တရုတ်နိုင်ငံနှင့် ပူးတွဲ စစ်ရေးလေ့ကျင့်ရန် ဖိလစ်ပိုင်နိုင်ငံက တံခါးဖွင့် ထားကြောင်း သမ္မတဒူတာတေးပြော

တရုတ်နိုင်ငံနှင့် ပူးတွဲစစ်ရေးလေ့ကျင့်ရေးအတွက် ဖိလစ်ပိုင်နိုင်ငံအနေဖြင့် တံခါးဖွင့်သွားရန် စိတ်ကူးထား ကြောင်း ဖိလစ်ပိုင်နိုင်ငံသမ္မတဒူတာတေးက မေလ ၁ ရက်တွင် ပြောကြားလိုက်သည်။

“ အဲဒီစိတ်ကူးကို ကျနော်သဘောတူပါတယ်။ တရုတ်နိုင်ငံအနေနဲ့ Mindanao ကိုလာပြီး ပူးတွဲစစ်ရေး လေ့ကျင့်မှုပြုလုပ်နိုင်ပါတယ်။ ဖြစ်နိုင်တာက Sulu ပင်လယ်ပြင်ထဲမှာပေါ့ ” ဟု တရုတ်နိုင်ငံ၏ ရေတပ် စစ်သင်္ဘောအုပ်စု ဖိလစ်ပိုင်နိုင်ငံ Davao မြို့ ဆိပ်ကမ်းသို့လာရောက်လည်ပတ်သည့် ခရီးစဉ်အတွင်း ဒူတာတေးက သတင်းသမားများအား ပြောကြားခဲ့ခြင်းဖြစ်သည်။

တရုတ်နိုင်ငံ၏ ရေတပ်စစ်သင်္ဘောလာရောက်လည်ပတ်ခြင်းအတွက် ၎င်းအနေဖြင့် အလွန်ဝမ်းမြောက် ဂုဏ်ယူကြောင်း ဒူတာတေးက ပြောကြားခဲ့သည်။

“ သိပ်ကို ဂုဏ်ယူစရာပါ။ နေရာအားလုံးမှာ ကော်ဇော ခင်းထားတယ်လေ။ သိပ်ကိုလှပါတယ်။ သင်္ဘော ထဲမှာက တကယ့်ကို ဇိမ်ခံဟိုတယ်အတိုင်းပါပဲ” ဟု ဒူတာတေးက သတင်းသမားများအား ပြောကြား ခဲ့သည်။ ထို့ပြင် ၎င်းက “ သိပ်ကို သန့်ရှင်းပါတယ်” ဟူ၍လည်း ဖြည့်စွက်ပြောကြားခဲ့သည်။

တရုတ်ရေတပ်စစ်သင်္ဘောပေါ်သို့ သွားရောက်လည်ပတ်ခြင်းသည် တရုတ်နှင့် ဖိလစ်ပိုင် နှစ်နိုင်ငံအကြား ဆက်ဆံရေးကောင်မွန်းခြင်းနှင့် ယုံကြည်မှု တည်ဆောက်ခြင်း၏ အစိတ်အပိုင်းတစ်ရပ်ဖြစ်ကြောင်း ၎င်းက ဆိုသည်။
တရုတ်နိုင်ငံ၏ ရေတပ်စစ်သင်္ဘောအုပ်စုတစ်ခုသည် သုံးရက်ကြာ ချစ်ကြည်ရေးခရီးစဉ်အဖြစ် ဖိလစ်ပိုင် နိုင်ငံ အရှေ့ တောင်ပိုင်းဒေသဖြစ်သော Davao မြို့သို့ မေလ ၁ ရက်က ဆိုက်ရောက်ခဲ့ခြင်းဖြစ်ကြောင်း သိရသည်။

# Xinhua

 

မြောက်ကိုရီးယားခေါင်းဆောင်နဲ့တွေ့ဖို့ သမ္မတ Trump လိုလား

 

မြောက်ကိုရီးယားခေါင်းဆောင်နဲ့ အမေရိကန်သမ္မတ Trump

 

မြောက်ကိုရီးယားရဲ့ နျူကလီးယား လက်နက်တည်ဆောက်မှု အစီအစဉ်တွေကို သီတင်းပတ် အတန်ကြာ ဝေဖန်ပြောဆိုခဲ့တဲ့ သမ္မတ Donald Trump က ပဋိပက္ခတွေကို ဆွေးနွေးဖို့အတွက် မှန်ကန်တဲ့ အခြေအနေ တွေအောက်မှာ မြောက်ကိုရီးယားခေါင်းဆောင် Kim Jong Un နဲ့ တွေ့ဆုံမယ်လို့ အင်္ဂါနေ့မှာ ပြောကြား လိုက်ပါတယ်။

Kim Jong Un နဲ့ တွေ့ဆုံဖို့ အခြေအနေပေးရင် သူတွေ့ဆုံမှာဖြစ်ကြောင်း၊ အဲဒီလို တွေ့ဆုံမယ်ဆိုတဲ့ နေရာ မှာ မှန်ကန်တဲ့ အခြေအနေတွေ ဖြစ်ဖို့တော့ လိုတယ်လို့ Bloomberg သတင်းဌာနနဲ့ ပြုလုပ်တဲ့ မေးမြန်းခန်း အတွင်း သမ္မတ Trump က ပြောပါတယ်။

နိုင်ငံရေးသမား အများစုကတော့ အခုလိုပြောမှာ မဟုတ်ကြောင်း၊ ဒါပေမယ့် အခြေအနေပေးရင် Kim Jong Un နဲ့ တွေ့မှာဖြစ်ကြောင်း သမ္မတ Trump က ပြောပါတယ်။

ဒါပေမယ့် သမ္မတ Trump နဲ့ Kim Jong Un တွေ့ဖို့ အလှမ်းဝေးသေးကြောင်း၊ မြောက်ကိုရီးယားအနေနဲ့ သူ့ရဲ့ရန်လိုတဲ့ သဘောနဲ့ နျူကလီးယား လက်နက် တည်ဆောက်မှု အစီအစဉ်တွေ မရပ်ဆိုင်းမချင်း တွေ့ဆုံမှု မဖြစ်နိုင်ကြောင်း အမေရိကန်သမ္မတ အိမ်ဖြူတော် ပြောခွင့်ရ Sean Spicer က ပြောပါတယ်။

တွေ့ဆုံဖို့ မကြာခင် ကာလအတွင်းမှာ ဖြစ်နိုင်ခြေ သူ့အနေနဲ့ မမြင်ကြောင်း၊ လက်ရှိ အခြေအနေတွေက လည်း တွေ့ဆုံဖို့အတွက် မဖြစ်နိုင်ကြောင်း Sean Spicer က ပြောပါတယ်။

(VOA)

 

 

 

ဖိလစ်ပိုင်သမ္မတဒူတာတေး သူ၏ဇာတိမြို့ရှိ တရုတ်စစ်သဘောင်္များဆီသို့ သွားရောက်လည်ပတ်

 

 

ဖိလစ်ပိုင်သမ္မတ ရိုဒရီဂိုဒူတာတေးသည် ပြီးခဲ့သောတနင်္လာနေ့က သူ၏ဇာတိမြို့၌ ဆိုက်ကပ်ထားသော တရုတ် စစ်သဘောင်္များဆီသို့ သွားရောက်လည်ပတ်ခဲ့ပြီး တောင်တရုတ်ပင်လယ်အတွင်း၌ တင်းမာမှုများ ရှိနေသော်လည်း နှစ်နိုင်ငံကြား နွေးထွေးသော ဆက်ဆံရေးရှိကြောင်း မီးမောင်းထိုးပြသခဲ့ကာ ပူးပေါင်း စစ်ရေးလေ့ကျင့်နိုင်သည့် အလားအလာများလည်း မြင့်တက်လာခဲ့သည်။

ဒူတာတေးသည် ပြီးခဲ့သောရက်ပိုင်းက အာဆီယံဆယ်နိုင်ငံ ထိပ်သီးစည်းဝေးပွဲ၌ တရုတ်နိုင်ငံ၏ နယ်မြေ ချဲ့ထွင်ရေးနှင့် လူလုပ်ကျွန်းများ ပင်လယ်ထဲ၌ တည်ဆောက်နေသည့် ကိစ္စနှင့်ပက်သက်၍ ပျော့ပြောင်းစွာ ရပ်တည်သွားမည်ဖြစ်ကြောင်း ထုတ်ပြန်ကြေညာခဲ့အပြီးတွင် ယခုလို သွားရောက်လည်ပတ်ခြင်းဖြစ်သည်။

ဒါ့အပြင် ဖိလစ်ပိုင်ခေါင်းဆောင်က ပဲ့ထိန်းတပ်ဒုံးကျည်ဖျက်သင်္ဘော “ချန်ချန်း” သည် အလွန်အထင်ကြီး စရာကောင်းကြောင်း ချီးမွမ်းခဲ့သည်။ “အထဲမှာ ကော်ဇောအပြည့်ခင်းထားပါတယ်။ ဟော်တယ်ကြီး ကျနေတာပဲ” ဟု တရုတ်ရေတပ် ကပ္ပတိန်၏ လိုက်လံပြသမှုအပြီးတွင် သူကပြောခဲ့သည်။

“ ဒါဟာ နှစ်ဖက်ကြား ယုံကြည်မှုနဲ့ ချစ်ကြည်မှုကို တည်ဆောက်သွားဖို့ဖြစ်ပြီး ကျနော်တို့ဟာ မိတ်ဆွေတွေ ဖြစ်တယ်ဆိုတာ ပြသဖို့အတွက် သူတို့ကို ဒီမှာကျနော် ကြိုဆိုခဲ့တာပါ” ဟု ဒူတာတေးက ပြီးခဲ့သော တနင်္ဂနွေနေ့၌ မင်ဒန်နာအိုကျွန်းပေါ်ရှိ ဒါဗိုဝ်မြို့သို့ရောက်ရှိလာသော သဘောင်္သုံးစီးပါသည့် ရေယာဉ်စုနှင့် ပက်သက်၍ ပြောခဲ့သည်။

ဖိလစ်ပိုင်နှင့် တရုတ်နိုင်ငံကြား ပူးတွဲစစ်ရေးလေ့ကျင့်မှုများ ဖြစ်လာနိုင်သလားဆိုသည့် မေးခွန်းနှင့် ပက်သက်၍ “ဟုတ်ကဲ့။ ကျနော်သဘောတူပါတယ်။ ပူးတွဲစစ်ရေးလေ့ကျင့်မှုတွေ ဖြစ်လာနိုင်ပါတယ်” ဟု သူကဖြေခဲ့သည်။

ဒါ့အပြင် စစ်ရေးလေ့ကျင့်ဖြစ်ပါက မကြာသေးခင်လများအတွင်း အစွန်းရောက် မူစလင်ပင်လယ်ဓားပြများ လှုပ်ရှားလျက်ရှိသော ဖိလစ်ပိုင်တောင်ပိုင်း ဆူးလူးပင်လယ်ထဲတွင် ပြုလုပ်သွားရန် သူက အကြံပေးခဲ့သည်။

ပြီးခဲ့သောနှစ်က ရွေးချယ်တင်မြှောက်ခံခဲ့ရသည့် ဒူတာတေးသည် နှစ်ပေါင်းများစွာကြာ မဟာမိတ်ဖြစ်ခဲ့ သော အမေရိကန်နိုင်ငံနှင့် ကင်းကွာအောင်နေခဲ့ပြီး စီးပွားရေးအထောက်အပံ့များနှင့် ရင်းနှီးမြှုပ်နှံမှုများကို မျှော်ကိုးကာ နိုင်ငံ၏နယ်နမိတ်အရေး အငြင်းပွားနေရသော တရုတ်နိုင်ငံနှင့် ပိုမိုဆက်ဆံခဲ့သည်။   Ref; AFP