ရွာဦးအခြေခံပညာ အထက်တန်းကျောင်း (ခွဲ)ကျောင်းဆောင်သစ်ဖွင့် ပညာရေးဌာနသို့ လွှဲပြောင်းပေးအပ်

ဂျပန်နိုင်ငံအစိုးရ၏ ၂ဝ၁၅ခုနှစ် အသေးစားစီမံကိန်းများ ထောက်ပံ့ရေး (GGP) အစီအစဉ်အရ ဂျပန်အစိုးရနှင့် ပြည်သူတို့၏ထောက်ပံ့ငွေဖြင့် ဆောက်လုပ်လှူဒါန်းသော ဧရာဝတီတိုင်း ဒေသကြီး ဟင်္သာတမြို့နယ် လိပ်ချောင်း ကျေးရွာအုပ်စု ရွာဦးအခြေခံပညာအထက်တန်းကျောင်း(ခွဲ) ကျောင်းဆောင်သစ်ဖွင့်ပွဲနှင့် ပညာရေးဌာနသို့ လွှဲပြောင်းပေးအပ်ပွဲအခမ်းအနားကို နိုဝင်ဘာ (၉) ရက် မွန်းလွဲ ၂ နာရီ ၁၅ မိနစ်တွင် အဆိုပါကျောင်း၌ပြုလုပ်ရာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဗဟိုဦးဆောင်ကော်မတီဝင် ဦးဌေးဦး၊ ဟင်္သာတမြို့နယ် ပြည်သူ့ လွှတ်တော်ကိုယ်စားလှယ် ဦးခင်မောင်ရီ၊ အမျိုးသားလွှတ်တော် ကိုယ်စားလှယ် ဦးထိန်ဝင်း၊ ဧရာဝတီတိုင်း ဒေသကြီးမဲဆန္ဒနယ်အမှတ်(၁) လွှတ်တော်ကိုယ်စားလှယ် ဦးကျော်စိုး၊ မြန်မာနိုင်ငံဆိုင်ရာ ဂျပန်သံရုံးမှ အတွင်းဝန် Mr.Kasia Yoshi Manasa နှင့် တာဝန်ရှိသူများ၊ ဧရာဝတီတိုင်းဒေသကြီး ပညာရေးမှူးရုံးမှ ဒုတိယညွှန်ကြားရေးမှူး ဦးအမ်ဘရိုစ့်၊ ဟင်္သာတ ခရိုင်/မြို့နယ် ပြည်ခိုင်ဖြိုးပါတီဥက္ကဋ္ဌ၊ အတွင်းရေးမှူးနှင့် အလုပ်အမှုဆောင်များ၊ ဟင်္သာတမြို့နယ် ဒုတိယအုပ်ချုပ်ရေးမှူးနှင့် လူမှုရေးအသင်း အဖွဲ့များ၊ ကျောင်းအကျိုးတော်ဆောင်များ၊ ဆရာဆရာမများ၊ ကျောင်းသား ကျောင်းသူများ၊ ဒေသခံပြည်သူများ တက်ရောက်ကြသည်။

အစီအစဉ်အရ ဟင်္သာတမြို့နယ် ပြည်သူ့လွှတ်တော် ကိုယ်စားလှယ်၊ အမျိုးသားလွှတ်တော် ကိုယ်စားလှယ်၊ ဧရာဝတီတိုင်းဒေသကြီး မဲဆန္ဒနယ်အမှတ်(၁) လွှတ်တော်ကိုယ်စားလှယ်၊ မြန်မာနိုင်ငံဆိုင်ရာ ဂျပန်သံရုံးမှ ဒုတိယ အတွင်းဝန် Mr.KasiaYoshi Manasa၊ တိုင်းဒေသကြီး ပညာရေးမှူးရုံးမှ ဒုတိယညွှန်ကြားရေးမှူး ဦးအမ်ဘရိုစ့် တို့က ကျောင်းဆောင်သစ်ကို ဖဲကြိုးဖြတ် ဖွင့်လှစ်ပေးပြီးနောက် မြန်မာနိုင်ငံဆိုင်ရာ ဂျပန်သံရုံးမှ ဒုတိယအတွင်းဝန် Mr.KasiaYoshi Manasa က ကျောင်းဆောင် သစ်နှင့် ပတ်သက်သော စာရွက်စာတမ်းများ လွှဲပြောင်းပေးအပ်ရာ ဟင်္သာတမြို့နယ် ပညာရေးမှူး ဦးဝင်းနိုင်က လက်ခံသည်။

ဆက်လက်၍ ကျောင်းအုပ်ဆရာမကြီးနှင့် ကျောင်းအကျိုးတော်ဆောင်အဖွဲ့က မြန်မာနိုင်ငံဆိုင်ရာ ဂျပန်သံရုံးမှ ဒုတိယအတွင်းဝန် Mr.KasiaYoshi Manasa နှင့် ကျောင်းဆောင်သစ်ဖြစ်မြောက်ရေးအတွက် စီမံဆက်စပ်ဆောင် ရွက်ပေးသည့် ပြည်ခိုင်ဖြိုးပါတီ ဗဟိုဦးဆောင်ကော်မတီဝင် ဦးဌေးဦးကို ကျောင်းဆောင်သစ်ဓာတ်ပုံအား အမှတ် တရ ပေးအပ်ခဲ့သည်။