ပိုလန်တစ်နှစ်တာအကောင်းဆုံး ကစားသမားဆုကို လီဝန်ဒေါစကီး ခြောက်နှစ်ဆက်တိုက် ရရှိ
ဘိုင်ယန်မြူးနစ်အသင်းနှင့် ပိုလန်လက်ရွေးစင်အသင်းတို့အတွက် ခြေစွမ်းပြကစားနိုင်သည့်အတွက် တိုက်စစ်မှူး လီဝန်ဒေါစကီး သည် ပိုလန်နိုင်ငံ၏ တစ်နှစ်တာအကောင်းဆုံး ကစားသမားဆုကို ၆ နှစ်ဆက်တိုက် ဆွတ်ခူးနိုင်ခဲ့သည်။
အသက် ၂၈ နှစ်အရွယ်ရှိ လီဝန်ဒေါစကီးသည် ပိုလန်အသင်းဖော်များဖြစ်သော မီလစ်၊ ခရိုင်ချိုဝပ်၊ ဂျီလစ်နှင့် ပက်ဇ်ဒန်တို့ကို ကျော်ဖြတ်ပြီး အကောင်းဆုံးဆုကို ရရှိခဲ့ခြင်း ဖြစ်သည်။
‘ပိုလန်တစ်နှစ်တာအကောင်းဆုံး ကစားသမားဆုကို နောက်တစ်ကြိမ် ရရှိခဲ့တဲ့အတွက် အလွန်ဝမ်းမြောက်မိ ပါတယ်။ ဒီဆုက ကျွန်တော့်အတွက် အဓိပ္ပါယ်အများကြီးရှိပြီး အလွန်ဂုဏ်ယူစရာ ကောင်းပါတယ်’ ဟု လီဝန်ဒေါစကီး က ဆိုသည်။
လီဝန်ဒေါစကီး သည် ၂၀၁၆ ခုနှစ်တွင် ဘိုင်ယန်မြူးနစ်အသင်းအတွက် အကောင်းဆုံးစွမ်းဆောင်ပေးခဲ့ပြီး ပြည်တွင်းဆုဖလား နှစ်လုံး ဆွတ်ခူးနိုင်ခဲ့သည်။ ဘွန်ဒက်စ်လီဂါပြိုင်ပွဲတွင်လည်း ဂိုးသွင်းအများဆုံးကစားသမား ဆုကို ရရှိခဲ့သည်။
ထို့အပြင် လီဝန်ဒေါစကီးသည် ၂၀၁၆ ယူရိုပြိုင်ပွဲတွင် ပိုလန်အသင်းကို ဦးဆောင်ကစားခဲ့ပြီး ကွာတားဖိုင်နယ်သို့ ပို့ဆောင်ပေးနိုင်ခဲ့သည်။
-Ref; Goal.com
