနည်းပြအဖြစ် ဆောင်ရွက်ဖူးခြင်းမရှိသေးသောကြောင့် အပြောင်းအလဲပြုလုပ်ရန် လိုလားနေကြောင်းလည်း သိရသည်။
