ထိုင်းနိုင်ငံထဲကို ဝင်ရောက်လာမယ့် နိုင်ငံခြားသားတွေဆီကနေ တယောက်ကို ဘတ် ၃၀၀ နှုန်းကောက်ခံသွားဖို့ စီစဉ်နေတယ်လို့ မန်နေဂျာအွန်လိုင်း ထိုင်းသတင်းမှာ ဖော်ပြပါတယ်။နိုင်ငံတကာလေကြောင်းလိုင်းကနေ ဝင်ရောက်လာမယ့် နိုင်ငံခြားသားတွေဆီကနေ တယောက်ကို ဘတ် ၃၀၀ နှုန်းကောက်ခံဖို့ အတည်ပြုလိုက်ပြီဖြစ်ကာ လာမယ့် ၂၀၂၃ ခုနှစ် နှစ်ဦးပိုင်းမှာ စတင်အကောင်အထည် ဖော်နိုင်မယ်လို့ ထိုင်းနိုင်ငံခရီးသွားလုပ်ငန်းနဲ့ အားကစားဝန်ကြီး နိုင်းဖိဖတ် ရတ်ချ်ကစ်ပရကန်က ဩဂုတ် ၂၉ မှာ သတင်းထောက်တွေကို ပြောလိုက်ပါတယ်။
တချိန်က ဆိုဗီယက် ယူနီယံခေါင်းဆောင် Mikhail Gorbachev ကွယ်လွန်ကြောင်း ရုရှားသတင်းမီဒီယာတွေက ဖော်ပြလိုက်ကြပါတယ်။အသက် ၉၁ နှစ်အရွယ် ရုရှားခေါင်းဆောင်ဟောင်းဟာ နာတာရှည် ရောဂါဝေဒနာ ခံစားခဲ့ရပြီးနောက် ကွယ်လွန်သွားကြောင်း ဆေးရုံတာဝန်ရှိသူတွေကို ကိုးကားပြီး ဖော်ပြခဲ့ကြတာပါ။ Gorbachev ရဲ့ ရုံးကတော့ Central Clinical Hospital မှာ ဆေးကုသမှု ခံယူနေကြောင်း အစောပိုင်းမှာ သတင်းထုတ်ပြန်ထားပါတယ်။
ယူကရိန်းစစ်ပွဲအတွင်း မော်စကိုနှင့် ပေကျင်းကြား အလွန်ရင်းနှီးသော ကာကွယ်ရေးဆိုင်ရာ ဆက်ဆံရေး ရှိနေသည်ကို ပြသရန်အတွက် ရုရှားနိုင်ငံသည် တရုတ်နိုင်ငံမှ စစ်တပ် တပ်ဖွဲ့ဝင်များနှင့်အတူ စစ်ရေးလေ့ကျင့်မှုများ စတင်ဆောင်ရွက်သွားမည်ဖြစ်ကြောင်း ရုရှားက ပြောကြားခဲ့သည်။ရုရှားဦးဆောင်သော ဗားစတခ် ၂၀၂၂ အမည်ရ အဆိုပါ ပူးတွဲစစ်ရေးလေ့ကျင့်မှုကို ရုရှားနိုင်ငံအရှေ့ဖျားနှင့် ဂျပန်ပင်လယ်ရှိ နေရာအသီးသီးတွင် စက်တင်ဘာလ ၁ ရက်မှ ၇ရက်အထိ ပြုလုပ်ကျင်းပသွားမည် ဖြစ်သည်။
ဥရောပတိုက်ဟာ နှစ်ပေါင်း ၅၀၀ အတွင်း အဆိုးရွားဆုံး မိုးခေါင်ရေရှားမှုကို ကြုံတွေ့နေရပြီး တိုက်ကြီးရဲ့ သုံးပုံ နှစ်ပုံနီးပါးဟာ တပ်လှန့် သတိပေးချက်တွေနဲ့ ကြုံတွေ့နေရတယ်လို့ ဥရောပသမဂ္ဂ (EU) အေဂျင်စီက မကြာသေးမီက ပြောကြားလိုက်ပါတယ်။
ဥရောပရဲ့နယ်မြေ ၄၇ ရာခိုင်နှုန်းဟာ မြေဆီလွှာ အစိုဓာတ် အလွန်အမင်း ချို့တဲ့မှုကြောင့် သတိပေးချက်အခြေအနေ အောက်မှာ ရှိနေတယ်လို့ European Drought Observatory (EDO) ရဲ့ သြဂုတ်လထုတ် အစီရင်ခံစာထဲမှာ ဖော်ပြထားပါတယ်။
ပါကစ္စတန်မှာ ဆယ်စုနှစ်တွေအတွင်း အဆိုးရွားဆုံး ရေကြီးမှုနဲ့ကြုံနေရပြီး၊ သက်ဆိုင်ရာ တာဝန်ရှိသူတွေနဲ့ လူသားချင်း စာနာမှုကူညီရေးအဖွဲ့တွေက တုန့်ပြန်လုပ်ဆောင်နေပါတယ်။ ဒီရေကြီးမှုကြောင့် လူပေါင်း ၃၃ သန်းလောက် အတိဒုက္ခ ရောက်နေပြီး လွန်ခဲ့တဲ့ ၂ လအတွင်း လူပေါင်း ၁၂၀၀ ကျော်သေဆုံးခဲ့တယ်လို့ ပါကစ္စတန် ရာသီဥတု ပြောင်းလဲမှုဆိုင်ရာ ဝန်ကြီး Sherry Rehman ကတနင်္လာနေ့မှာ ပြောဆိုခဲ့ပါတယ်။
ထိုင်းနိုင်ငံသည် နှစ်နှစ်ကျော်ကြာကာလအတွင်း ပထမဆုံးအကြိမ်အဖြစ် အလုပ်သမားများ၏ နေ့စဉ် အနည်းဆုံး လုပ်ခကို မြှင့်တင်ပေးမည်ဖြစ်ကြောင်း ထိုင်းအစိုးရ အလုပ်သမားဝန်ကြီးဌာနက ဩဂုတ် ၂၆ ရက်တွင် သတင်းထုတ်ပြန်ထားသည်။
လူနေမှုစရိတ်မြင့်တက်နေမှုနှင့် ကိုရိုနာဗိုင်းရပ်စ်ကူးစက်မှု ကပ်ဘေး၏ စီးပွားရေးအကျိုးသက်ရောက်မှုများမှ အလုပ်သမားများ ခုသာခံသာရှိရေးအတွက် နေ့စဉ်အနည်းဆုံးလုပ်ခကို မြှင့်တင်ပေးလိုက်ခြင်းဖြစ်ကြောင်း အလုပ်သမားဝန်ကြီးဌာန သတင်းထုတ်ပြန်ချက်၌ ဖော်ပြထားသည်။
ရုရှားနဲ့ တင်းမာမှုတွေရှိနေချိန်မှာ လက်နက်တင်သွင်းတာတွေ တိုးမြှင့်ဖို့ ဝါဆော က သဘောတူညီခဲ့ပြီးနောက်မှာ တင့်ကားနဲ့ ဟောင်ဝစ်ဇာ အမြှောက်တွေ တင်ပို့ဖို့ ကန်ဒေါ်လာ ၅ ဒသမ ၇၆ သန်းတန်ဖိုးရှိတဲ့ စာချုပ်တစ်ရပ်ကို တောင်ကိုရီးယားကုမ္ပဏီနှစ်ခုက ပိုလန်နဲ့စာချုပ်ချုပ်လိုက်ပါတယ်။
ပိုလန်နိုင်ငံမှာ လက်မှတ်ထိုးခဲ့တဲ့စာချုပ်က တောင်ကိုရီးယားရဲ့ အကြီးဆုံးလက်နက်ရောင်းဝယ်ရေး သဘောတူညီမှု တစ်ရပ်ဖြစ်ပြီး ပိုလန်ကလည်း အိမ်နီးချင်း ယူကရိန်းနိုင်ငံကို ရုရှားကျူးကျော်မှုနဲ့ ရင်ဆိုင်နေရချိန်မှာ သူတို့ စစ်ဖက်ကို တောင့်တင်းအောင်လုပ်ဖို့ ကြိုးစားနေတာဖြစ်ပါတယ်။
ပါကစ္စတန်နိုင်ငံတွင် ဇွန်လမှစတင်ခဲ့သော မုတ်သုံရာသီ ရေကြီးရေလျှံမှုကြောင့် သေဆုံးခဲ့သော လူဦးရေသည် ၁,၀၃၃ အထိရှိလာပြီဖြစ်ကြောင်း နိုင်င်ငံတော် သဘာဝဘေးအန္တရာယ် စီမံခန့်ခွဲမှု အာဏာပိုင်အဖွဲ့ (NDMA)က သြဂုတ် ၂၈ ရက် တနင်္ဂနွေနေ့တွင် ထုတ်ပြန်ခဲ့သည်။နိုင်ငံတစ်ဝန်းတွင် မိုးသည်းထန်စွာရွာသွန်းမှုကြောင့် ပြီးခဲ့သော ၂၄ နာရီအတွင်း လူပေါင်း ၁၁၉ ဦး သေဆုံးခဲ့သည်ဟု ၎င်းကဆိုသည်။
ဝန်ကြီးချုပ် ပရာယုချန်အိုချာကို ဝန်ကြီးချုပ်တာဝန်များ ထမ်းဆောင်မှုမှ ယာယီအနားပေးထားရန် ထိုင်းနိုင်ငံ ဖွဲ့စည်း ပုံအခြေခံဥပဒေ တရားရုံးက ဩဂုတ် ၂၄ ရက်တွင် ဆုံးဖြတ်ခဲ့ကြောင်း သိရသည်။
ပရာယုချန်အိုချာ၏ ဝန်ကြီးချုပ်ရာထူး သက်တမ်းရှစ်နှစ် ကန့်သတ်ချက်နှင့်ပတ်သက်၍ အဆုံးအဖြတ်ပေးရေး အတွက် အတိုက်အခံ ပွေထိုင်းပါတီ၏ လျှောက်လဲချက်ကို လက်ခံကြားနာရန် ဆုံးဖြတ်ခဲ့ပြီးနောက် ဖွဲ့စည်းပုံအခြေခံဥပဒေတရားရုံးက ဝန်ကြီးချုပ်ပရာယုချန်အိုချာကို တာဝန်မှ ယာယီအနားပေးခဲ့ခြင်း ဖြစ်သည်။
ဂျပန်နိုင်ငံဟာ ရပ်နားထားတဲ့ နျူကလီးယားစက်ရုံတွေကို ပြန်စတင်လည်ပတ်မှာဖြစ်ပြီး မျိုးဆက်သစ် ဓာတ်ပေါင်းဖိုတွေ ဖွံ့ဖြိုးလာအောင် လုပ်သွားမယ်လို့ ဂျပန်၀န်ကြီးချုပ် ဖှုမိအို ခိရှိဒါက သြဂုတ် ၂၄ ရက်မှာ ပြောပါတယ်။
ဖူကူရှီးမားနျူကလီးယား ကပ်ဘေးဖြစ်ခဲ့အပြီး ဆယ်စုနှစ်တစ်ခုကြာချိန်မှာ နျူကလီးယား စွမ်းအင်ဆိုင်ရာ မူဝါဒအပြောင်းအလဲလို့လည်း ပြောပါတယ်။
