မာရာဝီမြို့ကို သိမ်းယူခဲ့သည့် သူပုန်များတွင် မလေးရှားမှ စစ်သွေးကြွများ ပါဝင်နိုင်ဟု ဖိလစ်ပိုင်စစ်တပ်ဆို

မာရာဝီမြို့ကို တိုက်ခိုက် သိမ်းယူခဲ့သည့် သူပုန်များတွင် မလေးရှားမှ စစ်သွေးကြွများပါ ပါဝင်ဖွယ် ရှိနေကြောင်း ဖိလစ်ပိုင် စစ်တပ်က အတည်ပြု ပြောကြားခဲ့သည်။

မေလကတည်းက အိုင်အက်စ် အဆက်အနွှယ် စစ်သွေးကြွများ လက်အောက် ကျရောက်ခဲ့သည့် မာရာဝီမြို့ကို ယခုအခါ စစ်တပ်က အစိတ်အပိုင်း အားလုံးနီးပါး ပြန်လည် သိမ်းယူထားနိုင်ပြီ ဖြစ်သည်။

အိုင်အက်စ်ကို သစ္စာခံသည့် မော်တေး စစ်သွေးကြွ အုပ်စုတွင် အင်ဒိုနီးရှားမှ ဂျီဟတ်ဝါဒီများ ပူးပေါင်းပါဝင် တိုက်ခိုက်ခဲ့ကြောင်း ယခင်က ဖိလစ်ပိုင် စစ်တပ်က ဖော်ထုတ်နိုင်ခဲ့သည်။ ယခုအခါ မလေးရှားမှ စစ်သွေးကြွများပါ ဖိလစ်ပိုင်သို့ ရောက်ရှိနေကြောင်း ယုံကြည်ရပြီး ဒေသခံ သူပုန်အဖွဲ့ တစ်ခုထက် နိုင်ငံတကာ အကြမ်းဖက် ကွန်ရက် တစ်ခုသဖွယ် ဆက်စပ်လှုပ်ရှားခဲ့ခြင်းအဖြစ် ပိုမိုပီပြင်လာကြောင်း ဖိလစ်ပိုင် စစ်တပ်မှ ဗိုလ်ချုပ် ရက်စ်တီတူတို ပါဒီလာက မှတ်ချက်ပြု ပြောကြားခဲ့သည်။

အောက်တိုဘာ ၁၈ ရက် ညပိုင်းက မာရာဝီမြို့ တောင်ပိုင်းတွင် စစ်တပ်နှင့် စစ်သွေးကြွများ တိုက်ပွဲ ဖြစ်ပွား ပြီးနောက် အိုင်အက်စ် အဆက်အနွှယ် အကြမ်းဖက်သမား ၁၃ ဦးကို သုတ်သင် ရှင်းလင်းနိုင်ခဲ့ကြောင်း သိရသည်။ ယင်းတို့အနက် အချို့သည် မလေးရှားမှ ဖြစ်နိုင်ပြီး ရုပ်အလောင်းများကို မည်သူမည်ဝါ ခွဲခြား အတည်ပြုရန် စောင့်ဆိုင်းနေဆဲဟု ပါဒီလာက မှတ်ချက်ပေးခဲ့သည်။

စစ်ဆင်ရေးအတွင်း ဖိလစ်ပိုင် စစ်သည် ခြောက်ဦး အသေးစား ဒဏ်ရာများ ရခဲ့ပြီး စစ်သွေးကြွများလက်တွင် ဓားစာခံအဖြစ် အဖမ်းခံထားရသည့် အမျိုးသမီးကြီး တစ်ဦးနှင့် သူမ၏ ဆယ်ကျော်သက်အရွယ် သမီးတို့ကို ကယ်ဆယ်နိုင်ခဲ့ကြောင်းလည်း ပါဒီလာက ဆိုသည်။

မာရာဝီမြို့ရှိ စစ်သွေးကြွ အကြွင်းအကျန်များကို ရှင်းလင်းသည့် စစ်ဆင်ရေးများ အရှိန်မြှင့်တင် လာသည့်နောက် ပဋိပက္ခများအတွင်း မြို့ကို စွန့်ခွာတိမ်းရှောင်သွားသည့် ဒေသခံများ နေရပ်ပြန်လာနိုင်ရေး မျှော်လင့်ချက်များ ပိုမိုအားကောင်းလာကြောင်းလည်း သိရသည်။

Ref: Fox News