ပထမလအတွင်း Redmi Note 7 အလုံးရေ ၁သန်းအထိ ရောင်းချနိုင်ဖို့ Xiaomi ပစ်မှတ်ထား

ကျောဘက်ကင်မရာ 48 megapixel နဲ့ Snapdragon 660 chipset ပါဝင်ပြီး ဒေါ်လာ ၁၅၀ နဲ့ရောင်းချမယ့် Redmi Note 7 ကို ပြီးခဲ့တဲ့အပတ်က Xiaomi က မိတ်ဆက်ခဲ့ပါတယ်။ ဖုန်းကို ဇန်နဝါရီလ ၁၈ ရက်မှာ စတင်ရောင်းချမှာ ဖြစ်ပါတယ်။ Redmi Noet 7 ဖုန်းကို ဇန်နဝါရီလ အကုန်မှာ အလုံးရေ ၁ သန်းအထိ ရောင်းချဖို့ ရည်မှန်းထားတယ်လို့ Redmi ထုတ်ကုန်မန်နေဂျာက ယုံကြည်မှုအပြည့်နဲ့ ကြေညာခဲ့ပါတယ်။

Redmi ဟာ Weibo မှာ ဖုန်းသစ်နဲ့ပတ်သက်တဲ့ သုံးသပ်ချက်ကို ဖော်ပြထားပါသေးတယ်။ မကြာခင်မှာ ပြုလုပ်မယ့် သတ်မှတ်ချိန်အတွင်း အွန်လိုင်းက ထုတ်ကုန်ရောင်းချတဲ့ flash ရောင်းချမှု ၂ ခု ဒါမှမဟုတ် ၃ ခု အတွင်း ထုတ်ကုန် ၁ သန်းကို ရောင်းချသွားမယ်လို့ Redmi ထုတ်ကုန်မန်နေဂျာ ဝမ်တန်ကပြောခဲ့ပါတယ်။

Redmi Note 7 ကို အရောင် ၃ မျိုးနဲ့ memory ၃ ခုနဲ့ ထုတ်လုပ်မှာ ဖြစ်ပါတယ်။ ဒေါ်လာ ၁၅၀ တန်ဖိုးရှိ Redmi Note 7 မှာ 3/32GB memory ပါဝင်လာပြီး ဒေါ်လာ ၂၁၀ တန် Redmi Note 7 မှာတော့ 6/64GB memory ပါဝင်ပါတယ်။

စိုးထက်
Ref: GSMArena