တရုတ်နိုင်ငံရှိ မြို့ ၅ မြို့ ကို ဗီဇာမလိုဘဲ ၁၄၄ နာရီ ဝင်ရောက်လည်ပတ်ခွင့်ပြု
တရုတ်နိုင်ငံအရှေ့ ပိုင်း ရှန်တုံပြည်နယ် Qingdao လေဆိပ်တွင် လူဝင်မှုကြီးကြပ်ရေးအရာရှိများ တာဝန်ထမ်းဆောင်နေစဉ်(ဆင်ဟွာ)
ဂျင်နန်း ၊ ဇန်နဝါရီ ၁ ရက်
တရုတ်နိုင်ငံသည် ကမ္ဘာ့ နိုင်ငံပေါင်း ၅၃ နိုင်ငံမှ ခရီးသွားများအတွက် ယနေ့ ဇန်နဝါရီ ၁ ရက်တွင် နိုင်ငံအတွင်းရှိ မြို့ ၅ မြို့ ကို ဗီဇာမလိုဘဲ ၁၄၄ နာရီ ခရီးတစ်ထောက်ဝင်ရောက်လည်ပတ်ခွင့်ကို စတင်ခွင့်ပြုပေးခဲ့ကြောင်း သိရသည်။
အဆိုပါမြို့ များမှာ ရှန်တုံပြည်နယ်အတွင်းရှိ အဓိက ဆိပ်ကမ်းမြို့ ဖြစ်သော ကွင်းဒါအိုး(Qingdao) ၊ ဖူကျင့်ပြည်နယ်အတွင်းရှိ ကမ်းရိုးတန်းမြို့ ဖြစ်သောရှီမန်း ၊ ဟယ်ဘေပြည်နယ်မြို့ တော် ဝူဟန်(Wuhan) ၊ စီချွန်းပြည်နယ်မြို့ တော် ချန်ဒူး နှင့် ယူနန်ပြည်နယ်မြို့ တော် ကူမင်း တို့ ဖြစ်ကြောင်း သိရသည်။
ဗီဇာကင်းလွတ်ခွင့်ခရီးတစ်ထောက်မူဝါဒကို တရုတ်နိုင်ငံ နိုင်ငံတော်ကောင်စီက အတည်ပြုပေးခဲ့ခြင်းဖြစ်ပြီး သြစတြေးလျ ၊ ဘယ်လ်ဂျီယံ ၊ ချက် ၊ ဒိန်းမတ် ၊ ပြင်သစ် ၊ ဂျာမနီ ၊ ရုရှား နှင့် အမေရိကန်နိုင်ငံတို့ အပါအဝင် ကမ္ဘာ့ နိုင်ငံပေါင်း ၅၃ နိုင်ငံမှ ခရီးသွားများကို ခွင့်ပြုပေးသွားမည်ဖြစ်ကြောင်း သိရသည်။
ခရီးသည်များအနေဖြင့် ၄င်းမြို့ ၅ မြို့ သို့ ဝင်ရောက်ချိန်တွင် နိုင်ငံတကာခရီးသွားစာရွက်စာတမ်းများကို တစ်ပါတည်း ယူဆောင်လာရမည်ဖြစ်ပြီး ၁၄၄ နာရီအတွင်း ခရီးစဉ်လုပ်ငန်းများကို အပြီးသတ်ဆောင်ရွက်ရန် လိုအပ်သည်။
ယခင်က ဗီဇာမလို ခရီးတစ်ထောက် ဝင်ရောက်ခွင့်ကို အချိန် ၇၂ နာရီသာခွင့်ပြုပေးခဲ့သည်။ ယခုပြဌာန်း လိုက်သော စည်းမျဉ်းအသစ်အရ ခရီးသည်များသည် ကွင်းဒါအိုး နှင့် ရှီမန်းမြို့ များကို လေကြောင်းဖြစ်စေ ၊ ရေကြောင်းဖြစ်စေ ဝင်ထွက်ခွင့် ရရှိမည်ဖြစ်သည်။ ကွင်းဒါအိုးသို့ ခရီးတစ်ထောက်ဖြတ်သန်းသူများသည် ရှန်တုံပြည်နယ်အတွင်း မည်သည့်နေရာမဆို ၁၄၄ နာရီ နေထိုင်ခွင့်ရရှိမည်ဖြစ်ကြောင်း ရှန်တုံပြည်နယ် ပြည်သူ့ လုံခြုံရေးဌာန ဒုတိယအကြီးအကဲ Li Zhuqun ၏ ပြောကြားချက်အရ သိရသည်။
၂ဝ၁၃ ခုနှစ်မှ စတင်ကာ တရုတ်နိုင်ငံတော်ကောင်စီသည် နိုင်ငံအတွင်းရှိ မြို့ ၁၈ မြို့ ကို ဖြတ်သန်းသွားလာရန် နိုင်ငံတကာခရီးသွားများအား ၇၂ နာရီ ဗီဇာမလို ခရီးတစ်ထောက် ဝင်ရောက်လည်ပတ်ခွင့် ပေးခဲ့သည်။ နောက်ပိုင်းတွင် ပေကျင်း-ထျန်ကျင်း-ဟယ်ဘေးဒေသများ ၊ ရှန်ဟိုင်း နှင့် အနီးအနားရှိ Zhejiang နှင့် Jiangsu ပြည်နယ် ၊ လျောင်နင်းပြည်နယ်အတွင်းရှိ Shenyang မြို့ နှင့် Dalian မြို့ များပါ ၁၄၄ နာရီထိ နေထိုင်ခွင့်ကို အချိန်တိုးမြှင့် ပေးခဲ့ကြောင်း အမျိုးသားလူဝင်မှုကြီးကြပ်ရေးစီမံခန့် ခွဲမှုဌာန၏ ပြောကြားချက်အရသိရသည်။
တရုတ်နိုင်ငံသို့ နှစ်စဉ် နိုင်ငံခြားခရီးသွား ၄၃ သန်းကျော် ဝင်ရောက်လည်ပတ်လျက်ရှိကြောင်း သိရသည်။
(Xinhua)
