မန်ချက်စတာမြို့ သေနတ်ပစ်ခတ်မှု တွင် ဒဏ်ရာရရှိသူ ၁၀ဦးကို ဆေးရုံသို့ ပို့ဆောင်
လန်ဒန်၊ သြဂုတ် ၁၃ ရက်
ဗြိတိန်နိုင်ငံ မန်ချက်စတာမြို့ Moss Side ဧရိယာတွင် သြဂုတ် ၁၂ ရက် အစောပိုင်းက ပြုလုပ်သော လမ်းမပေါ် ကျင်းပသည့် ပါတီပွဲတစ်ခုတွင် ပစ်ခတ်မှုတစ်ခုဖြစ်ပွားပြီးနောက် ကလေးငယ် ၂ဦး အပါအဝင် ဒဏ်ရာရရှိသူ ၁၀ဦးကို ဆေးရုံသို့ ပို့ဆောင်ပေးခဲ့ကြောင်း ဗြိတိန်ရဲတပ်ဖွဲ့ကပြောကြားခဲ့သည်။
လက်နက်ကိုင် ရဲတပ်ဖွဲ့ဝင်များသည် အခင်းဖြစ်ပွားရာ လမ်းမသို့ သြဂုတ် ၁၂ရက် ဒေသစံတော်ချိန် နံနက် ၂း၃၀နာရီတွင် အလျင်အမြန်ရောက်ရှိလာခဲ့ကြသည်။ အနီးအနားရှိ ပန်းခြံတစ်ခုတွင် ကာရေဘီယံကာနီဗယ် ပွဲတော်အပြီး အဆိုပါ ပါတီပွဲအား ဆက်လက်ကျင်းပခဲ့ခြင်းဖြစ်ကြောင်း သိရသည်။
အန္တရာယ်ရှိသည့် ယင်းတိုက်ခိုက်မှုအပြီး အမျိုးသားတစ်ဦးမှာ ဒဏ်ရာအခြေအနေပြင်းထန်ပြီး အခြားလူ ၉ဦးမှာ ဒဏ်ရာအသေးစားများ ရရှိခဲ့ကြောင်း သိရသည်။
ယင်းပစ်ခတ်မှုတွင် အသုံးပြုခဲ့သည့်လက်နက်မှာ ပြောင်းတိုသေနတ်တစ်လက်ဖြစ်ပြီး စုံစမ်းစစ်ဆေးမှုများ ပြုလုပ်နေကြောင်း ရဲတပ်ဖွဲ့ကပြောကြားခဲ့သည်။
ယင်းသို့ မဆင်မခြင်သေနတ်ပစ်ခတ်မှုဖြစ်ပွားချိန်တွင် မန်ချက်စတာမြို့ Moss Side ဧရိယာ၌ ကာရေဘီယံ ကာနီဗယ်ပွဲတော်အား လူရာနှင့်ချီ၍ ကျင်းပနေခဲ့ကြခြင်းဖြစ်ပြီး ကံကောင်းစွာပင် သေနတ်ပစ်ခတ်မှုကြောင့် သေဆုံးသူ မရှိကြောင်း ရဲတပ်ဖွဲ့က ဆက်လက်ပြောကြားခဲ့သည်။ အနီးအနားရှိ Alexandra ပန်းခြံတွင် ကာနီဗယ်ပွဲတော်အား ကျင်းပပြီးနောက် အဆိုပါ ပါတီပွဲအား ယင်းနေရာတွင် နှစ်စဉ်ကျင်းပလေ့ရှိကြောင်း ဒေသခံများက ပြောကြားခဲ့သည်။
(Xinhua)
