ဘရာဇီးမှာ COVID-19 သေဆုံးသူ ကမ္ဘာ့ဒုတိယအများဆုံး ဖြစ်လာ
ကမ္ဘာပေါ်မှာ ကိုရိုနာဗိုင်းရပ်စ် ကူးစက်မှု ဒုတိယအများဆုံးရှိနေတဲ့ ဘရာဇီးနိုင်ငံဟာ ဒီရောဂါကြောင့် သေဆုံးသူ အရေအတွက်မှာလည်း အခုအခါ ဗြိတိန်နိုင်ငံထက် ကျော်လွန်ပြီး ဒုတိယအများဆုံး ဖြစ်လာပါတယ်။ Johns Hopkins တက္ကသိုလ် သုတေသနဌာနရဲ့ တနင်္ဂနွေနေ့အထိ စာရင်းအရ ဘရာဇီးနိုင်ငံမှာ ဒီရောဂါကြောင့် သေဆုံးသူ ၄၂,၇၀၀ ကျော်အထိ တိုးလာခဲ့ပြီး ဗြိတိန်နိုင်ငံမှာတော့ သေဆုံးသူ ၄၁,၇၀၀ ကျော် ရှိပါတယ်။ ကမ္ဘာပေါ်မှာ ဒီရောဂါကြောင့် သေဆုံးမှုအများဆုံးက အမေရိကန်ပြည်ထောင်စုမှာဖြစ်ပြီး သေဆုံးသူ ၁၁၅,၀၀၀ ကျော်ရှိပြီး ကူးစက်မှုပေါင်း ၂ သန်းကျော် ရှိပါတယ်။ ကမ္ဘာတ၀န်း ကိုရိုနာဗိုင်းရပ်စ်ပိုး ကူးစက်မှုတွေဟာ တဖြည်းဖြည်း ပိုများလာနေပြီး ၈ သန်းနီးပါးလောက်ကို ဖြစ်လာနေပြီ ဆိုတာကို Johns Hopkins တက္ကသိုလ် စာရင်းတွေက ဖော်ပြနေပါတယ်။ ကူးစက်မှုနဲ့ သေဆုံးမှု အများဆုံးက အမေရိကန်ပြည်ထောင်စုမှာ ဖြစ်ပါတယ်။ ဘရာဇီးနိုင်ငံပြီးရင် ကူးစက်မှု တတိယအများဆုံးက ရုရှားနိုင်ငံဖြစ်ပြီး ကူးစက်သူပေါင်း ၅ သိန်းကျော် ရှိပါတယ်။ ဒီရောဂါဖြစ်ပွားတာကို စတင်တွေ့ရှိခဲ့တဲ့ တရုတ်နိုင်ငံမှာတော့ အစောပိုင်း ကူးစက်မှုတွေ သိသိသာသာ ကျဆင်း သွားခဲ့ပြီးတဲ့နောက် တနင်္ဂနွေနေ့ကတော့ ကူးစက်သူ ၅၇ ဦး ထပ်မံတွေ့ရှိခဲ့ပြီး ဒါဟာ ၂ လအတွင်း တနေ့တည်း အများဆုံးကူးစက်မှုလည်း ဖြစ်ပါတယ်။ ရောဂါထိန်းချုပ်ရေး အသွားအလာ ကန့်သတ်မှုတွေ ပြန်လည် ဖြေလျှော့ ပေးခဲ့ပြီး နောက်ပိုင်းမှာ ခုလို ကူးစက်မှုတွေ ပြန်တွေ့လာရတာ ဖြစ်ပါတယ်။ တကျော့ပြန် ကူးစက်မှုတွေ ပြန်ဆိုးလာမှာ စိုးရိမ်နေတဲ့ ဘေဂျင်းမြို့တော်မှာ တနင်္ဂနွေနေ့က လူတွေ ထောင်သောင်းချီ ရောဂါရှိမရှိ စမ်းသပ် စစ်ဆေးခဲ့ကြပါတယ်။ Ref; VOA
