ဘရာဇီးတကျော့ပြန် သမ္မတရွေးကောက်ပွဲ သမ္မတဟောင်း Lula de Silva အနိုင်ရ
တနင်္ဂနွေနေ့ကကျင်းပခဲ့တဲ့ ဘရားဇီးနိုင်ငံရဲ့ တကျော့ပြန်သမ္မတရှေးကောက်ပွဲမှာ သမ္မတဟောင်း Luiz Inacio Lula de Silva က လက်ရှိသမ္မတ Jair Bolsonaro ကို အနိုင်ရရှိသွားပါတယ်။
မဲအရေအတွက်ရဲ့ ၉၉.၉ ရာခိုင်နှုန်းရေတွက်ပြီးချိန်မှာတော့ Da Silva က မဲ ၅၀.၉ ရာခိုင်နှုန်းအနိုင်ရခဲ့တာပါ။ ရွေးကောက်ပွဲအရာရှိတွေကလည်း Lula အနိုင်ရသွားတယ်ဆိုတာ အတည်ပြုပါတယ်။ လယ်ယာစွန်းဝါဒီ သမ္မတ Bolsonaro ကတော့ သူရှုံးနိမ့်တယ်ဆိုတာကို ဝန်ခံအသိအမှတ်ပြုတာမျိုးမရှိသေးပါဘူး။ ရွေးချယ်ခံ သမ္မတ Da Silva ကတော့ သူ့ကို မြေမြှုပ်ပစ်ဖို့ ကြိုးစားကြပေမယ့် သူ ရှင်သန်နိုင်ဆဲပဲလို့ ပြောပါတယ်။
Da Silva သမ္မတလုပ်ခဲ့တဲ့အချိန် သန်းနဲ့ချီဘရာဇီးနိုင်ငံသားတွေကို ဆင်းရဲတွင်းက ဆွဲထုတ်နိုင်ခဲ့တယ်လို့ ယူဆကြပါတယ်။ လက်ရှိသမ္မတ Bolsonaro ကတော့ သူ့ရဲ့ လက်ယာစွန်းနိုင်ငံရေးအယူအဆတွေနဲ့အတူ ကိုရိုနာဗိုင်းရပ်စ်ကို လှောင်ပြောင်တာ၊ အမေဇုံအမြဲစိမ်းတောအုပ်ကို သစ်တော ပြုန်းတီးစေတာနဲ့ ငွေကြေးဖောင်းပွမှုတွေ ဆိုးဝါးလာတယ်လို့ ယူဆကြပါတယ်။
Da Silva ဟာ ဘရာဇီးနိုင်ငံရဲ့ လူမှုဖူလုံရေးစနစ်ကို တိုးတက်အောင်ဆောင်ရွက်မယ်လို့ ကတိပြုခဲ့သလို လူနည်းစုလူမျိုးတွေအရေးအတွက် ဝန်ကြီးဌာနတခုထားမယ်လို့ ပြောထားပါတယ်။ အသက် ၇၇ နှစ်အရွယ် Da Silva ဟာ ၂၀၀၃ ခုနှစ်ကနေ ၂၀၁၀ အထိ သမ္မတတာဝန်ရှိယူခဲ့ပြီး အဲဒီနောက်မှာတော့ အဂတိလိုက်စားမှုစွဲချက်တွေနဲ့ ထောင်ထဲ ၁၈ လကြာ နေခဲ့ရပါတယ်။ ဒီနောက် တရားရုံးချုပ်အမိန့်နဲ့ သူ့အပေါ်စွဲချက်တွေကို ပြန်ရုပ်ပါတယ်။
Da Silva အနိုင်ရမှုအပေါ် အမေရိကန်သမ္မတ Joe Biden က ဂုဏ်ပြုသဝဏ်လွှာ ပေးပို့ပြီး လာမယ့်လတွေ နှစ်တွေမှာ နှစ်နိုင်ငံကြား ပူးပေါင်းဆောင်ရွက်မှု ဆက်လုပ်သွားဖို့ မျှော်လင့်တယ်လို့ ဖော်ပြပါတယ်။ ပြင်သစ်သမ္မတ Emmanual Macron ကလည်း ဂုဏ်ပြုသဝဏ်လွှာပို့ပြီး နှစ်နိုင်ငံကြား မိတ်ဆွေဆက်ဆံရေး ခိုင်မြဲလာဖို့ မျှော်လင့်တဲ့ကြောင်း ရေးခဲ့ပါတယ်။ -Ref:VOA
