ဆိုမာလီယားနိုင်ငံမြို့တော် မိုဂါဒီရှူမြို့မှာရှိတဲ့ ဟိုတယ်တခုကို ဩဂုတ် ၁၉ ရက်က အယ်ရှာဘက် စစ်သွေးကြွအဖွဲ့က ဝင်ရောက်စီးနင်းစဉ်မှာ လုံခြုံရေး တပ်ဖွဲ့တွေနဲ့ ပစ်ခတ်မှုဖြစ်ပြီး လူ ၂၀ ဦးထက် မနည်း သေဆုံးခဲ့ပါတယ်။
တနာရီကြာပစ်ခတ်မှုတွေ ဖြစ်ပြီးတဲ့နောက် ဟိုတယ်ကို အစိုးရ လုံခြုံရေးတပ်ဖွဲ့တွေက ပြန်သိမ်းနိုင်ခဲ့ပြီး ဓားစားခံတွေကိုလည်း ကယ်ထုတ်နိုင်ခဲ့ပါတယ်။
နှစ်ပေါင်း ၂၀ကျော် မတည်ငြိမ်ဖြစ်နေတဲ့ ထိုင်းနိုင်ငံတောင်ပိုင်း အစ္စလာမ်ခွဲထွက်ရေး သူပုန်တွေလှုပ်ရှားရာဒေသ မှာ အင်္ဂါနေ့က ရှို့မီးမှုဖြစ်စဉ်တွေအပြင် ဗုံးခွဲတိုက်ခိုက်မှုတွေဖြစ်ပွားခဲ့တယ်လို့ ထိုင်းအာဏာပိုင်တွေက ပြောပါတယ်။ ပတ္တနီ ၊ နာရတ်သီဝတ်နဲ့ ယာလာပြည်နယ်တွေက စတိုင်းဆိုင်တွေနဲ့ ဂက်စ်ဆိုင်တွေမှာ တိုက်ခိုက်မှု အနည်းဆုံး ၁၇ ခုဖြစ်ပွားခဲ့တယ်လို့ ထိုင်းစစ်ဘက်ပြောခွင့်ရသူ ပရာမုတ်ပရိုမင်က ပြောပါတယ်။
အမေရိကန်အစိုးရအနေနဲ့ ထိုင်ဝမ်နဲ့ ကုန်သွယ်ရေးဆွေးနွေးမှုတစ်ရပ် စတင်တော့မှာဖြစ်ကြောင်း အမေရိကန် အောက်လွှတ်တော်ဥက္ကဋ္ဌ နန်စီပယ်လိုစီ က အတည်ပြုကြေညာလိုက်ပါတယ်။
မစ္စပယ်လိုစီအနေနဲ့ တရုတ်နဲ့ဆက်ဆံရေးတင်းမာစေခဲ့တဲ့ အငြင်းပွားဖွယ် ထိုင်ဝမ်ခရီးစဉ်အပြီး သီတင်းပတ် အနည်းငယ်အကြာမှာ ထိုင်ဝမ်နဲ့ တရားဝင်ကုန်သွယ်ရေးဆွေးနွေးမှုအကြောင်းကို ဖွင့်ဟခဲ့တာပဲဖြစ်ပါတယ်။ မကြာခင်စတင်တော့မယ့် အမေရိကန်-ထိုင်ဝမ် နှစ်နိုင်ငံကုန်သွယ်ရေးဆွေးနွေးမှုမှာ ဒစ်ဂျစ်တယ်ကုန်သွယ်ရေးနဲ့ အကျင့်ပျက်ခြစားမှုတိုက်ဖျက်ရေးအစီအစဉ်တွေလည်း ပါဝင်မယ်လို့ သိရပါတယ်။
မြောက်ကိုရီးယားဟာ ဩဂုတ် ၁၇ ရက် မနက်ပိုင်းမှာ အနောက်ဘက်ကမ်းလွန်ပင်လယ်ဆီကို ခရုဇ်ဒုံးကျည် နှစ်စင်း ပစ်လွှတ်ခဲ့တယ်လို့ တောင်ကိုရီးယား ပူးတွဲစစ်ဦးစီးချုပ်တွေကို ကိုးကားပြီး တောင်ကိုရီးယားအခြေစိုက် ယုံဟပ်သတင်းမှာ ဖော်ပြပါတယ်။ ဩဂုတ် ၂၂ ရက်ကနေ စက်တင်ဘာ ၁ ရက်အထိ ကျင်းပမယ့် Freedom Shield စစ်ရေးလေ့ကျင့်မှုအတွက် တောင်ကိုရီးယားနဲ့ အမေရိကန်တို့ ပြင်ဆင်နေချိန်မှာ မြောက်ကိုရီးယားက ဒုံးကျည် ပစ်လွှတ်ခဲ့တာပါ။ ဒီစစ်ရေးလေ့ကျင့်မှုဟာ ကျူးကျော်မှုအတွက် အစမ်းလေ့ကျင့်မှုလို့ မြောက်ကိုရီးယားက စွပ်စွဲထားပါတယ်။
လက်နက်ထိပ်ဖူးမတပ်ထားတဲ့ မိနစ်လူသား ၃ အမည်ရ တိုက်ချင်းပစ်ဒုံးပျံကို ပုံမှန်အတိုင်း စမ်းသပ်ပစ်လွှတ်ခဲ့ရာမှာ မိုင်ပေါင်း ၄၂၀၀ အထိ ရောက်ရှိခဲ့တယ်လို့ အမေရိကန်လေတပ်က ပြောပါတယ်။ အင်္ဂါနေ့ မနက် အစောပိုင်းက ကယ်လီဖိုးနီးယား ကမ်းရိုးတန်းဒေသ ဗန်ဒန်ဘာ့လ် အကာသ တပ်ဖွဲ့ အခြေစိုက်စခန်းကနေ ပစ်ခတ်လွှတ်ခဲ့တဲ့ အဲ့ဒီဒုံးပျံဟာ ပစိဖိတ်သမုဒ္ဒရာကို ကျော်ဖြတ်ပြီး မာရှယ်ကျွန်းစု ကွာဂျာလိန်း အထိ မိုင် ၄၂၀၀ ကျော် ရောက်ရှိခဲ့တယ်လို့ အမေရိကန်လေတပ်ကပြောပါတယ်။
ရုရှားသည် ကမ္ဘာတစ်ဝန်းရှိ မဟာမိတ်များအား ခေတ်မီလက်နက်များရောင်းချရန်နှင့် စစ်ရေးနည်းပညာများ ဖော်ဆောင်ရာတွင် ပူးပေါင်းဆောင်ရွက်သွားရန် အသင့်ရှိကြောင်း ရုရှားသမ္မတဗလာဒီမာပူတင်က တနင်္လာနေ့ (သြဂုတ် ၁၅ ရက်) တွင်ပြောကြားခဲ့သည်။
ယူကရိန်း၏ အကြီးဆုံးမြို့ကြီးနှစ်မြို့မှ ၎င်း၏တပ်ဖွဲ့ဝင်များသည် ဆုတ်ခွာသွားရကာ အရှေ့ပိုင်းပြည်နယ်များတွင် စစ်အသုံးစရိတ်ကြောင့် တိုက်ပွဲကာလကြာမြင့်နေချိန်တွင် ယခုပြပွဲကရုရှားလက်နက်လုပ်ငန်းအတွက် မယုံနိုင်စရာ အဖြစ်တစ်ခုဖြစ်စေခဲ့သည်။
မြောက်ကိုရီးယားရဲ့ နျူကလီးယားလက်နက်အစီအစဉ်ကို စွန့်လွှတ်ရင် စီးပွားရေး အကူအညီတွေ ပေးအပ်မယ်လို့ တောင်ကိုရီးယား သမ္မတ ယွန်းဆုယိုးလ်က တနင်္လာနေ့မှာ ကမ်းလှမ်းလိုက်ပါတယ်။
အခုလိုကမ်းလှမ်းရာမှာ တောင်ကိုရီးယားသမ္မတဟာ မြောက်ကိုရီးယားကို ပြင်းထန်တဲ့ ဝေဖန်မှုတွေ မလုပ်ဘဲ ရှောင်ရှားတာကိုလည်း တွေ့ရပါတယ်။
ဒရာမာဆန်တဲ့ အခြေအနေတွေကြားမှာပဲ ကင်ညာ သမ္မတ ရွေးကောက်ပွဲကို ဒုတိယ သမ္မတ ဝီလီယမ် ရူတိုက အနိုင်ရရှိကြောင်း ကြေညာခဲ့ပါတယ်။ သူက ထောက်ခံမဲ ၅၀ ဒဿမ ၅ ရာခိုင်နှုန်း ရရှိခဲ့ပြီး ပြိုင်ဘက် ရိုင်လာအိုဒင်ဂါ ကို အနိုင်ရရှိခဲ့ကြောင်း တရားဝင် ရလဒ်တွေက ပြသခဲ့ပါတယ်။
လက်ရှိ ထိုင်းဘုရင် ဝဇီရာလောင်ကွန်းရဲ့ အသက် ၇၀ ပြည့်အထိမ်းအမှတ်အဖြစ်လည်းကောင်း၊ ဘုရင့်မယ်တော် သီရီခေတ်ရဲ့ အသက် ၉၀ ပြည့်နှစ် အထိမ်းအမှတ်အဖြစ် လည်းကောင်း အကျဉ်းသားပေါင်း ၁ သိန်းကျော်ကို လွတ်ငြိမ်းချမ်းသာခွင့်ပြုလိုက်တယ်လို့ ချနယ်လ် ၃ ထိုင်းသတင်းမှာ ဖော်ပြပါတယ်။
ရုရှားသမ္မတ ဗလာဒီမာပူတင်က မြောက်ကိုရီးယားခေါင်းဆောင် ကင်မ်ဂျုံအန်းအား အဘက်ဘက်မှ အပြုသဘော ဆောင်နေသော နှစ်နိုင်ငံဆက်ဆံရေးကို အပြန်အလှန် ကြိုးပမ်းအားထုတ်မှုများဖြင့် တိုးချဲ့သွားမည်ဟု ပြောကြားခဲ့ကြောင်း ပြုံယမ်း၏ နိုင်ငံပိုင်သတင်းမီဒီယာက ဩဂုတ်လ ၁၅ ရက် တနင်္လာနေ့တွင် ဖော်ပြခဲ့သည်။
