နျူကလီးယားဖျက်သိမ်းရေး မြောက်ကိုရီးယားစတင်ပြီ
နျူကလီးယားစမ်းသပ်စခန်းများကို ရှင်းလင်း
နျူကလီးယားလက်နက်ဖျက်သိမ်းရေးအစီအစဉ်အပြည့်အ၀ဆောင်ရွက်ရေး လုပ်ငန်းစဉ်တွေ မြောက်ကိုရီးယားမှာ စတင်နေပြီလို့ အမေရိကန် သမ္မတ Donald Trump က မနေ့တုန်းကပဲ ပြောလိုက်ပါတယ်။
နျူကလီးယားလက်နက်စမ်းသပ်တဲ့အဓိကနေရာကြီး လေးခုကိုဖေါက်ခွဲ ဖျက်စီးလိုက်ပြီဖြစ်လို့ ဒါဟာဖျက်သိမ်းရေး လုပ်ငန်းစဉ် စတင်နေတယ်ဆိုတဲ့သဘောပဲလို့ သမ္မတထရမ့် က သူ့ရဲ့ အစိုးရအဖွဲ့ကို မနေ့တုန်းက အိမ်ဖြူတော်မှာ ပြောခဲ့ပါတယ်။
ပဲထိန်းတတ်ဒုံးတွေ အပါအ၀င် ဒုံးကျည်ပစ်လွှတ်မှုတွေကို မြောက်ကိုရီးယားက ရပ်တန့်လိုက်ပြီး အင်ဂျင်နေရာကိုလည်း ဖေါက်ခွဲဖျက်စီးနေကြတယ်လို့ဆိုပါတယ်။
သမ္မတထရမ့်နဲ့ မြောက်ကိုရီးယားခေါင်းဆောင် ကင်ဂျုံအွန်းတို့ ဇွန်လ၁၂ရက်နေ့တွေ့ဆုံပြီးနောက်ပိုင်း နျူကလီးယားလက်နက်ဖျက်သိမ်းရေးကိစ္စ မြောက်ကိုရီးယား ဘက်က ဘာတွေ လုပ်ထားပြီလဲလို့ သတင်းထောက် တွေက ကာကွယ်ရေးဝန်ကြီး Jim Mattis ကို ဗုဒ္ဓဟူးနေ့တုန်းက မေးခဲ့ပါတယ်။ အဲဒီတုန်းကတော့ ကာကွယ်ရေး ၀န်ကြီးက သူဘာမှ ထူးထူးခြားခြား သိမထားဘူး၊ အသေးစိတ်ညှိနှိုင်း ဆွေးနွေးမှုတွေလည်း မစသေးဘူးလို့ သတင်းထောက်တွေကို ပြောခဲ့ပါတယ်။
မနေ့တုန်းက သမ္မတထရမ့်ရဲ့ မြောက်ကို ရီးယားအရေး သူ့အစိုးရအဖွဲ့ကို ပြောဆိုချိန်မှာ ကာကွယ်ရေးဝန်ကြီး Jim Mattis က သူ့ဘေးမှာရှိနေခဲ့တာပါ။အမေရိကန် အခြေစိုက် မြောက်ကိုရီးယား စောင့်ကြည့်လေ့လာရေးအဖွဲ့ 38North အဖွဲ့ရဲ့ ပြောဆိုချက်အရလည်း ပြီးခဲ့တဲ့သီတင်းပတ်အထိ မြောက်ကိုရီးယားဘက်က နျူကလီးယား လက်နက် ဖျက်သိမ်းရေးဆိုင်ရာလှုပ်ရှားမှုတွေ ဘာမှမတွေ့ရဘူးလို့ ပြောထားပါတယ်။ စင်္ကာပူမှာ လုပ်ခဲ့တဲ့ ထိပ်သီးဆွေးနွေးပွဲ မတိုင်ခင်တုန်းကတော့ တိုက်ချင်းပစ်ဒုံးကျည် စမ်းသပ်ပစ်လွှတ်တာတွေကို ရပ်ဆိုင်းထားပြီး နျူကလီးယား ဗုံးခွဲစမ်းသပ်တဲ့နေရာကိုလည်း ပိတ်ထားလိုက်ပြီလို့ မြောက်ကိုရီးယားဘက်က ပြောပါတယ်။
-Ref; VOA
