အဲရစ်ဒိုင်ယာနှင့် စပါးအသင်း ငါးနှစ်စာချုပ် သက်တမ်းတိုးချုပ်ဆို

အင်္ဂလန်ကွင်းလယ်လူ အဲရစ်ဒိုင်ယာသည် စပါးအသင်းတွင် ၂၀၂၁ အထိ ရှိနေမည့် ငါးနှစ်သက်တမ်းရှိ စာချုပ်သစ် တစ်ရပ် လက်မှတ်ရေးထိုးလိုက်သည်။

စပို့တင်းအသင်းမှ ၂၀၁၄ က စပါးသို့ ပြောင်းလာသော ဒိုင်ယာ (၂၂) နှစ်သည် နည်းပြ ပိုချက်တီနို၏ အဓိက ကစားသမားများအနက် တစ်ဦးဖြစ်လာသည်။

ယမန်နှစ်က ပရီးမီးယားလိဂ် ဖလားကို စိန်ခေါ်ရန် စပါးအသင်း ကြိုးစားရာတွင် ခြေစွမ်းပြနိုင်ခဲ့သည့် ဒိုင်ယာသည် ယူရို ၂၀၁၆ ပြိုင်ပွဲဝင် အင်္ဂလန်အသင်းအတွက် ရွေးချယ်ခံရပြီး ရုရှားနှင့် တစ်ဂိုးစီ သရေကျခဲ့သော အဖွင့်ပွဲ၌ အလွတ်တည်ကန်ဘောမှ တစ်ဆင့် ဂိုးသွင်းယူခဲ့သည်။

စပါး၏ ယခုရာသီ ရှုံးပွဲမရှိ သေးသော  ပွဲများအားလုံးတွင် ဒိုင်ယာသည် ပွဲချိန်ပြည့် ပါဝင်ကစားခဲ့ပြီး မိုနာကိုနှင့် ချန်ပီယံလိဂ်ပွဲ၌ ပါဝင်ရန် ပြင်ဆင်နေသည်။

ဒိုင်ယာသည် စပါးသို့ ပြောင်းလာစဉ်က ခံစစ်ကစားသမားတစ် ဦးအဖြစ်သာ မူလက ရှုမြင်ခံရသော်လည်း ယင်းနောက်ပိုင်းတွင် စပါးနှင့် အင်္ဂလန်အတွက် ကွင်းလယ်နေရာမှ ခြေစွမ်းပြကစားခဲ့သည်။

အင်္ဂလန်အတွက် ၁၁ ပွဲ ကစားထားသော ဒိုင်ယာသည် စပါးအတွက် ၈၇ ပွဲကစားပြီး ၆၇ ဂိုး သွင်းယူထားသည်။

ဒိုင်ယာ၏ အသင်းဖော် ခရစ်ချန်အဲရစ်ဆင်သည်လည်း ပြီးခဲ့သည့်အပတ်က စပါးနှင့် လေးနှစ် စာချုပ်သက်တမ်း တိုးခဲ့သည်။

နောက်ခံလူ ကိုင်လီဝေါ်လ်ကာသည်လည်း စပါးနှင့် ရေရှည် စာချုပ်သစ်တစ်ရပ် ချုပ်ဆိုရန် နီးစပ်နေသည်။

—Ref: Goal