လူမျိုးရေး တင်းမာမှုများကြားမှ ဘော့စနီးယားဆာ့ဘ်တို့ အငြင်းပွားဖွယ် ဆန္ဒခံယူပွဲ ကျင်းပ
ဘော့စနီးယားတွင် လူမျိုးရေးတင်းမာမှုများ ကြီးထွားလာမည့် အန္တရာယ်ရှိသောကြောင့် မဲပေးပွဲလုပ်ငန်းစဉ်ကို ဖျက်သိမ်းရန် ဘော့စနီးယားအထက်ခုံရုံး၏ သတိပေးမှု နှင့် အနောက်နိုင်ငံများ၏ ဖိအားပေးမှုများကို အာခံကာ အငြင်းပွားဖွယ် အမျိုးသားရုံးပိတ်ရက်ပြဿနာနှင့်ပတ်သက်သည့် ဆန္ဒခံယူပွဲကို တနင်္ဂနွေနေ့က ကျင်းပခဲ့ကြသည်ဟု Reuters သတင်းတွင် ဖော်ပြထားသည်။
ဇန်နဝါရီ ၉ ရက်ကို အမျိုးသားနေ့အဖြစ် သတ်မှတ်ရန် သင့်၊ မသင့် မဲခွဲ ဆုံးဖြတ်မည့် ဆန္ဒခံယူပွဲသည် ၁၉၉၂ တွင် ဘေးစနီးယားယားနိုင်ငံမှ ခွဲထွက်လာခဲ့ပြီး နောက်ပိုင်း ပထမဆုံး ပြုလုပ်ခြင်း ဖြစ်သည်။
မဲပေးမှုရလဒ်များကို မဲရုံပိတ်ပြီး နောက် ၄၈ နာရီအတွင်း ထုတ်ပြန်ပေးရန် မျှော်မှန်းထားကြောင်း စီစဉ်ကျင်းပသူ များက ပြောကြားသည်။
၎င်းရုံးပိတ်ရက်သည် ဆားဗီးယားအော်သိုဒေါ့ဂ် ခရစ်ယာန်ရုံးပိတ်ရက်နှင့် တိုက်ဆိုင်နေသည့်အပြင် ရီပတ်ဘလစ် နိုင်ငံအတွင်း နေထိုင်ကြသော မွတ်ဆလင် ဘာသာဝင် ဘော့စနစ်များနှင့် ကက်သိုလစ် ဘာသာဝင် ခရုတ် တို့ကိုလည်း ခွဲခြားဆက်ဆံရာရောက်သောကြောင့် တရားမဝင်ကြောင်း ဆာရာဂျေဗို အခြေစိုက် အခြေခံဥပဒေ ခုံရုံးက အဆုံးအဖြတ်ပေးထားပြီး ဆန္ဒခံယူပွဲကိုလည်း ကျင်းပခြင်းမပြုရန် ပိတ်ပင်ခဲ့သည်။
ဇန်နဝါရီလ ၉ ရက်သည် ၁၉၉၂ တွင် ဘော့စနီးယားမှခွဲထွက်ရန် ဆာ့ဘ်တို့က လွတ်လပ်ရေး ကြေညာခဲ့သောနေ့ ဖြစ်သည်။ ဆာ့ဘ်လူမျိုးများက ၎င်းတို့ သီးသန့်နိုင်ငံဖြစ်စေရန် ၎င်းနယ်မြေအတွင်းမှ ဘော့စနစ်နှင့် ခရုတ် လူမျိုးများကို လူမျိုးတုန်းသတ်ဖြတ်မှုများ ပြုလုပ်ခဲ့သောကြောင့် ဒုတိယကမ္ဘာစစ်အပြီး ဥရောပတွင် သွေးစွန်းမှု အကြီးမားဆုံး ပဋိပက္ခဖြစ်ခဲ့သည်။
ဆာ့ဘ်အစိုးရက အမျိုးသားနေ့နှင့် ပတ်သက်သည့် ခုံရုံးဆုံးဖြတ်ချက်ကို လိုက်နာမည်ဖြစ်ကြောင်းနှင့် အခြား ပြည်သူများကို ခွဲခြားဆက်ဆံမှု မဖြစ်စေရန် ရုံးပိတ်ရက် နှင့် ပတ်သက်သည့် ဥပဒေများကို ပြင်ဆင်မှု ပြုလုပ်မည် ဖြစ်ကြောင်း၊ သို့သော် ဆန္ဒခံယူပွဲပြီးမှ ဆောင်ရွက်မည် ဖြစ်ကြောင်း ရှင်းလင်း ပြောကြားထားသည်။
အများစုကမူ ဆာ့ဘ်ခေါင်းဆောင် မီလိုရတ်ဒိုဒေါက်သည် ခုံရုံးဆုံးဖြတ်ချက်ကို အာခံခြင်းအားဖြင့် စစ်ပွဲအလွန် ဆာရာဂျေဗိုမှ အာဏာပိုင်များ၏ အားနည်းချက်ကို ဖော်ထုတ်ရန်နှင့် ခွဲထွက်ရေး ဆန္ဒခံယူပွဲ ပြုလုပ်ရန် ရည်ရွယ်နေခြင်း ဖြစ်သည်ဟု ယုံကြည်ကြသည်။
ဒေသတွင်း တည်ငြိမ်မှု ပျက်ပြားနိုင်သောကြောင့် ၎င်းအငြင်းပွားဖွယ် ဆန္ဒခံယူပွဲကို ဖျက်သိမ်းရန် အမေရိကန် ပြည်ထောင်စုနှင့် ဥရောပသမဂ္ဂတို့က တောင်းဆိုထား သော်လည်း ရုရှားကမူ ယင်းဆန္ဒခံယူပွဲကို ထောက်ခံ အားပေးလျက်ရှိသည်။ # The Voice
