ကုလက ဆီးရီးယားနယ်စပ်ဖြတ်ကျော်ကာ ကယ်ဆယ်ရေးပစ္စည်းများစတင်ပို့ဆောင်စဉ် တုကီယေးနှင့်ဆီးရီးယား၌ ငလျင်ကြောင့်သေဆုံးနှုန်းသည် ၄၀,၀၀၀ ကျော်အထိတက်လာပြီဖြစ်ကြောင်း နှစ်နိုင်ငံတာဝန်ရှိသူများ၏ ထုတ်ပြန်ချက်အရ သိရသည်။
“ဒီလို ကြီးမား ပြီးအဆိုးရွားဆုံး သဘာဝဘေးခံစားနေခဲ့ရသူတွေအတွက် လူတွေဖြေရှင်းပေးလို့ရတဲ့ အသေးအဖွဲ့ ပြဿနာတွေဖြစ်တဲ့ ထောက်ပံ့ပစ္စည်း၊ရန်ပုံငွေနဲ့လက်လှမ်းမမီမှု စတာတွေကြောင့် ထပ်ပြီး ထိခိုက်မှာမျိုး ကိုမလိုလားပါဘူး” ဟု ကုလအတွင်းရေးမှူးချုပ် မစ္စတာဂူတာရက်စ်ကပြောကြားခဲ့သည်။
တရုတ်ထိပ်တန်း သံတမန် ဝမ်ယိသည် ယခုလအတွင်း ရုရှားနိုင်ငံသို့ သွားရောက်မည်ဖြစ်ကြောင်း တရုတ်နိုင်ငံခြားရေးဝန်ကြီးဌာနက ပြောကြားခဲ့သည်။
ယူကရိန်းအရေးအခင်း စတင်ပြီးနောက် တရုတ်အရာရှိတစ်ဦးက ရုရှားနိုင်ငံသို့ ပထမဆုံးအကြိမ် သွားရောက်ခြင်းလည်းဖြစ်သည်။
ပြီးခဲ့သည့်လက တရုတ်သမ္မတရှီ၏ ထိပ်တန်း နိုင်ငံရေးခြားရေးမူဝါဒ အကြံပေးအဖြစ် ခန့်အပ်ခံခဲ့ရသူ နိုင်ငံခြားရေးဝန်ကြီးဟောင်းဝမ်ယိသည် အင်္ဂါနေ့(မနေ့)က စတင်ခဲ့သော ရှစ်ရက်ကြာ နိုင်ငံတကာခရီးစဉ်အတွင်း ရုရှားနိုင်ငံသို့ သွားရောက်မည်ဖြစ်သည်။
မြောက်ကိုရီးယား ခေါင်းဆောင် ကင်ဂျုံအန်း၏သမီး ကင်မ်ဂျူအေးနှင့် နာမည်ချင်းတူနေသူများကို အခြား နာမည်များပြောင်းကြရန် မြောက်ကိုရီးယား အာဏာပိုင်များက ဖိအာပေးနေကြောင်းသည်ဖောက်စ်သတင်းဌာနက ဖေဖော်ဝါရီ ၁၄ ရက်တွင် ရေးသားတင်ပြထားသည်။
ကင်းဂျုံအန်း၏ သမီးဖြစ်သူနှင့်အမည်ချင်းတူသူများကို အမည်ပြောင်းရန် မြောက်ကိုရီးယားတာဝန်ရှိသူများက ဖိအားပေးနေမူသည် ကင်မ်ဂျူအေးနှင့်ပတ်သက်၍ လျှို့ဝှက်ချက်များဖန်တီးရန် ကြိုးစားမှုတစ်ရပ်ဖြစ်ကြောင်း ဆောက်သ်ချိုင်းနားမောနင်းပို့စ်သတင်းစာ၏ အဆိုအရသိရသည်။
မော်စကိုရဲ့ ကျူးကျော်မှု နှစ်ပတ်လည်နေ့ မတိုင်ခင် ရက်အနည်းငယ်အလိုမှာ ရုရှားက ထိုးစစ်သစ် စတင်နေပြီဖြစ်ကြောင်း ယူကရိန်းအရာရှိတွေရဲ့ပြောကြားမှုတွေကို နေတိုးအဖွဲ့ အကြီးအကဲ က ထောက်ခံလိုက်ပြီး ယူကရိန်း အရှေ့ပိုင်း ဘက်မွတ်မြို့က လက်နက်ကြီးတွေနဲ့ တိုက်ခိုက်မှုကို ခံနေရပါတယ်။
ဘက်မွတ်မြို့ကို သိမ်းပိုက်ရေးက သမ္မတ ဗလာဒီမာပူတင်ရဲ့ အဓိက ရည်မှန်းချက်တစ်ခုဖြစ်ပြီး သိမ်းပိုက်နိုင်ခဲ့ရင် ဒိုနက်စ်ဒေသမှာ ရုရှားတို့အတွက် ခြေကုပ်နေရာသစ် တစ်ခုဖြစ်လာမယ်လို့ ဆိုပါတယ်။
ဝဲလင်တန်၊ဖေဖော်ဝါရီ ၁၄
ဆိုင်ကလုန်းမုန်တိုင်း ဂါဘရီလီကြောင့် နူးဇီလန်နိုင်ငံ၌အင်္ဂါနေ့တွင် နိုင်ငံလုံးဆိုင်ရာအရေးပေါ်အခြေနေ ကြေငြာခဲ့ရသည်။ အဆိုပါမုန်တိုင်းကြောင့် ရေလွှမ်းမိုးမှုများဖြစ်ပေါ်ခဲ့ပြီး လမ်းပန်းဆက်သွယ်ရေးများ ပြတ်တောက်ကာ လူပေါင်းတစ်သိန်းကျော်လည်း လျှပ်စစ်မီးမရကြကြောင်းသိရသည်။
နိုင်ငံ၏လူနေထူထပ်ရာ မြောက်ပိုင်းဒေသများ၌ လေပြင်းများတိုက်ခတ်ကာမိုးသည်းထန်ခြင်းတို့ဖြစ်ပေါ်ခဲ့ပြီး မကြုံဖူးသောအခြေမျိုးဖြစ်သည်ဟုလည်းဆိုကြသည်။နူးဇီလန်အတွက် ယခုတစ်ကြိမ်သည်သုံးကြိမ်မြောက်အနေဖြင့် နိုင်ငံအားအရေးပေါ်အခြေနေကြေငြာခဲ့ရခြင်းဖြစ်ပြီး ရှေ့နှစ်ကြိမ်မှာ Christchurch တိုက်ခိုက်မှုနှင့် ကိုဗစ်ကြောင့် အရေးပေါ်အခြေနေကြေငြာခဲ့ခြင်းဖြစ်သည်။
ငလျင်ဒဏ်ခံထားရတဲ့ ဆီးရီးယားနိုင်ငံမြောက်ပိုင်းမှာ ကူးစက်ရောဂါတွေ ဖြစ်ပွားနိုင်ခြေ မြင့်တက်လာတယ်လို့ ကမ္ဘာ့ကျန်းမာရေးအဖွဲ့အစည်း WHO ရဲ့ ထိပ်တန်းအရာရှိ ရစ်ချက်ဘရန်နန်က တနင်္ဂနွေနေ့က ပြောကြားလိုက် ပါတယ်။ ဆီးရီးယားနိုင်ငံဟာ ငလျင်ဘေးမကြုံရခင်ကတည်းက ကာလဝမ်းရောဂါနဲ့ ဝက်သက်ရောဂါ ကူးစက်မှု တွေဖြစ်ပွားနေတာပါ။
အမေရိကန်စစ်ဘက် က မြောက်အမေရိက ဝေဟင်မှာ ပျံသန်းနေတဲ့ နောက်ထပ်အရာဝတ္ထုတစ်ခုကို တနင်္ဂနွေနေ့က ပစ်ချလိုက်ပြီး ဒါက ဒီလအတွင်းမှာ လေးကြိမ်မြောက် ပစ်ချမှု ဖြစ်ပါတယ်။
ကနေဒါနိုင်ငံနဲ့ နယ်စပ်အနီးက ဟူရွန် ရေကန်နားမှာ အမည်မသိအရာဝတ္ထု ပစ်ချဖို့ အမေရိကန်သမ္မတ ဂျိုးဘိုင်ဒန် က အမိန့်ပေးခဲ့ပါတယ်။
ပြီးခဲ့သည့်ငါးနှစ်အတွင်း ရုရှားသည် အိန္ဒိယအား ဒေါ်လာ ၁၃ ဘီလျံခန့် တန်ကြေးရှိသော လက်နက်များကို ပေး သွင်းခဲ့ပြီး ယခုအခါ နူးဒေလီသည် မော်စကိုထံမှ ဒေါ်လာ ၁၀ ဘီလျံကျော် တန်ဖိုးရှိ လက်နက်နှင့် စစ်ပစ္စည်း ကိရိယာများကို မှာယူထားကြောင်း ရုရှားနိုင်ငံပိုင် သတင်းဌာနများက ဖေဖော်ဝါရီလ ၁၂ ရက်နေ့ ညပိုင်းတွင် ဖော်ပြခဲ့သည်။
တူရကီအရှေ့တောင်ပိုင်းနှင့် ဆီးရီးယားမြောက်ပိုင်းတွင် ငလျင်လှုပ်ခတ်ပြီးနောက် ခြောက်ရက်အကြာတွင် ပြိုကျပျက်စီးသည့် အဆောက်အအုံများ ဆောက်လုပ်ရာ၌ ပါဝင်ပတ်သက်သည်ဟု စွပ်စွဲခံထားရသည့် လူပေါင်း ၁၃၀ ခန့်ကို တူရကီအာဏာပိုင်များကဖမ်းဆီးခြင်း သို့မဟုတ် ဖမ်းဝရမ်းထုတ်ခြင်းပြုထားသည်။
တနင်္လာနေ့က လှုပ်ခဲ့သည့် ငလျင်ကြောင့် သေဆုံးသူ ဦးရေ ၂၈၁၉၁ ဦး ရှိလာပြီး ဒဏ်ရာရသူ ၈၀၀၀၀ ရှိလာကာ တနင်္ဂနွေနေ့ နံနက်ပိုင်းအထိ ရုပ်အလောင်းများ ဆက်လက်တွေ့ရှိနေဆဲဖြစ်သဖြင့် ယင်း အရေအတွက်များ ထပ်မံမြင့်တက်လာဦးမည်မှာ သေချာနေသည်။
ကနေဒါနိုင်ငံရဲ့ ဝေဟင်ပိုင်နက်ကိုချိုးဖောက်ဝင်ရောက်ခဲ့ပြီး အမြင့်ပေ ၄၀၀၀၀ မှာ ပျံသန်းနေတဲ့ အမည်မသိ အရာဝတ္ထုတစ်ခုကို အမေရိကန်တိုက်လေယာဉ်တစ်စီး က ကနေဒါအနောက်အလယ်ပိုင်း ယူကွန်ဒေသမှာ ပစ်ချခဲ့တယ်လို့ ကနေဒါဝန်ကြီးချုပ် ဂျပ်စတင် ထရူးဒူး က ပြောကြားပါတယ်။
အမည်မသိ အရာဝတ္ထုကို ဖျက်ဆီးပစ်ရန် အမေရိကန်နဲ့ ကနေဒါတိုက်လေယာဉ်တွေကိုပါ စေလွှတ်ခဲ့ကာ အမေရိကန် အက်ဖ်-၂၂ တစ်စီး က ပစ်ချခဲ့တယ်လို့ ကနေဒါဝန်ကြီးချုပ်က ပြောကြားပါတယ်။
