စင်ကာပူတွင် ရဲတပ်ဖွဲ့ထံ အကြိမ်ကြိမ် ဖုန်းဆက်၍ လိမ်လည် နောက်ပြောင်သူတစ်ဦး ထောင်သုံးနှစ် ချမှတ်ခံရ

စင်ကာပူတွင် ရဲစခန်းများသို့ နှစ်ရှည်လများ ဖုန်းခေါ်ဆို နောက်ပြောင် နှောင့်ယှက်နေခဲ့သည့် အမျိုးသား တစ်ဦးကို ထောင်ဒဏ် သုံးနှစ် ချမှတ်လိုက်ကြောင်း သိရသည်။

စက်တင်ဘာ ၆ ရက်တွင် စင်ကာပူ တရားရုံးက အသက် ၆၁ နှစ်ရှိ ဂါချာရန် ချန်းကို ထောင်ဒဏ် သုံးနှစ် စီရင် ချမှတ်ကြောင်း အတည်ပြု ကြေညာခဲ့သည်။ ချန်းသည် ၂၀၀၀ ပြည့်နှစ် ကတည်းက အရေးပေါ် ဖုန်းနံပါတ် 999 သို့ ဖုန်းခေါ်ပြီး စင်ကာပူ ရဲများကို သတင်းတုများ နောက်ပြောင် ပေးပို့နေခဲ့သည်။

အထူးသဖြင့် ၎င်းအရက်မူးနေချိန်တွင် ထိုကဲ့သို့ နောက်ပြောင်သည့် သတင်းတု သတင်းမှားများ ဖုန်းဆက် ပေးပို့ခြင်းမျိုး ပိုမို ပြုလုပ်လေ့ ရှိသည်။ သန့်ရှင်းရေး ဝန်ထမ်း တစ်ဦးဖြစ်သည့် ချန်းသည် ယခုနှစ်၊ ဇွန်လတွင် ရဲစခန်းသို့ နောက်ဆုံးအကြိမ် ဖုန်းခေါ်ဖြစ်ခဲ့ပြီးနောက် ရဲတပ်ဖွဲ့က ၎င်းကို ဖော်ထုတ် ဖမ်းဆီး ရမိခဲ့ခြင်း ဖြစ်သည်။ ချန်းသည် ရဲတပ်ဖွဲ့၏ ခြေရာခံမှုကို ရှောင်လွှဲနိုင်ရန်အတွက် အများသုံး ဖုန်းများကို အသုံးပြုလေ့ ရှိသည်။ 

တစ်ကြိမ်တွင် ချန်းက ၎င်းသည် ရွှေ့ပြောင်း အခြေချသူများ ဂေဟာ တစ်ခုထဲတွင် ဒိုင်းနမိုက်များ ထားခဲ့ကြောင်း ဖုန်းလက်ခံ ဖြေကြားသူကို ပြောကြားခဲ့သည်။ ထိုနေ့ညပိုင်းတွင်လည်း ၎င်းက 999သို့ ဖုန်းထပ်ဆက်ကာ ရဲတပ်ဖွဲ့ကို စော်ကားမော်ကား ပြောဆိုခဲ့သေးသည်။ ၎င်းသည် ဇွန်လအတွင်း ရဲများထံ ဖုန်းဆက်၍ နှောင့်ယှက်မှု ၁၅ ကြိမ်မျှ ပြုလုပ်ခဲ့သည်။ 

ရဲများက ဆင်း၏ အပြုအမူများကို အဓိက အားပေး အားမြှောက် ပြုခြင်းသည် အရက်အလွန်အကျွံ သောက်ခြင်း နှင့် ဆက်စပ်ကြောင်း မှတ်ချက်ပေးခဲ့သည်။ ရှင်းက မိမိ၏ အပြုအမူအတွက် မှားယွင်းသည်ဟု သတင်း ထောက်များ ရှ့ ဝန်ခံ တောင်းပန်ခဲ့ပြီး အရက်ဖြတ်ရန် ကြိုးစားသွားမည်ဟု ကတိပြုခဲ့ကြောင်းလည်း သိရသည်။

Ref: CNA