အနုပညာရှင်များဆီမှ ကျပ်ငွေသိန်းပေါင်းတစ်သောင်းကျော် လိမ်လည်သွားသည့် အဆိုတော်ကဗျာဘွဲ့မှူးအကြောင်း စာနယ်ဇင်းရှင်းလင်း
ချွေးနှဲစာဖြင့် ရှာထားသည့် အနုပညာကြေးများကိုလိမ်လည် သွားသည့် ဂီတမှူး စောဘွဲ့မှူး၏ သမီးကြီးကဗျာဘွဲ့မှူးနှင့်ပတ်သက် ပြီး ယနေ့ နံနက် ၁၁ နာရီက ရန်ကုန်မြို့ ဗိုလ်တထောင်ဘုရား လမ်းရှိ Orchid Hotel ၌ စာနယ် ဇင်းရှင်းလင်းပွဲ ပြုလုပ်ခဲ့သည်။
အဆိုပါငွေကြေးအလွဲသုံးမှုတွင် အလိမ်ခံရသော အနုပညာရှင် များဖြစ်ကြသည့် အဆိုတော် မေခလာ ကျပ်သိန်း ၃ဝဝ၊ ဆုန် သင်းပါရ် ကျပ်သိန်း ၁၃ဝဝ၊ Lဆိုင်းဇီ ကျပ်၈၅သိန်း၊ ဘိုဖြူ ကျပ်သိန်း၁ဝဝ၊ ကော်နီ ကျပ်သိန်း ၁၈ဝ၊ အံ့မော်ဦး ကျပ်သိန်း၁ဝဝဝ၊ အဆိုတော်ီဖြိုး၏ဇနီး ကျပ်သိန်း ၈၅ဝ၊ ခရစ္စတိုဖာ ကျပ်သိန်း ၅ဝဝ၊ စောအယ်ခူး ကျပ်သိန်း ၆ဝဝ၊ ကျော်နေဝင်း ကျပ်သိန်း ၃ဝဝ၊ စလားရူဖန်း ကျပ်သိန်း၁ဝဝ၊ မိုးနှင်းသက် ကျပ်သိန်း ၂၅ဝဝ၊ ဝင်းပပအေး ကျပ်သိန်း ၁၂၅ဝ၊ နန္ဒာကျော်သူ ကျပ်သိန်း ၅ဝဝ၊ ဒေါ်စန္ဒာရတနာ ကျပ်သိန်း ၁၅ဝ၊ စင်ဒီ ကျပ်သိန်း ၃ဝဝ တို့ အလိမ် ခံရသည်။
လက်ရှိတွင် ကဗျာဘွဲ့မှူးသည် အမေရိကားကို ထွက်ပြေးတိမ်း ရှောင်နေကြောင်း သိရသည်။ ”ကျွန်မတို့ပိုက်ဆံတွေက ဘယ်သူ နဲ့မှ ဆက်စပ်ပြီးရလာတဲ့ ငွေ မဟုတ်ပါဘူး။ ပရိသတ်တွေက ချစ်လို့ပေးထားတဲ့ အနုပညာကြေး တွေပါ။ သူတို့နဲ့ ချစ်ငယ်တို့က အရမ်းခင်ရတဲ့ သူတွေပါ။ ကဗျာ ဘွဲ့မှူးဆိုတာလဲ ကျွန်မလက်ထဲမှာ ကြီးပြင်းခဲ့တဲ့ ကလေးပါ။ နောက် မျိုးမြင့်အောင်ဆိုတာလဲ ချစ်ငယ် တို့နဲ့ တအားရင်းနှီးတဲ့သူတွေပါ။ အဲ့ဒီလိုရင်းနှီးမှုကို အခွင့်အရေး ယူပြီး လုပ်သွားတာပါ။ သူ့အပေါ် ကောင်းတဲ့သူတွေကို သူလုပ်သွား တာပါ။ သူ့ကို လုပ်ငန်းစပ်တူ လုပ်ဖို့ ပေးအပ်ခဲ့တဲ့ငွေတွေပါ။ သူတို့ဓာတ်ဆီဆိုင်ကနေ တစ်နေ့ ရတဲ့ဝင်ငွေက မနည်းပါဘူး။ ဒါကို သူတို့ပြန်ဖြေရှင်းပေးနိုင်ရဲ့သားနဲ့ သူတို့မရှင်းပေးဘဲ ထွက်ပြေး တယ်။ ကိုယ့်အချင်းချင်း မလုပ် သင့်ပါဘူး။သူကိုယ်တိုင်က စီးပွား ရေးလုပ်ပါလားဆိုပြီး ချစ်ငယ်တို့ အားလုံးကိုလာပြောတာပါ။ သီချင်း ဆိုနေမယ့်အစား ထာဝရအဆင် ပြေမယ့်လုပ်ငန်းဆိုပြီး လိမ်သွား တာပါ။ သူရဲ့ ZTX ဆီဆိုင်မှာ တစ်ယောက်ကိုအစုရှယ်ယာကျပ် သိန်း ၂ဝဝစီ ပါဝင်ခိုင်းပါတယ်။ သူတစ်ခုခုမှားယွင်းမှုကြောင့် လုပ် သွားတယ်လို့ပဲ သတ်မှတ်ထား ပါတယ်။ သူတို့ကို အဆင်မပြေ တာ ဘာရှိလဲပြောပါဆိုတာကို သူတို့ဘက်ကအကြောင်းမပြန်ဘူး။ သူတို့ဘက်က လုပ်ချင်တာလုပ်လို့ ပြောပါတယ်။ သူတို့က အမျိုးမျိုး တိမ်းရှောင်လို့ အခုလိုပွဲလေးလုပ် တာပါ။သူတို့အမျိုးတွေက သတင်း စာမှာ သူတို့နဲ့ မသက်ဆိုင်ဘူး၊ သူတို့ကို သိက္ခာကျဆင်းအောင် လုပ်ရင် တရားစွဲမယ် ဘာညာပြော လာလို့ အခုလိုမီဒီယာကို အသိ ပေးရတာပါ”ဟု အဆိုတော်မေ ခလာက ပြောကြားခဲ့သည်။
