ဂမ်ဘီယာရှိ ကလေးငယ်များ ဒါဇင်လိုက် သေဆုံးမှုမှာ မေဒန်ဆေးဝါး ကုမ္ပဏီကထုတ်သော ချောင်းဆိုး ပျောက်ဆေးရည်နှင့် ဆက်နွယ်နေနိုင်သည်ဟူသော WHO ၏ အစီရင်ခံစာ ထွက်ပေါ်လာပြီးနောက် အိန္ဒိယ အာဏာပိုင်များသည် မေဒန် စက်ရုံရှိ ဆေးဝါး ထုတ်လုပ်မှုကို ရပ်ဆိုင်းလိုက်ကြောင်း ပြည်နယ်ဝန်ကြီးတစ်ဦးက အောက်တိုဘာလ ၁၂ ရက် ဗုဒ္ဓဟူးနေ့တွင် ပြောကြားခဲ့သည်။
ရုရှားသိမ်းပိုက်ထားသည့်ခရိုင်းမီးယားကျွန်းဆွယ်နှင့် ရုရှားပြည်မကြီးကြားရှိ တစ်စင်းတည်းသော တံတားကို စနေနေ့က ဗုံးခွဲတိုက်ခိုက်မှုနှင့်ဆက်စပ်၍ လူရှစ်ဦးကို ထိန်းသိမ်းထားကြောင်း နိုင်ငံပိုင်သတင်းဌာန RIA က ယနေ့ (အောက်တိုဘာ ၁၂ ရက်)တွင် ဖော်ပြသည်။
အကြမ်းဖက်တိုက်ခိုက်မှုကို ယူကရိန်း ကာကွယ်ရေး ဝန်ကြီးဌာန၏ အဓိကထောက်လှမ်းရေးဌာနအကြီး အကဲ ကီရီလိုဘူဒါနော့ဗ်နှင့် ၎င်း၏ဝန်ထမ်း အေးဂျင့်များက စီစဉ်ခဲ့သည်ဟု ရုရှားဖက်ဒရယ်လုံခြုံရေးဌာန (FSB) ကအခိုင်အမာပြောဆိုကြောင်း RIA က ဖော်ပြသည်။
သံမဏိနှင့် မှန်အခုံးတို့မှတစ်ဆင့် ရေ များဖြာကြနေသော မီတာ ၄၀ မြင့် ရုံတွင်း ရေတံခွန်ကို ဧပြီ ၁၁ ရက်က ဖွင့်လှစ်ပေးခဲ့သည်။ ဒေါ်လာ ၁.၂၅ ဘီလျံ အကုန်အကျခံ တည်ဆောက်ထားသည်ဆိုသော Jewel စင်တာသည် လေးထပ်အဆောက်အအုံဖြစ်ကာ ထိုအဆောက်အအုံအတွင်း လက်လီဆိုင်နှင့် စားသောက်ဆိုင် ၂၈၀ ခန့် ပါဝင်သည့် ဧရာမခန်းမဆောင်သစ် Jewel ကို စင်ကာပူ၏ ချန်ဂီလေဆိပ်၌ ဟိုတယ်တစ်ခုနှင့် ရုပ်ရှင်ရုံတစ်ခုလည်း ပါဝင်မည်ဖြစ်သည်။ Jewel စင်တာကို လေဆိပ်၏ ခန်းမဆောင်သုံးခုနှင့် ဆက်သွယ်ပေးထားသည်။ Jewel စင်တာ၏ အဓိကဆွဲဆောင်မှုသည် HSBC Rain Votex ရေတံခွန်ဖြစ်ပြီး ကမ္ဘာအမြင့်ဆုံး အဆောက်အအုံတွင်း ရေတံခွန်ဖြစ်မည်ဖြစ်သည်။
ခရိုင်းမီးယားတံတား ပေါက်ကွဲပြီးနော
က် ပူတင်သည် ယူကရိန်းကို ပြင်းထန်သော တိုက်ခိုက်မူများပြန်လည်လုပ်ဆောင်လာနေသည်။ အောက်တိုဘာ ၁၀ ရက်က ရုရှား၏ ဒုံးကျည်ပစ်ခတ်မှုအပြီးတွင် အမေရိကန် နိုင်ငံသားများအား ယူကရိန်းပိုင်နက်မှ ထွက်ခွာကြရန် အမေရိကန်သံရုံးက ထုတ်ပြန်ခဲ့သည်ဟု အေဂျင်စီက သတင်းထုတ်ပြန်သည်။ ယူကရိန်းတွင် ရုရှား၏ တိုက်ခိုက်မှုများသည် အရပ်သားများနှင့် အရပ်ဘက်ဆိုင်ရာ အခြေခံအဆောက်အအုံများကို တိုက်ရိုက်ခြိမ်းခြောက်မှုဖြစ်လာနေသည်ဟု အမေရိကန်သံရုံးက ပြောကြားခဲ့သည်။
ဂျပန်နိုင်ငံအစိုးရက ကိုဗစ်ကပ်ဘေးဆိုင်ရာ နယ်စပ်ထိန်းချုပ်မှုတွေအများစုကို အင်္ဂါနေ့က ရုပ်သိမ်းလိုက်ပြီဖြစ် ပါတယ်။ package အစီအစဉ်နဲ့ မှတ်ပုံတင်ထားတာမရှိတဲ့ တစ်ဦးချင်းကမ္ဘာလှည့်ခရီးသွားတွေကိုလည်း (၂)နှစ် ကျော် ကာလအတွင်း ပထမဆုံးအကြိမ်အဖြစ် နိုင်ငံအတွင်း ဝင်ခွင့်ပြုလိုက်ပါတယ်။
ယူကရိန်းက မိမိနယ်မြေအတွင်း အနည်းဆုံးလူ ၁၃ ဦး သေဆုံးစေခဲ့သည့် နောက်ဆုံးဒုံးကျည်တိုက်ခိုက်မှုကို ပြစ်တင်ရှုတ်ချနေချိန် ခရိုင်းမီးယားနှင့် ရုရှားဆက်သွယ်ထားသော တံတားပေါ်တွင် ပြင်းထန်သော ဗုံးပေါက်ကွဲမှုဖြစ်ပွားခြင်းအတွက် အောက်တိုဘာ ၉ ရက်တွင် ရုရှားက ယူကရိန်းကို စွပ်စွဲခဲ့သည်။
“စာရေးဆရာတွေ၊ အပြစ်ကျူးလွန်သူတွေနဲ့ စပွန်ဆာတွေဟာ ယူကရိန်းထောက်လှမ်းရေးတွေဖြစ်ပါတယ်” ဟု အောက်တိုဘာ ၈ ရက်တွင် ခရိုင်းမီးယားတံတားဗုံးခွဲခံရမှုနှင့်ပတ်သက်၍ ရုရှားသမ္မတဗလာဒီမာပူတင်က ပြောကြားလိုက်ပြီး အဆိုပါလုပ်ရပ်မှာ အကြမ်းဖက်လုပ်ရပ်ဖြစ်သည်ဟု ဆိုသည်။
ဂျပန်နိုင်ငံပေါ်ကနေ ဖြတ်ကျော်ပစ်ခတ်ခဲ့တဲ့ ပဲ့ထိန်းတပ် မြေပြင်ကမြေပြင် တာလတ်ပစ် မစ်ဇိုင်းဒုံး အပါအဝင် ပြီးခဲ့တဲ့ ရက်သတ္တပတ်တွေအတွင်း မြောက်ကိုရီးယားက မစ်ဇိုင်းဒုံးတွေ အဆက်မပြတ် စမ်းသပ်ပစ်ခတ်ခဲ့တာဟာ တောင်ကိုရီးယားရဲ့ မဟာဗျူဟာကျတဲ့ ပစ်မှတ်တွေကိုတိုက်ခိုက်တဲ့ သရုပ်ဖေါ်စစ်ရေးလေ့ကျင့်မှုရဲ့ တစိပ်တပိုင်း ဖြစ်တယ်လို့ တနင်္လာနေ့မှာ မြောက်ကိုရီးယား အစိုးရသတင်းဌာနကပြောဆိုလိုက်ပါတယ်။
ရုရှားကနေ ဂျာမနီကို သဘာဝဓါတ်ငွေ့ပို့ပေးနေတဲ့ Baltic ပင်လယ်ထဲက Nord Stream ပိုက်လိုင်း ၂ လိုင်း ကွဲအက်မှုဟာ တမင်အဖျက်ဆီးခံရတာ ဖြစ်ကြောင်း အထောက်ထားခိုင်မာတဲ့အတွက် လက်တုန့်ပြန်မှာ ဖြစ်ကြောင်း NATO မဟာမိတ်အဖွဲ့က ကြာသပတေးနေ့မှာ ပြောပါတယ်။
ထိုင်ဝမ်သို့ ဝင်ရောက်လာသူများအနေဖြင့် မဖြစ်မနေ ကွာရန်တင်းဝင်ရမည့် သတ်မှတ်ချက်ကို အောက်တိုဘာ ၁၃ ရက်မှစတင်၍ အဆုံးသတ်တော့မည်ဖြစ်ကြောင်း ထိုင်ဝမ်အစိုးရက စက်တင်ဘာ ၂၉ ရက်တွင် ကြေညာခဲ့ပြီး ထိုင်ဝမ်ကျွန်းကို ပြင်ပကမ္ဘာနှင့် ပြန်လည်ချိတ်ဆက်ဖွင့်လှစ်ရေးအတွက် အဓိကခြေလှမ်းတစ်ရပ်ကို အပြီးသတ် လုပ်ဆောင်ခဲ့သည်။
လူမြင်ကွင်းမှ ရက်အနည်းငယ်ကြာ ပျောက်ကွယ်နေသဖြင့် ၎င်း၏နိုင်ငံရေးအခြေအနေအပေါ် ကောလာဟလများ ထွက်ပေါ်ခဲ့ပြီးနောက် တရုတ်သမ္မတရှီကျင်းပင်သည် စက်တင်ဘာ ၂၇ ရက်က နိုင်ငံပိုင်ရုပ်သံတွင် ပြန်လည် ထွက်ပေါ်လာခဲ့သည်။ ရှီသည် ပေကျင်းပြပွဲခန်းမသို့ သွားရောက်ကြည့်ရှုသည့်ခရီးစဉ်ကို တရုတ်နိုင်ငံပိုင် CCTV ရုပ်သံက ဖော်ပြခဲ့သည်။
ဝန်ကြီးချုပ် လီခယ်ကျင်းနှင့် အခြားထိပ်သီးခေါင်းဆောင်များခြံရံပြီး အာဏာရ ကွန်မြူနစ်ပါတီနှင့် ပြည်သူ့လွတ်မြောက်ရေးတပ်မတော်ကို ဦးဆောင်သူဖြစ်သည့် ရှီသည် ပြပွဲခန်းမကို လေ့လာကြည့်ရှုခဲ့ပြီးနောက် လွန်ခဲ့သည့်ဆယ်စုနှစ်အတွင်း တရုတ်၏ စီးပွားရေးတိုးတက်မှုအပေါ် မှတ်ချက်စကား ပြောကြားခဲ့သည်။
