ပါကစ္စတန်နိုင်ငံတွင် ဇွန်လမှစတင်ခဲ့သော မုတ်သုံရာသီ ရေကြီးရေလျှံမှုကြောင့် သေဆုံးခဲ့သော လူဦးရေသည် ၁,၀၃၃ အထိရှိလာပြီဖြစ်ကြောင်း နိုင်င်ငံတော် သဘာဝဘေးအန္တရာယ် စီမံခန့်ခွဲမှု အာဏာပိုင်အဖွဲ့ (NDMA)က သြဂုတ် ၂၈ ရက် တနင်္ဂနွေနေ့တွင် ထုတ်ပြန်ခဲ့သည်။နိုင်ငံတစ်ဝန်းတွင် မိုးသည်းထန်စွာရွာသွန်းမှုကြောင့် ပြီးခဲ့သော ၂၄ နာရီအတွင်း လူပေါင်း ၁၁၉ ဦး သေဆုံးခဲ့သည်ဟု ၎င်းကဆိုသည်။
ဝန်ကြီးချုပ် ပရာယုချန်အိုချာကို ဝန်ကြီးချုပ်တာဝန်များ ထမ်းဆောင်မှုမှ ယာယီအနားပေးထားရန် ထိုင်းနိုင်ငံ ဖွဲ့စည်း ပုံအခြေခံဥပဒေ တရားရုံးက ဩဂုတ် ၂၄ ရက်တွင် ဆုံးဖြတ်ခဲ့ကြောင်း သိရသည်။
ပရာယုချန်အိုချာ၏ ဝန်ကြီးချုပ်ရာထူး သက်တမ်းရှစ်နှစ် ကန့်သတ်ချက်နှင့်ပတ်သက်၍ အဆုံးအဖြတ်ပေးရေး အတွက် အတိုက်အခံ ပွေထိုင်းပါတီ၏ လျှောက်လဲချက်ကို လက်ခံကြားနာရန် ဆုံးဖြတ်ခဲ့ပြီးနောက် ဖွဲ့စည်းပုံအခြေခံဥပဒေတရားရုံးက ဝန်ကြီးချုပ်ပရာယုချန်အိုချာကို တာဝန်မှ ယာယီအနားပေးခဲ့ခြင်း ဖြစ်သည်။
ဂျပန်နိုင်ငံဟာ ရပ်နားထားတဲ့ နျူကလီးယားစက်ရုံတွေကို ပြန်စတင်လည်ပတ်မှာဖြစ်ပြီး မျိုးဆက်သစ် ဓာတ်ပေါင်းဖိုတွေ ဖွံ့ဖြိုးလာအောင် လုပ်သွားမယ်လို့ ဂျပန်၀န်ကြီးချုပ် ဖှုမိအို ခိရှိဒါက သြဂုတ် ၂၄ ရက်မှာ ပြောပါတယ်။
ဖူကူရှီးမားနျူကလီးယား ကပ်ဘေးဖြစ်ခဲ့အပြီး ဆယ်စုနှစ်တစ်ခုကြာချိန်မှာ နျူကလီးယား စွမ်းအင်ဆိုင်ရာ မူဝါဒအပြောင်းအလဲလို့လည်း ပြောပါတယ်။
အမေရိကန်နည်းပညာကုမ္ပဏီကြီးဖြစ်သည့် အက်ပဲလ်သည် ၎၏ နောက်ဆုံးပေါ်ဖုန်းဖြစ်သည့် အိုင်ဖုန်း ၁၄ ကို တရုတ်နိုင်ငံအစား အိန္ဒိယနိုင်ငံတွင် စတင်ထုတ်လုပ်ရန် စီစဉ်နေကြောင်း ဘလွန်းဘတ် သတင်းဌာနက ဖော်ပြခဲ့သည်။ဝါရှင်တန်နှင့် ရှီကျင့်ဖျင်အစိုးရတို၏ ထိပ်တိုက်တွေ့မှုများ၊ တရုတ်နိုင်ငံတစ်ဝန်း၌ကိုဗစ်-၁၉ ကပ်ရောဂါကြောင့် ပိတ္ဆိုမွုမ်ား စသည်တိုကြောင့် အက်ပဲလ်၏ အိုင်ဖုန်း ၁၄ ထုတ်လုပ်မှုကို နှောင့်နှေးစေခဲ့ပြီးနောက် အဆိုပါဖြစ်ရပ် ထွက်ပေါ်လာခြင်းဖြစ်သည်။
ယူကရိန်းစစ်ပွဲ အချိန်ခြောက်လကြာလာချိန် ရုရှားက လာမယ့်ရက်နည်းငယ်အတွင်း မြို့တော်ကိယက်ဗ်ကို တိုက်ခိုက်မှုတွေ ထပ်လုပ်လာနိုင်တဲ့အတွက် ယူကရိန်းနိုင်ငံကနေ ထွက်ခွာဖို့ အမေရိကန်အစိုးရက သူ့နိုင်ငံသားတွေကို သြဂုတ်၂၃ ရက်မှာ တိုက်တွန်းလိုက်ပါတယ်။ယူကရိန်းအစိုးရဟာ ဩဂုတ် ၂၄ ရက်နေ့မှာ ဆိုဗီယက်လက်အောက်ကနေ လွတ်လပ်ရေးရခဲ့တဲ့ နှစ်ပတ်လည်နေ့ အခမ်းအနားတွေကို တားမြစ် ပိတ်ပင်ခဲ့ပြီးတဲ့နောက် အမေရိကန်အစိုးရက ခုလို သတိပေးထုတ်ပြန်လိုက်တာပါ။
ပူတင်ရဲ့ ဦးနှောက်လို တင်စားခံရတဲ့ ရုရှားရဲ့ ဩဇာကြီး နိုင်ငံရေးသမားတစ်ယောက်ရဲ့ သမီးဟာ မော်စကို မြိုတော်မှာ ကားဗုံးပေါက်ကွဲမှုအတွင်း သေဆုံးသွားပါတယ်။ အသက်၂၉နှစ်အရွယ် ဒါရီယန္ဒူဂီနာ ဆိုသူ အဲဒီအမျိုးသမီးဟာ စနေနေ့ညက သူရဲ့ကားကို မောင်းနှင်နေစဉ်မှာပဲ ကားဗုံးပေါက်ကွဲပြီး သေဆုံးသွားခဲ့တယ်လို ရုရှားစုံစမ်းစစ်ဆေးရေး ကော်မီတီက ကနဦး သတင်းအချက်အလက်တွေကို ကိုကားပြီး ပြောပါတယ်။
အင်ဒိုနီးရှားနိုင်ငံ ဂ်ကာတာ-ဘန်ဒေါင်း မြန်နှုန်းမြင့်ရထားလမ်းအတွက် အထူးထုတ်လုပ်ထားသော မြန်နှုန်းမြင့် ခရီးသည်တင် လျှပ်စစ်ရထားနှင့် စစ်ဆေးစမ်းသပ်ရေးရထားသည် ဩဂုတ် ၂၁ ရက် က တရုတ်နိုင်ငံ အရှေ့ပိုင်း ဆန်းတုန်းပြည်နယ် ချင်းသောင်ဆိပ်ကမ်းမှ ထွက်ခွာသွားကြောင်း သိရသည်။အဆိုပါရထားများကို ရပ်ဝန်းနှင့်ပိုးလမ်းမ အဆိုပြုချက်၏ အထင်ကရ စီမံကိန်းတစ်ခုအဖြစ် CRRC Qingdao Sifang Co., Ltd.မွ ဒီဇိုင်းရေးဆွဲထုတ်လုပ်ခြင်း ဖြစ်သည်။
အိန္ဒိယနိုင်ငံတွင် မိုးသည်းထန်စွာရွာ သွန်းမှုများကြောင့် ရေကြီးမှုများဖြစ်ပွားခဲ့ပြီး ဟိမဝန္တာတောင်ခြေအနီးတွင် မြေပြိုမှုများ ဖြစ်ပွားခဲ့သဖြင့် လူ ၁၅ ဦးထက်မနည်းသေ ဆုံးခဲ့သည်ဟု အာဏာပိုင်များက သြဂုတ် ၂၀ ရက်တွင် ပြောကြားခဲ့သည်။
အိန္ဒိယ၏ ဖောက်ပြန်သည့် မုတ်သုံရာသီကာလအတွင်း နိုင်ငံအနှံ့တွင် ရေကြီးမှုများနှင့် မြေပြိုမှုများ မကြာခဏဖြစ်ပွားလေ့ရှိသည်။
ဆိုမာလီယားနိုင်ငံမြို့တော် မိုဂါဒီရှူမြို့မှာရှိတဲ့ ဟိုတယ်တခုကို ဩဂုတ် ၁၉ ရက်က အယ်ရှာဘက် စစ်သွေးကြွအဖွဲ့က ဝင်ရောက်စီးနင်းစဉ်မှာ လုံခြုံရေး တပ်ဖွဲ့တွေနဲ့ ပစ်ခတ်မှုဖြစ်ပြီး လူ ၂၀ ဦးထက် မနည်း သေဆုံးခဲ့ပါတယ်။
တနာရီကြာပစ်ခတ်မှုတွေ ဖြစ်ပြီးတဲ့နောက် ဟိုတယ်ကို အစိုးရ လုံခြုံရေးတပ်ဖွဲ့တွေက ပြန်သိမ်းနိုင်ခဲ့ပြီး ဓားစားခံတွေကိုလည်း ကယ်ထုတ်နိုင်ခဲ့ပါတယ်။
နှစ်ပေါင်း ၂၀ကျော် မတည်ငြိမ်ဖြစ်နေတဲ့ ထိုင်းနိုင်ငံတောင်ပိုင်း အစ္စလာမ်ခွဲထွက်ရေး သူပုန်တွေလှုပ်ရှားရာဒေသ မှာ အင်္ဂါနေ့က ရှို့မီးမှုဖြစ်စဉ်တွေအပြင် ဗုံးခွဲတိုက်ခိုက်မှုတွေဖြစ်ပွားခဲ့တယ်လို့ ထိုင်းအာဏာပိုင်တွေက ပြောပါတယ်။ ပတ္တနီ ၊ နာရတ်သီဝတ်နဲ့ ယာလာပြည်နယ်တွေက စတိုင်းဆိုင်တွေနဲ့ ဂက်စ်ဆိုင်တွေမှာ တိုက်ခိုက်မှု အနည်းဆုံး ၁၇ ခုဖြစ်ပွားခဲ့တယ်လို့ ထိုင်းစစ်ဘက်ပြောခွင့်ရသူ ပရာမုတ်ပရိုမင်က ပြောပါတယ်။
