ယူကရိန်းနှင့်စစ်ဖြစ်ချိန်မှစ၍ ရုရှားသမ္မတ၏ ပထမဆုံးနိုင်ငံခြားခရီးစဉ်

ရုရှားနိုင်ငံ၏သမ္မတ ဗလာဒီမာပူတင်သည် အာရှအလယ်ပိုင်းရှိယခင် ဆိုဗီယက်နိုင်ငံငယ်နှစ်ခုသို့ ယခုအပတ်အတွင်း သွားရောက်မည်ဖြစ်ကြောင်း ရုရှားရုပ်သံမီဒီယာများက တနင်္ဂနွေနေ့တွင်ကြေငြာခဲ့သည်။ယခုခရီးစဉ်သည် ရုရှား – ယူကရိန်းစစ်စတင်ချိန်မှစ၍ ပထမဆုံးတရားဝင်ကြေငြာကာသွားရောက်သောခရီးစဉ်ဖြစ်သည်။

ရုရှားသမ္မတ ဗလာဒီမာပူတင်သည် တာဂျစ်ကစ္စတန်နှင့် တာခ့်မင်နစ္စတန်နိုင်ငံများသို့ သွားရောက်မည်ဖြစ်ကာ ထိုမှတစ်ဆင့် အင်ဒိုသမ္မတနှင့်မော်စကိုတွင်တွေ့ဆုံဆွေးနွေးမည်ဖြစ်သည်ဟုသတင်း​များကဆိုသည်။

 ရုရှား၏မဟာမိတ်တစ်ဦးဖြစ်ပြီး ယခင်ဆိုဗီယက်နိုင်ငံတစ်ခု၏ သက်တမ်းအရှည်ဆုံးအုပ်ချုပ်သူဖြစ်သည့် တာဂျစ်သမ္မတမစ္စတာ Imomali Rakhmon နှင့်တာဂျစ်ကစ္စတန်၏မြို့တော် ဒူရှန်ဘဲတွင် သမ္မတပူတင်က သွား​ရောက် တွေ့ဆုံမည်ဖြစ်သည်။

ပြီးနောက် တာ့ခ်မင်နစ္စတန်၏မြို့တော် အက်ရှ်ကာဘတ်တွင် သမ္မတပူတင်သည် ကက်စပီယန်တိုင်းပြည်များ၏ ထိပ်သီးဆွေးနွေးပွဲသို့တက်ရောက်မည်ဖြစ်သည်။ အဆိုပါဆွေးနွေးပွဲတွင် ကက်စပီယန် ပင်လမ်းကမ်းရိုးတန်းတ​လျောက် နယ်နမိတ် ပိုင်ဆိုင်ကြသည့် တိုင်းပြည်များဖြစ်သည့် အဇာဘိုင်ဂျန်၊ကာဇက်စတန်၊ရုရှ၊အီရန်နှင့် တာ့ခ်မင်နစ္စတန်နိုင်ငံများမှ ခေါင်းဆောင်များပါဝင်မည်ဖြစ်သည်။

ထို့ပြင်သမ္မတပူတင်သည်ဇွန်လ ၃၀ ရက်နှင့် ဇူလိုင် ၁ ရက်တို့တွင် ဘီလာရုဇ်နိုင်ငံ Grodno မြို့သို့လည်းသွား ရောက်ရန် စီစဉ်ထားပြီး ဘီလာရုဇ်သမ္မတ Alexander Lukashenko နှင့်ဖိုရမ် တစ်ခုတွင် ပါဝင်ဆွေးနွေးမည် ဖြစ်ကြောင်း ရုရှားလွှတ်တော်ဥက္ကဋ္ဌ Valentina Matviyenko ၏ဘီလာရုဇ်ရုပ်မြင်သံကြားတွင် ပြောကြားချက်ကို ကိုးကား၍ RIA သတင်းဌာနမှဖော်ပြခဲ့သည်။

ပူတင်၏နောက်ဆုံးသွားရောက်ခဲ့သောခရီးသည် ဖေဖော်ဝါရီလအစောပိုင်းက ပေကျင်းသို့ခရီးစဉ်ဖြစ်ပြီး ၎င်းနှင့် တရုတ်သမ္မတရှီကျင့်ဖျင်တို့သည် ဆောင်းရာသီအိုလံပစ် ဖွင့်ပွဲအခမ်းအနားသို့မတက်ရောက်မီနာရီပိုင်း အလိုတွင် “အကန့်သတ်မဲ့ “နှစ်နိုင်ငံချစ်ကြည်ရေးစာချုပ်ကို ထုတ်ဖော်ပြသခဲ့သည်။

ရုရှားကပြီးခဲ့သည် ဖေဖော်ဝါရီလ ၂၄ ရက်တွင် ယူကရိန်းသို့၎င်း၏တပ်ဖွဲ့များကို စေလွှတ်ခဲ့သည်။ ထိုသို့စေလွှတ်ရသည့်ရည်ရွယ်ချက်မှာ အိမ်နီးချင်းနိုင်ငံ၏ စစ်ရေးစွမ်းရည်ကိုအဆင့်နိမ့်ထားရန်၊ ထိုနိုင်ငံကို အနောက်နိုင်ငံများက အသုံးချ၍ ရုရှားကို ခြိမ်း​ခြောက် ခြင်းမှကာကွယ်ရန်၊အမျိုးသားရေးဝါဒီများကိုဖယ်ထုတ်ပြီး အရှေ့ပိုင်းဒေသများရှိ ရုရှားစကားပြောသူများကိုကာကွယ်ရန်တို့ဖြစ်သည်။သို့‌သော်ယူကရိန်းကမူ ရုရှား၏ စစ်ထိုးမှုကို နယ်ချဲ့ပုံစံမြေသိမ်းမှုဟုခေါ်ဆိုခဲ့သည်။

ယူကရိန်းစစ်ကြောင့်ပင် အနောက်အုပ်စုမှ ရုရှအား ပြင်းထန်သောငွေကြေးဆိုင်ရာ ပိတ်ဆို့အရေးယူမှုများ ပြုလုပ်ခဲ့သည်။ ဤအကြောင်းများကြောင့်ပင် ရုရှားသည် တရုတ်၊အိန္ဒိယနှင့် အီရန်တို့ကဲ့သို့ အင်အားကြီးနိုင်ငံများနှင့် ခိုင်မာသောကုန်သွယ်‌ရေးနှင့် ဆက်ဆံရေး တည်ဆောက်ခဲ့ရသည်ဟု ပူတင်ကပြောကြားခဲ့သည်။

Source – Reuters