ထိုင်းနိုင်ငံသည် ကျွမ်းကျင်လုပ်သားများနှင့် ရင်းနှီးမြှုပ်နှံသူများကို ဆွဲဆောင်သည့်အနေဖြင့် ၁၀ နှစ်ဗီဇာကို လာမည့်စက်တင်ဘာလတွင်စတင်ထုတ်ပေးသွားမည်ဖြစ်ပြီး ယခုအစီစဉ်သည်နောက်ငါးနှစ်အတွင်း ဂျပန်နိုင်ငံနှင့် အခြားအဆင့်မြင့်စီးပွားရေးနိုင်ငံများကို ခေါ်ယူရန်ရည်ရွယ်သည့် လုပ်ေဆာင်မှုတစ်ခုဖြစ်သည်။
မော်တော်ကား၊ အီလက်ထရွန်းနစ်နှင့် ဇီဝနည်းပညာကဲ့သို့သော အဓိကကဏ္ဍများကို ယှဉ်ပြိုင်နိုင်စေရန်အတွက် ရေရှည်ဗီဇာကို ထုတ်ပေးခြင်းဖြစ်သည်။
ထိုင်းနိုင်ငံမှာ မျောက်ကျောက်ရောဂါ ကူးစက်ခံရသူလူနာ နောက်ထပ်တဦး တွေ့ရှိတယ်လို့ ထိုင်းပြည်သူ့ ကျန်းမာရေးဦးစီးဌာနက ပြောပါတယ်။အဆိုပါလူနာမှာ အသက် ၂၅ နှစ်ရွယ်ရှိ ဂျာမနီနိုင်ငံသားတဦးဖြစ်ကြောင်း၊ ထိုင်းနိုင်ငံထဲကို ဇူလိုင် ၁၈ ရက်က ဝင်ရောက်လာကာ ထိုင်းတောင်ပိုင်း ဖူးကက်ခရိုင်မှာ ရောက်ရှိနေတာလို့ ပြည်သူ့ကျန်းမာရေးဦးစီးဌာန ညွှန်ကြားရေးမှူး ဒေါက်တာအိုဖတ်ကန်ကဝင်းဖုန်းက ဩဂုတ် ၃ ရက် နေ့ခင်းပိုင်းမှာ သတင်းထောက်တွေကို ပြောပါတယ်။
နန်စီပေလိုစီ၏ ထိုင်ဝမ်ခရီးစဉ်ကြောင့် ဩဂုတ်လ ၃ ရက် ဗုဒ္ဓဟူးနေ့တွင် တရုတ်နိုင်ငံသည် ထိုင်ဝမ်မှ သစ်သီးနှင့် ငါးများ တင်သွင်းမှုကိုတားမြစ်ခဲ့ပြီး ထိုင်ဝမ်သို့ သဲတင်ပို့မည့် သင်္ဘောများကိုပါ ရပ်ဆိုင်းထားစေခဲ့ကြောင်း သိရသည်။
တရုတ်အကောက်ခွန် ဌာနက ထိုင်ဝမ်မှ တင်ပို့သော ရှောက်သံပုရာ မျိုးဝင်အသီးများတွင် လွန်ကဲစွာ အသုံးပြုထားသော ပိုးသတ်ဆေး အကြွင်းအကျန်များကို ထပ်တလဲလဲ စစ်ဆေးတွေ့ရှိရသောကြောင့် သစ်သီးတင်သွင်းမှု အချို့ ကို ဆိုင်းငံ့ထားကြောင်းနှင့် ငါးတင်ပို့ကိုမူလည်း ထုပ်ပိုးသည့် ဘူးခွံများပေါ်တွင် ကိုရိုနာဗိုင်းရပ်စ် တွေ့ရှိမှုကြောင့် ဆိုင်းငံ့ထားရကြောင်း ပြောကြားခဲ့သည်။
တိုင်ပေ၊ ဩဂုတ် ၂
အမေရိကန်အောက်လွှတ်တော် ဥက္ကဌ နန်စီပေလိုသည် အာရှခရီးစဉ်အဖြစ် ထိုင်ဝမ်သို့ ဩဂုတ်လ ၂ ရက် အင်္ဂါနေ့ည တွင် ရောက်ရှိခဲ့ကြောင်း သိရသည်။ ၎င်းခရီးစဉ်သည် နန်စီပေလိုစီအား ၂၅ နှစ်အတွင်း ထိုင်ဝမ်ကျွန်းပေါ်သို့ ပြန်လည် ခြေချေနိုင်ခဲ့သည့် အမေရိကန်၏ ရာထူးအမြင့်ဆုံး အရာရှိတစ်ဦး ဖြစ်လာစေသည်။
Toyota Motor ကုမ္ပဏီဟာ ကမ္ဘာပေါ်မှာ ကြွေးမြီအများဆုံး ကော်ပိုရေးရှင်းဖြစ်လာမယ်လို့ StockApps.com က ထုတ်ပြန်ထားပါတယ်။ Toyota ဟာ ၂၀၂၁-၂၀၂၂ ဘဏ္ဍာရေးနှစ်မှာ ကြွေးမြီ ကန်ဒေါ်လာ ၁၈၆ ဘီလီယံအထိ ရှိလာမယ်လို့လည်း ဖော်ပြထားပါတယ်။
တောင်ကိုရီးယား မိဘများနှင့် ဆရာများသည် အစိုးရက အကောင်အထည်ဖော်ရန်ရှိသည့် ကလေးများအား ငါးနှစ်သားမှစ၍ ကျောင်းအပ်နှံရမည့် အစီအစဉ်ကို ဩဂုတ်လ ၁ ရက် တနင်္လာနေ့တွင် ကန့်စုဝေးဆန္ဒပြခဲ့ကြသည်။
မိဘများနှင့် ဆရာများက ထိုအရွယ် ကလေးများသည် ဉာဏ်ရည်ဉာဏ်သွေးအရ ကျောင်းတက်ရန် အဆင်သင့်မဖြစ်သေးကြောင်းနှင့် ၎င်းအပြောင်းအလဲကြောင့် ကလေးထိန်းဌာနများ ရှာဖွေရာတွင် အခက်အခဲများ တိုးလာမည်ဖြစ်ကြောင်း ပြောဆိုကာ ဆန္ဒပြခဲ့ကြခြင်း ဖြစ်သည်။
ကမ္ဘာ့မြေပုံကနေ ယူကရိန်းကို ဖျက်ပစ်ဖို့ ရုရှားက ရည်ရွယ်လုပ်ဆောင်နေတယ်လို့ ကုလသမဂ္ဂဆိုင်ရာ အမေရိကန်သံအမတ်ကြီးက ပြောလိုက်ပါတယ်။
မျောက်ကျောက်ဗိုင်းရပ်စ် ပျံ့နှံမှုကြောင့် ပြည်သူ့ကျန်းမာရေး အရေးပေါ်အခြေအနေကို နယူးယောက်မြိုတော် တာ၀န်ရှိသူများက စနေနေ့ကကြေညာခဲ့ပြီး၊ မြိုကိုလည်း ရောဂါဖြစ်ပွားမှု ဗဟိုချက်ဟု သတ်မှတ်ခေါ်ဆိုလိုက်သည်။
နယူးယောက်မြိုတော်၀န် အီးရစ်အဒမ်စ်နှင့် ကျန်းမာရေးကော်မရှင်နာမင်းကြီး အက်ရှ်၀င်ဗာဆန်တိုက မြိုတော်တွင်း နေထိုင်ကြသူ တစ်သိန်းခွဲသည် မျောက်ကျောက်ရောဂါကူးစက်မှု အန္တရာယ်ဖြစ်နိုင်ကြောင်း ယင်းကြေညာချက်တွင် ထည့်သွင်းပြောကြားခဲ့သည်။
ကျန်းမားရေးဆိုင်ရာ စည်းမျဉ်းများအရ အရေးပေါ်အမိန့်ထထုတ်ပြန်ခြင်းဖြစ်ပြီး၊ ရောဂါကူးစက်ပြန့်ပွားမှု နှေးကွေးစေရန် အစီအမံများကိုလည်း အကောင်အထည်ဖော်သွားမည်ဖြစ်သည်။
အမေရိကန်နိုင်ငံနှင့် စစ်ရေးအရ ထိပ်တိုက်ရင်ဆိုင်မှုများအတွက် နိုင်ငံအနေဖြင့် အပြည့်အ၀အဆင်သင့်ရှိကြောင်း၊ ယင်းအတွက် နျူလက်နက်များနှင့် တပ်ဖွဲ့များသည်လည်း အဆင်သင့်ပင်ဖြစ်ကြောင်း ကိုရီးယားစစ်ပွဲနှစ်ပတ်လည် အခမ်းအနားတွင် မြောက်ကိုရီးယားခေါင်းဆောင် ကင်ဂျုံအန်ကပြောကြားသည်။မြောက်ကိုရီးယားအနေဖြင့် ၇ ကြိမ်မြောက် နျူလက်နက်စမ်းသပ်မှုပြုလုပ်ရန်ပြင်ဆင်နေမည်ကို စိုးရိမ်နေကြသည့် ကြားတွင် ကင်ဂျုံအန်က ထိုသို့ပြောဆိုလိုက်ခြင်းဖြစ်သည်။ မြောက်ကိုရီးယားတို့အနေဖြင့် ယင်းစမ်းသပ်မှုကို အချိန်မရွေးပြုလုပ်နိုင်ကြောင်း အမေရိကန်က ပြီးခဲ့သည့် လအတွင်းက သတိပေးခဲ့သည်။
