မက်ဆီနှင့်ရော်နယ်ဒိုမပါသည့် UEFA၏ ဆန်ကာတင်အကောင်းဆုံးကစားသမား ၃ ဦးစာရင်းထွက်
UEFA တစ်နှစ်တာ အကောင်းဆုံးကစားသမားဆုအတွက် နောက်ဆုံးဆန်ကာတင် ၃ ဦးကို ထုတ်ပြန်ကြေညာခဲ့ပြီး ဒီစာရင်းမှာ မက်ဆီနဲ့ရော်နယ်ဒိုတို့ မပါဝင်ခဲ့ပါဘူး။ ဒါဟာ ၁၀ နှစ်အတွင်း ပထမဆုံးအကြိမ်သူတို့ ၂ ဦး မပါဝင်တာလည်း ဖြစ်ပါတယ်။ ဂျူဗင်တပ်စ်တိုက်စစ်မှူး ရော်နယ်ဒိုဟာ ဒီဆုကို ၃ ကြိမ်ရရှိခဲ့ပြီး ဆန်ကာတင် စာရင်းမှာ ၉ ကြိမ် တိတိပါဝင်ခဲ့သူဖြစ်ပါတယ်။ ဘာစီလိုနာတိုက်စစ်မှူး မက်ဆီကတော့ ဆု ၂ ကြိမ်ရရှိခဲ့ဖူးသူ ဖြစ်ကာ ပြီးခဲ့တဲ့ ၁၀ နှစ်အတွင်း ဆန်ကာတင်စာရင်းကို ၆ ကြိမ်ဝင်ရောက်နိုင်ခဲ့ပါတယ်။ ဒီကစာသမား ၂ ဦးဟာ သူတို့မျိုးဆက်ရဲ့ အကောင်းဆုံးကစားသမားတွေအဖြစ် ဆယ်စုနှစ် တခုကျော်ကြာ မှတ်ကျောက်တင်ခံနိုင်ခဲ့ သူတွေပါ။ ဒါပေမယ့် သူတို့ နှစ်ဦးစလုံးဟာ အသက် ၃၀ ကျော်အရွယ်ကို ရောက်ရှိလာခဲ့ကြပြီတာကြောင့် တဦးချင်းအောင်မြင်မှုတွေနဲ့ တဖြည်းဖြည်းဝေးကွာလာခဲ့တာပဲ ဖြစ်ပါတယ်။ ရော်နယ်ဒိုရဲ့ဂျူဗင်တပ်စ်အသင်းဟာ ချန်ပီယံလိဂ်ပြိုင်ပွဲမှာ ၁၆ သင်းအဆင့်ကနေ လှည့်ပြန် ခဲ့ရပြီး မက်ဆီရဲ့ ဘာစီလိုနာအသင်းကလည်း ချန်ပီယံ ဘိုင်ယန်မြူးနစ်အသင်းကို အရှက်တကွဲ ရှုံးနိမ့်မှုနဲ့အတူ ဆီမီးအဆင့်ကနေ ထွက်ခွာခဲ့ရပါတယ်။ ရော်နယ်ဒိုဟာ ပြီးခဲ့တဲ့ရာသီချန်ပီယံလိဂ်မှာ ၃ ဂိုးသာ သွင်းယူနိုင်ခဲ့ပြီး မက်ဆီဟာလည်း ၃ ဂိုးပဲ ရရှိခဲ့ပါတယ်။ ထွက်ပေါ်လာတဲ့ ဆန်ကာတင်စာရင်းမှာ မန်စီတီးကွင်းလယ်လူ ကယ်ဗင်ဒီဘရိုင်း၊ ဘိုင်ယန်မြူးနစ်တိုက်စစ်မှူး ရောဘတ် လီဝန်ဒေါစကီးနဲ့ ဂိုးသမား မန်နျူရယ်နော်ယာတို့ ပါဝင်နေပါတယ်။ ဒီဘရိုင်းနဲ့လီဝန်ဒေါစကီးတို့ နှစ်ဦးထဲက တဦးဟာ ဒီဆုကို ဆွတ်ခူးနိုင်လိမ့်မယ်လို့လည်း သတင်းကြီးနေပါတယ်။ ဒီဆုကို လီဗာပူးနောက်ခံလူ ဗန်ဒိုက်က ပြီးခဲ့တဲနှစ်မှာ ဆွတ်ခူးနိုင်ခဲ့ပါတယ်။ ဒါပေမယ့်ပြီးခဲ့တဲ့ရာသီချန်ပီယံလိဂ်ပြိုင်ပွဲမှာ လီဗာပူးအသင်းဟာ အက်သလက်တီကို အသင်းကို ရှုံးနိမ့်ပြီး ရှုံးထွက်အဆင့်ကနေ ထွက်ခွာခဲ့ရတာကြောင့် ဒီနှစ်ဆန်ကာတင် စာရင်းမှာ ပါဝင်လာခဲ့ခြင်း မရှိပါဘူး။ UEFA တစ်နှစ်တာ အကောင်းဆုံးကစားသမားဆုကို အောက်တိုဘာ ၁ ရက် ချန်ပီယံလိဂ် အုပ်စု မဲခွဲမှု မတိုင်ခင် ထုတ်ပြန်ကြေညာသွားမှာဖြစ်ပြီး အကောင်းဆုံးနည်းပြဆုအတွက် ဆန်ကာ တင်စာရင်းမှာ လီဗာပူးနည်းပြ ယာဂန်ကလော့ပ်၊ ဘိုင်ယန်မြူးနစ်နည်းပြ ဟန်ဆီဖလစ်နဲ့ လိုက်ပစ်ဇ် နည်းပြ နာဂယ်စ်မန်းတို့ ပါဝင်နေပါတယ်။ dvb
