ငြိမ်းချမ်းရေး ဆွေးနွေးပွဲများတွင်အမျိုးသမီးများ ၃၀ ရာခိုင်နှုန်း ပါဝင်ရေးတောင်းဆို
ငြိမ်းချမ်းရေးဖော်ဆောင်မှု နိုင်ငံရေးဆွေးနွေးပွဲ အဆင့်ဆင့်တွင် အမျိုးသမီးများပါဝင်နိုင်မည့် တိကျသော မူဘောင်အချက်အလက်များ ထည့်သွင်းရန်၊ အနည်းဆုံး ၃၀ ရာခိုင်နှုန်း ပါဝင်ခွင့်ရရန် စသည့်အချက်များကို ငြိမ်းချမ်းရေးအတွက် ကျားမ တန်းတူရေးမဟာမိတ်အဖွဲ့က တောင်းဆိုကြောင်း သိရသည်။
အမျိုးသမီးအခွင့်အရေး ကျားမတန်းတူညီမျှရေးတို့ကို ဆောင်ရွက်သည့် အဖွဲ့ရှစ်ဖွဲ့ဖြင့် ဖွဲ့စည်းထားသော အဖွဲ့ အစည်းသည် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC)၊ ငြိမ်းချမ်းရေး ကော်မရှင် ဥက္ကဋ္ဌနှင့် သြဂုတ် ၁၉ ရက်တွင် တွေ့ဆုံ၍ တောင်းဆိုခဲ့ခြင်းဖြစ်သည်။
ပဋိပက္ခဖြစ်ပွားစဉ်နှင့် ဖြစ်ပွားလွန်ကာလများတွင် အမျိုးသမီးများအား အကြမ်းဖက်မှုအပေါ် ကာကွယ်စောင့် ရှောက်မှုကို သက်ဆိုင်ရာအဖွဲ့အစည်းအသီးသီးက လိုက်နာဆောင်ရွက်ရန်၊ လိင်ပိုင်းဆိုင်ရာ အကြမ်းဖက်မှု ကျူးလွန်သူများကို ထိရောက်စွာ အပြစ်ပေးရန်နှင့် ၂၁ ရာစုပင်လုံ ငြိမ်းချမ်းရေး ညီလာခံတွင် အမျိုးသမီးများ ရှုထောင့်အမြင်ဖြင့် ရေးသားထားသော စာတမ်းတင်သွင်းခွင့်ပြုရန် စသည့် အချက်ခြောက်ချက်ဖြင့် တောင်းဆို ထားသည်။
ငြိမ်းချမ်းရေးကော်မရှင်၏ နည်းပညာအကြံပေးအဖွဲ့များတွင် ကျားမရေးရာ အကြံပေးထည့်သွင်းရန် တောင်းဆိုခြင်းကို ခန့်အပ်နိုင်မည့်သူအား စဉ်းစားရွေးချယ် ရမည်ဟုဆိုကြောင်း တွေ့ဆုံရာတွင် ပါဝင်သည့် ငြိမ်းချမ်းရေး အတွက် ကျားမတန်းတူရေး မဟာမိတ်အဖွဲ့ ပဲ့ကိုင်ကော်မတီဝင် ဒေါ်မေစံပယ်ဖြူက ပြောသည်။
‘‘ကော်မရှင်ဥက္ကဋ္ဌက တောင်းဆိုချက်တွေက ဖြစ်နိုင်ခြေရှိတယ်လို့ ပြောတယ်’’ ဟု ၎င်းက ဆက်လက် ပြောကြားသည်။ ထို့ကြောင့် ငြိမ်းချမ်းရေးအတွက် ကျားမ တန်းတူညီမျှရေးအဖွဲ့က ခန့်အပ်ရန် သင့်တော်မည့်သူ စာရင်း များကို အကြံပြု တင်ပြမည်ဟု ဆိုသည်။
ထိုိသို့တောင်းဆိုရခြင်းမှာ ယခုအချိန်တွင် အစိုးရ၊ တိုင်းရင်းသားလက်နက်ကိုင်အဖွဲ့အစည်းများနှင့် နိုင်ငံရေးပါတီ များအကြားတွင် နိုင်ငံရေးဆွေးနွေးမှုဆိုင်ရာ မူဘောင်များ ပြန်လည်သုံးသပ် ပြင်ဆင်ရန် ဆွေးနွေးလျက်ရှိသည်။
ထို့ကြောင့် မူလချမှတ်ထားသည့် ပြည်ထောင်စုငြိမ်းချမ်းရေးညီလာခံ၏ အဆိုပြုချက်တွင် ပါဝင်ခဲ့သည့် နိုင်ငံရေး ဆွေးနွေးပွဲအဆင့်ဆင့်၌ အမျိုးသမီးများ အနည်းဆုံး ၃၀ ရာခိုင်နှုန်းပါဝင်ရေး ကြိုးပမ်းဆောင်ရွက်မည် ဟူသည့် အချက်ကို ဖြုတ်ချမသွားစေလိုဘဲ ပါဝင်မှုတိကျနိုင်မည့်အချက်များ ထည့်သွင်းရေး ရည်ရွယ်ချက်ကြောင့်ဖြစ် သည်ဟု ဒေါ်မေစံပယ်ဖြူက ဆိုသည်။
လက်ရှိ ပြည်ထောင်စုအဆင့် ကော်မတီများတွင် အမျိုးသမီးပါဝင်မှု မရှိသလောက် နည်းပါးပြီး ပြည်နယ်နှင့် တိုင်း အဆင့်၌ အမျိုးသမီးများပါဝင်နိုင်ရန်ကြိုးစားပေးမည်ဟု သက်ဆိုင်ရာ အဖွဲ့အစည်းများက အကြောင်းပြန်ကြောင်း ၎င်းကဆက်လက် ပြောကြားသည်။ ငြိမ်းချမ်းရေးအတွက် ကျားမတန်းတူရေး မဟာမိတ်အဖွဲ့အနေဖြင့် ‘‘ဘယ် ဆွေးနွေးပွဲမဆို အဆင့်တွေ အဆင့်တွေတိုင်းမှာ အမျိုးသမီးတွေ ပါဝင်စေချင်တာပါ’’ဟု ဒေါ်မေစံပယ်ဖြူက ပြောသည်။ # 7 Day Daily
