ဆူဒန်စစ်တပ်နဲ့ အင်အားကြီးတဲ့ပြည်သူ့စစ်တို့ကြား တိုက်ပွဲတွေကြောင့် အရပ်သားတွေ သေဆုံးမှုဟာ အနည်းဆုံး ၉၇ ဦး နဲ့ ဒဏ်ရာရရှိသူက ၃၆၅ ဦး ရှိတဲ့အကြောင်း ဆေးဖက်ဆိုင်ရာ အဖွဲ့တခုက ဒီကနေ့အစောပိုင်းမှာ သတင်းထုတ်ပြန်ပါတယ်။ တခြားသတင်းတွေမှာတော့ လူ ၆ ရာလောက်အထိ ဒဏ်ရာရရှိကြတယ်လို့ ဆိုပါတယ်။
ရုရှားနှင့် ယူကရိန်းတို့ကြား ယခုတစ်ကြိမ် အကျဉ်းသားလဲလှယ်မှု ပြုလုပ်ရာတွင် ယူကရိန်းနိုင်ငံသား ၁၃၀ ဦး ပြန်လည်လွတ်မြောက်လာကြောင်း သိရသည်။
အဆိုပါလဲလှယ်မှုကို ရှေးရိုး ခရစ်ယာန် သက်ဝင်ယုံကြည်သူတို့၏ အီစတာပွဲတော်နေ့ဖြစ်သည့် ဧပြီလ ၁၆ ရက် တနင်္ဂနွေနေ့တွင် ပြုလုပ်ခဲ့ခြင်း ဖြစ်သည်။
အမေရိကန်သမ္မတ ဂျိုးဘိုင်ဒင်က ဉာဏ်ရည်တု နည်းပညာ(အေအိုင်) သည် အန္တရာယ်ရှိသော်လည်း လူ့အဖွဲ့အစည်းအပေါ် မည်သို့အကျိုးသက်ရောက်မည်ကိုမူ စောင့်ကြည့်ရဦးမည်ဖြစ်ကြောင်း ပြောကြားခဲ့သည်။
ဘိုင်ဒင်သည် အင်္ဂါနေ့ (မနေ့)က သိပ္ပံနှင့် နည်းပညာဆိုင်ရာ အကြံပေးပုဂ္ဂိုလ်များနှင့်အတူ ပြုလုပ်ခဲ့သော အစည်းအဝေးပွဲ အစတွင် နည်းပညာကုမ္ပဏီများအနေဖြင့် နည်းပညာတစ်ခုကို လူထုထံ မချပြမီ အန္တရာယ်ကင်းအောင် ပြုလုပ်ထားသင့်သည်ဟု ပြောခဲ့သည်။
ဖင်လန်နိုင်ငံဟာ ဧပြီ ၄ ရက်မှာ မြောက်အတ္တလန္တိတ် စစ်ရေးမဟာမိတ်အဖွဲ့ (နေတိုး)နဲ့ ပူးပေါင်းသွားမှာဖြစ်ပြီး ဖင်လန်နိုင်ငံ ပိုမိုဘေးကင်းပြီး မဟာမိတ်အဖွဲ့ကို ပိုအားကောင်းလာစေမယ့် ခြေလှမ်းတရပ် ဖြစ်လာတယ်လို့ နေတိုးအကြီးအကဲ ယန်းစ်စတော့တန်ဘာ့ဂ်က ဧပြီ ၃ ရက်မှာ ပြောလိုက်ပါတယ်။
ယူကရိန်းမှာ စစ်ပွဲတွေ ပြင်းထန်နေချိန် ဖင်လန်နိုင်ငံကို နေတိုးအဖွဲ့နဲ့ ပူးပေါင်းခွင့်ပြုတဲ့ ဥပဒေကြမ်းကို တူရကီလွှတ်တော်က အတည်ပြုပြီး လေးရက်အကြာမှာ အခုလို ကြေညာချက် ထွက်လာတာပါ။
ဆော်ဒီအာရေဗျနဲ့ ရေနံရောင်းချသူနိုင်ငံများအသင်း (အိုပက်) အဖွဲ့ဝင် တခြားနိုင်ငံတွေဟာ သူတို့ရဲ့ ရေနံထုတ်လုပ်မှုကို ကိုယ်တိုင်ရဲ့ သဘောဆန္ဒအရ လျှော့ချမယ်လို့ ကြေညာလိုက်ကြပါတယ်။
ဆော်ဒီအစိုးရကတော့ မေလကနေ ၂၀၂၃ နှစ်ကုန်ပိုင်းထိ နေ့စဉ် ရေနံစိမ်းစည် ငါးသိန်း ထုတ်လုပ်မှု လျှော့ချမယ်လို့ အစိုးရမီဒီယာက ထုတ်ပြန်ပါတယ်။
ရုရှား စစ်ပွဲကို ထောက်ခံတဲ့ ဘလော့ဂါ ဗလာဒန် တာတာစကီးကို သတ်ဖြတ်မှုနဲ့ အသက် ၂၆ နှစ်အရွယ် အမျိုးသမီး ဒါရာ ထရီပိုဗာ ကို ရုရှား ထောက်လှမ်းရေး တွေက ဖမ်းဆီးလိုက်ပါတယ်။
ရုရှား ဘလော့ဂါ ဟာ ပြီးခဲ့တဲ့ တနင်္ဂနွေနေ့က စိန့်ပီတာစဘဂ်မြို့မှာ ဗုံးပေါက်ကွဲမှုကြောင့် သေဆုံးသွားခဲ့တာ ဖြစ်ပါတယ်။
ထိုင်းနိုင်ငံမှာ ရှေ့လ ကျင်းပတော့မယ့် အထွေထွေရွေးကောက်ပွဲအတွက် နိုင်ငံရေးပါတီခေါင်းတွေ အပါအဝင် မဲဆန္ဒနယ်အလိုက် ကိုယ်စားလှယ်လောင်းတွေဟာ ဒီကနေ့ ဧပြီလ (၃)ရက်နေ့မှာ စတင် မှတ်ပုံတင်နေကြပါပြီ။
သူ့ပါတီကပါတီလှုပ်ရှားသူများနဲ့ လူမှုမီဒီယာလှုပ်ရှားသူတွေကို ပါကစ္စတန်အစိုးရက ထောင်ချီဖမ်းဆီးခဲ့တယ်လို့ ယခင်ပါကစ္စတန်ဝန်ကြီးချုပ်ဟောင်း Imran Khan က ပြောလိုက်ပါတယ်။ ဖမ်းဆီးထားသူတွေ ဘယ်မှာရောက်နေမှန်းမသိရသလို လွတ်လာသူတွေကလည်း ညှဉ်းပန်းနှိပ်စက်မှုတွေရှိတယ်လို့ ပြောကြကြောင်း စနေနေ့နှောင်းပိုင်း ရုပ်မြင်သံကြားကနေ လွှင့်ထုတ်ခဲ့တဲ့မိန့်ခွန်းမှာ Imran Khan က ပြောခဲ့တာပါ။
လက်ရှိအဖမ်းခံရသူ ၃,၁၀၀ ကျော်ရှိပြီး Punjab နဲ့ Khyber Pakhtunkhwa ပြည်နယ်တွေမှာ အများဆုံးဖြစ်တယ်လို့ သူက ဆိုပါတယ်။
လူတွေ တစ်လနဲ့တစ်လ အလျင်မီအောင် မနည်းရုန်းကန်ရအောင် လုပ်ဆောင်နေချိန်မှာပဲ အိမ်ရာဈေးနှုန်း နဲ့ အိမ်ငှားရမ်းခတွေ အဆမတန် ဈေးနှုန်းမြင့်တက်နေလို့ ပေါ်တူဂီမြို့တော် လစ္စဘွန်းနဲ့ အခြားမြို့ကြီးတွေမှာ လူထောင်သောင်းချီပြီး ဆန္ဒပြခဲ့ကြကြောင်း သိရပါတယ်။
“ ကြီးမားတဲ့ အိမ်ရာအကျပ်အတည်းတစ်ရပ်ဖြစ်ပေါ်နေပြီး ဒါက လူမူရေးအရေးပေါ်အခြေအနေဖြစ်ပါတယ်။” လို့ Habita အိမ်ရာလုပ်ငန်းမှ အရာရှိ ရီတာဆေးလ်ဗား က လစ္စဘွန်းမြို့ ဆန္ဒပြပွဲမှာ ပြောကြားပါတယ်။
ဂျပန်နိုင်ငံမှာ သက်ကြီးရွယ်အို များပြားနေပြီး ကလေးမွေးဖွားနှုန်း ကျဆင်းနေကာ ဝေးလံခေါင်သီတဲ့ ဒေသတွေမှာ ကျောင်းသား/သူ မရှိတော့လို့ ပိတ်ပစ်ရတဲ့ စာသင်ကျောင်းတွေ တစ်စထက်တစ်စ ပိုများလာပါတယ်။ ဂျပန်နိုင်ငံမြောက်ပိုင်း တန်အိတောင်တန်းဒေသမှာရှိတဲ့ ယူမိုတိုအလယ်တန်းကျောင်းမှာ ကျောင်းသား ၂ ယောက်ပဲ ကျန်ရှိတော့ပြီး စာသင်နှစ် နောက်ဆုံးနေ့ဖြစ်တဲ့ မတ်လ ၃၁ ရက်နေ့လွန်ရင် ဒီကျောင်းကို ပိတ်ပစ်တော့မှာပါ။ ဒီကျောင်း သက်တမ်းက ၇၆ နှစ် ရှိပါပြီ။
