တောင်ဥက္ကလာမြို့နယ် ပြည်ခိုင်ဖြိုးပါတီ အမျိုးသမီးရေးရာအသိပညာပေးဟောပြော
ရန်ကုန် မတ် ၁ဝ
ရန်ကုန်တိုင်းဒေသကြီး တောင်ဥက္ကလာပမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ကြီးမှူးကျင်းပသော အမျိုးသမီးရေးရာဟောပြောပွဲကို ယနေ့ကျင်းပရာ အဆိုပါဟောပြောပွဲသို့ ပါတီဗဟိုကော်မတီဝင် တိုင်းဒေသကြီး အမျိုးသမီးရေးရာတာဝန်ခံ ဒေါ်စန်းစန်းဝင်း၊ တိုင်းဒေသကြီး နယ်မြေတာဝန်ခံ ဒေါ်အေးအေးမြင့်၊ အရှေ့ပိုင်းခရိုင် အတွင်းရေးမှူး ဒေါ်ဇာခြည်လင်း၊ နယ်မြေတာဝန်ခံ ဒေါ်လဲ့လဲ့အေး၊ မြို့နယ်ပါတီဥက္ကဋ္ဌ ဦးမျိုးမင်းအောင်၊ အတွင်းရေးမှူး ဦးစန်းဝင်း၊ မြို့နယ်အမျိုးသမီးရေးရာတာဝန်ခံ ဒေါ်မြင့်မြင့်ကြည်နှင့် မြို့နယ်ကော်မတီဝင်များ၊ ရပ်မိရပ်ဖများနှင့် အမျိုးသမီးရေးရာအဖွဲ့ ပါတီအမာခံများ၊ ရပ်ကွက်စည်းမှူးနှင့်ကော်မတီများ၊ ဖိတ်ကြားထား သည့် ဧည့်သည်တော်များ တက်ရောက်ခဲ့သည်။
အခမ်းအနားအစီအစဉ်အရ အခမ်းအနားကို နိုင်ငံတော်သီချင်းဖြင့် စတင်ဖွင့်လှစ်ပြီး တိုင်းဒေသကြီးအမျိုးသမီး ရေးရာတာဝန်ခံက အဖွင့်အမှာစကားပြောကြားသည်။ ထို့နောက် သက်ငယ်မုဒိမ်းပညာပေးကို ဒေါ်ဆွေဆွေမြင့်က လည်းကောင်း၊ အမျိုးသမီးများ လိင်ပိုင်းဆိုင်ရာ အကြမ်းဖက်မှုကို ဒေါ်မြင့်မြင့်မော်ကလည်းကောင်း ဆွေးနွေးပို့ချ ခဲ့ကြောင်း သိရသည်။
မျိုးဇော်ဝင်း(တောင်ဥက္ကလာ)
