မန္တလေးတွင် ကမ္ဘာ့ငြိမ်းချမ်းရေးတက္ကသိုလ် ဖွင့်မည်
ဘာသာတရားပေါင်းစုံ၏ ငြိမ်းချမ်းမှုဖြစ်စေနိုင်မည့် တရားတော်များ သင်ကြားပေးမည့် ကမ္ဘာ့ငြိမ်းချမ်းရေးတက္က သိုလ်ကို မန္တလေးမြို့ ပုသိမ်ကြီးမြို့နယ် ရန်ကင်းတောင်ခြေတွင် စတင်ဖွင့်လှစ်မည်ဖြစ်ကြောင်း ဦးဆောင် ဆရာတော် ဦးဇောတိကက မိန့်ကြားသည်။
‘‘ဗုဒ္ဓရဲ့ ငြိမ်းချမ်းမှုတရားတော်ကို အခြေခံပြီး တခြားသော ဘာသာတွေမှာရှိတဲ့ သင်ကြားမှုတွေ၊ ဟောပြောချက် တွေထဲက လူသားတွေလိုက်နာရင် ငြိမ်းချမ်းမှုကို ဖြစ်စေမယ့်တရားတွေကို သင်ကြားသွားမယ်’’ ဟု ဦးဇောတိ ကက မိန့်ကြားသည်။ ဘာသာတရားပေါင်းစုံ၏ ငြိမ်းချမ်းရေးတရားများကို သင်ရိုး ညွှန်းတမ်းရေးဆွဲကာ ပြည်တွင်း၊ ပြည်ပမှပညာရှင်များဖြင့် သင်ကြားမည်ဖြစ်ကြောင်း ဆရာတော်ကမိန့်သည်။ ကမ္ဘာ့ငြိမ်းချမ်းရေး တက္ကသိုလ်သို့ တက်ရောက်ရန် အခကြေးငွေကောက်ခံမည် မဟုတ်ဘဲ စေတနာ အလှူရှင်များက ပါဝင်စိုက်ထူ ထားသည့် ပညာရေးပဒေသာပင်မှ လိုအပ်သည်များ ဖြည့်ဆည်းပေးမည် ဖြစ်ကြောင်း ဦးဇောတိကက မိန့်သည်။ ‘‘စာရွက်စာတမ်းဖိုးလောက် ပဲ ကျောင်းသားတွေကုန်မယ်’’ ဟု ဆရာတော်က မိန့်သည်။
ကမ္ဘာ့ငြိမ်းချမ်းရေးတက္ကသိုလ်သို့ တက်ရောက်မည့်သူများသည် အင်္ဂလိပ်စာကောင်းမွန်ရန် လိုအပ်ပြီး အနိမ့်ဆုံး ပညာအရည်အချင်း ပထမကြီးတန်းနှင့် အထက်တန်းအဆင့်အောင်မြင်ရ မည်ဖြစ်သည်။ ထို့ပြင် အခြား သော တက္ကသိုလ်များမှ ရိုးရိုးဘွဲ့ရရှိထားသူများနှင့် ဓမ္မာစရိယအောင်မြင်ထားသူများကို မဟာ တန်းသို့လည်းကောင်း၊ အခြား တက္ကသိုလ်များမှ မဟာတန်း အောင်မြင်ထားသူများကို ပါရဂူဘွဲ့အတွက်လည်းကောင်း တက်ရောက် ခွင့်ပြုမည်ဖြစ်ပြီး တက္ကသိုလ်မှ အောင်မြင်သူများကို BA (Peace)၊MA (Peace)၊ Ph.D (Peace)ဘွဲ့များ ပေးအပ်မည် ဖြစ်သည်။
‘‘တက္ကသိုလ်မှာ အင်္ဂလိပ် စာနဲ့ပဲသင်မှာဆိုတော့ အင်္ဂလိပ် စာကောင်းဖို့ အဓိကလိုအပ်ချက် အနေနဲ့ ထားတယ်။ ပထမဆုံး ဖွင့်တဲ့သင်တန်းမှာတော့ Ph.D ဘွဲ့အတွက် သင်တန်းသားတွေ ဦးစားပေးခေါ်မယ်။ Ph.D ဘွဲ့ရ သွားမယ့်လူတွေထဲကနေ တက္ကသိုလ်အတွက် သင်ကြားရေးဆရာတွေ ရွေးချယ်သွားမှာဖြစ်လို့ ဦးစားပေး ခေါ်တာ’’ ဟု ဦးဇောတိကက ရှင်းပြသည်။ ကမ္ဘာ့ငြိမ်းချမ်းရေးတက္ကသိုလ်သို့ လူမျိုးဘာသာမရွေး တက်ရောက် နိုင်ပြီး ပြည်ပနိုင်ငံများမှ တက်ရောက်ရန် လျှောက်ထားမှုများရှိကြောင်း၊ ပြည်တွင်းရှိ ဘာသာပေါင်းစုံအ ဖွဲ့အစည်းများ ကိုလည်း တက်ရောက်ရန်ဖိတ် ခေါ်မည်ဖြစ်ကြောင်း ဆရာတော်က မိန့်သည်။
Ph.D ဘွဲ့ယူမည့်သင်တန်း သားများနှင့် ပြည်ပနိုင်ငံများမှ လာရောက်သင်ကြားမည့် ကျောင်းသားများအတွက် အဆောင်စီစဉ်ပေးပြီး အခြားသော အတန်းများရှိ ကျောင်းသားများအတွက် လတ်တလောအဆောင် စီစဉ် ပေးနိုင်ခြင်းမရှိသေးကြောင်း ဆရာတော်က ဆက်လက်မိန့်သည်။ ကမ္ဘာ့ငြိမ်းချမ်းရေးတက္ကသိုလ် မဖွင့်လှစ်မီ လက်ရှိတွင် ကောလိပ်အဆင့်စတင်သင်ကြား နေပြီး သင်တန်းကာလခြောက် လကြာမြင့်သည်။ ၂၀၁၅ မှစတင် ဖွင့်လှစ်ခဲ့သည့် အဆိုပါ ကောလိပ်အဆင့်ကို သုံးကြိမ်ဖွင့်လှစ်ပြီးဖြစ်ကာ သင်တန်းသား ၁၀၀ ကျော် တက်ရောက် အောင်မြင်ထားသည်။
ကမ္ဘာ့ငြိမ်းချမ်းရေးတက္က သိုလ်ဖွင့်လှစ်ရန် ၂၀၁၄ အတွင်းက နိုင်ငံတော်သံဃမဟာနာယက အဖွဲ့သို့ ခွင့်ပြုချက် တောင်းခံခဲ့ပြီး တိုင်းသံဃနာယကအဖွဲ့နှင့် မြို့နယ်သံဃနာယကအဖွဲ့တို့၏ ခွင့်ပြုချက်များဖြင့် ဖွင့်လှစ်ခဲ့ ကြောင်း ဦးဇောတိကက မိန့်ကြားသည်။
