လာမည့်ရာသီမှစ၍ အသက်(၁၂)နှစ်အောက် ဘောလုံးသမားများအား FA မှ ခေါင်းတိုက်ခွင့်ပိတ်ပင်

အင်္ဂလန်ဘောလုံးအဖွဲ့ချုပ် (FA) သည် အင်္ဂလန်နိုင်ငံအတွင်း အသက်(၁၂)နှစ်အောက် ဘောလုံးသမားများကို ခေါင်းတိုက်ကစားခွင့် ပိတ်ပင်လိုက်ကြောင်း သိရသည်။  သုတေသနစစ်တမ်းများအရ ဘောလုံးသမားဟောင်းများ သည် အခြားသာမန်လူများထက် ဦးနှောက်ပျက်စီးပြီး သေဆုံးနိုင်ခြေပိုမိုများပြားကြောင်း တွေ့ရှိရသည့်အတွက် FA က လာမည့်ရာသီမှစ၍ လူငယ်ဘောလုံးသမားများကို ခေါင်းတိုက်ခွင့် ပိတ်ပင်လိုက်ခြင်းဖြစ်ကြောင်း သိရသည်။

ယခုအစီအစဉ်ကို နိုင်ငံတကာဘောလုံးဘုတ်အဖွဲ့(IFAB) နှင့် FA တို့ ပူးပေါင်း၍ စတင်လုပ်ဆောင်ခြင်းဖြစ်ပြီး နောက်ရာသီ၌ လူငယ်များ ခေါင်းတိုက်ကစားခြင်း လုံးဝမရှိတော့ရန် ရည်မှန်းထားကြောင်းလည်း သိရသည်။