စက်တင်ဘာ ၂၉ ရက်က ကုလသမဂ္ဂဌာနချုပ်တွင် ကျင်းပသည့် (၇၃)ကြိမ်မြောက် အထွေထွေညီလာခံ၌ မိန့်ခွန်းပြောနေသော မြောက်ကိုရီးယားနိုင်ငံခြားရေးဝန်ကြီး ရီယောင်ဟို (Mary Altaffer/AP)
အမေရိကန်၏ အရေးယူပိတ်ဆို့မှုများ ပြုံယမ်းအစိုးရအပေါ် ဆက်လက်ချမှတ်ထားသရွေ့ နျူလက်နက် စွန့်လွှတ်မည် မဟုတ်ကြောင်း နယူးယောက်မြို့၌ ကျင်းပသော ကုလသမဂ္ဂ အထွေထွေညီလာခံတွင် မြောက်ကိုရီးယား နိုင်ငံခြားရေး ဝန်ကြီး ရီယောင်ဟို က ပြောသည်။
မက်ဆီဒိုးနီးယားနိုင်ငံရဲ့အမည်ကို ပြောင်းလဲမလားဆိုတာအတွက် လူထုဆန္ဒခံယူပွဲတခုကို တနင်္ဂနွေနေ့က လုပ်တာမှာ မဲပေးသူ အရေအတွက် နည်းပါတယ်။ ဒီလူထုဆန္ဒခံယူပွဲဟာ မြောက်အတ္တလန်တိတ်စာချုပ် NATO အဖွဲ့နဲ့ ဥရောပသမဂ္ဂ EU တို့ထဲကို မက်ဆီဒိုးနီးယားနိုင်ငံ ဝင်ရောက်ဖို့ လမ်းပွင့်သွားစေနိုင်တာပါ။
မဲပေးခွင့်ရှိသူ သုံးပုံတပုံလောက်ပဲ မဲလာပေးတယ်လို့ ရွေးကောက်ပွဲတာဝန်ရှိသူတွေက ပြောပါတယ်။ ဒါပေမဲ့ အဲဒီမဲပေးသူတွေထဲ က ၉၀% ကျော်က နိုင်ငံအမည်ကို မြောက်ပိုင်း မက်ဆီဒိုးနီးယား အဖြစ် ပြောင်းလဲဖို့ ထောက်ခံမဲပေးကြပါတယ်။
နျူကလီးယားလက်နက် ဖျက်သိမ်းဖို့ မက်လုံးပေးတဲ့အနေနဲ့ မြောက်ကိုရီးယားအပေါ် အရေးယူဒဏ်ခတ်မှုတွေကို ဖြေလျှော့ပေးဖို့ ရုရှားနဲ့ တရုတ်နိုင်ငံတို့က ကုလသမဂ္ဂ လုံခြုံရေးကောင်စီကို တိုက်တွန်းလိုက်ပါတယ်။
ဒီလိုတိုက်တွန်းတာဟာ မြောက်ကိုရီးယားအပေါ် ဆက်လက်ဒဏ်ခတ်မယ့် နိုင်ငံတကာ သဘောတူညီချက်ကို ခြိမ်းခြောက်ရာကျပြီး အမေရိကန်နိုင်ငံ ရပ်တည်ချက်နဲ့ တိုက်ရိုက် ပဋိပက္ခ ဖြစ်စေပါတယ်။
နယူးဒေလီ၊ စက်တင်ဘာ ၂၈
အိန္ဒိယမြောက်ပိုင်း ကက်ရ်ှမီးယားမှာ စက်တင်ဘာ ၂၇ ရက်က ဆူပူအကြမ်းဖက်ထိပ်တိုက်တွေ့မှုတွေအတွင်း အိန္ဒိယစစ်သား တစ်ဦးနဲ့ သောင်းကျန်းသူသူပုန် သုံးဦး သေဆုံးတယ်လို့ တာဝန်ရှိသတင်းရင်းမြစ်တွေအရ သိရပါတယ်။
ဘတ်ဒမ်းခရိုင်မှာ ရဲနဲ့ စစ်တပ် ပူးပေါင်းစစ်ဆင်ရေးအတွင်း စစ်သွေးကြွနှစ်ဦးကို သုတ်သင်နိုင်ပြီး တတိယမြောက် စစ်သွေးကြွကိုတော့ အနန်နက်ခရိုင်က အလားတူစစ်ဆင်ရေးအတွင်းမှာ သုတ်သင်လိုက်နိုင်တာဖြစ်တယ်လို့ အိန္ဒိယ မြောက်ပိုင်းတိုင်းစစ်ဌာနချုပ်က တွစ်တာကတစ်ဆင့် ထုတ်ပြန်ပါတယ်။
နျူကလီးယားလက်နက် ပိတ်ပင်တားဆီးရေးဆိုင်ရာ နိုင်ငံတကာစာချုပ်မှာ မြန်မာနိုင်ငံက ပါဝင်လက်မှတ် ရေးထိုးလိုက်ပြီ ဖြစ်တယ်လို့ နိုင်ငံခြားရေးဌာနက သတင်းထုတ်ပြန်ပါတယ်။
အပြည်ပြည်ဆိုင်ရာ ပူးပေါင်းဆောင်ရွက်ရေး ပြည်ထောင်စုဝန်ကြီး ဦးကျော်တင်က စက်တင်ဘာ ၂၆ ရက်နေ့မှာ နယူးယောက်မြို့၊ ကုလသမဂ္ဂဌာနချုပ်မှာ ကျင်းပတဲ့ ၂၀၁၈ ခုနှစ်၊ အပြည်ပြည်ဆိုင်ရာ စာချုပ်စာတမ်းများ ချုပ်ဆိုပွဲ အခမ်းအနားမှာ တက်ရောက်ပြီး မြန်မာအစိုးရ ကိုယ်စား လက်မှတ်ရေးထိုးခဲ့တာ ဖြစ်ပါတယ်။
မက္ကဆီကိုရှိ မြို့တစ်မြို့မှ မြို့ခံ ရဲတပ်ဖွဲ့ အားလုံးကို ရာထူးမှ ဆိုင်းငံ့ပြီး စုံစမ်း စစ်ဆေးမှုများ ပြုလုပ်နေကြောင်း သိရသည်။
အေကာပယ်လ်ကို ရဲတပ်ဖွဲ့သည် မူးယစ်ဆေးဝါး မှောင်ခိုဂိုဏ်းများ၏ စိမ့်ဝင် ထိန်းချုပ်မှုကို ခံထားရကြောင်း စွပ်စွဲမှုများ ထွက်ပေါ်လာသည့်နောက် ဗဟို အစိုးရ ရဲတပ်ဖွဲ့က မြို့ခံ ရဲတပ်ဖွဲ့ဝင်များကို ထိန်းသိမ်းခဲ့သည်။
တရုတ်နိုင်ငံရဲ့ ဆိုက်ဘာအင်တာနက် စွမ်းရည်ဟာ တနေ့တခြားပိုမို ကြီးထွားလာနေပြီး ကမ္ဘာမှာ ထိပ်တန်း ရောက်လာနိုင်တာကြောင့်၊ အမေရိကန် ရွေးကောက်ပွဲတွေကို နှောက်ယှက်ဖို့ ကြိုးပမ်းနေတဲ့ ရုရှားနိုင်ငံထက်တောင် အန္တရာယ်ကြီးမားကြောင်း အမေရိကန်ထိပ်တန်း ထောက်လှမ်းရေး အရာရှိတဦးက ပြောဆိုလိုက်ပါတယ်။
တရုတ်နိုင်ငံရဲ့ ခြိမ်းခြောက်မှုဟာ ရည်ရွယ်ချက်ရှိရှိ၊ စနစ်တကျနဲ့ သိမ်သိမ်မွေ့မွေ့ ရှိတာကြောင့် ရုရှားလို နာမည်ပျက်မယ့် အခြေအနေမျိုးကို ရှောင်လွဲနိုင်ခဲ့ကြောင်းလည်း အမျိုးသားထောက်လှမ်းရေးဌာန ညွှန်ကြားရေးမှူး Dan Coats က ပြောဆိုခဲ့တာပါ။
ကုလသမဂ္ဂ၊ စက်တင်ဘာ ၂၇
တရုတ်ကုန်စည်တွေအပေါ် စည်းကြပ်ခွန်တွေ ချမှတ်တာကို လက်တုံ့ပြန်တဲ့အနေနဲ့ တရုတ်နိုင်ငံဟာ နိုဝင်ဘာ ၆ ရက်မှာ ကျင်းပဖို့ရှိတဲ့ အမေရိကန် လွှတ်တော်ဆိုင်ရာ ရွေးကောက်ပွဲမှာ ၀င်ရောက်စွက်ဖက်ဖို့ ကြိုးစားနေတယ်လို့ အမေရိကန်သမ္မတ ဒေါ်နယ်ထရမ့်က စက်တင်ဘာ ၂၆ ရက်မှာ ပြောလိုက်ပါတယ်။
စက်တင်ဘာ ၂၆
ယနေ့မနက်မှာတော့ ဗီယက်နမ်သမ္မတ ကျန်ဒိုင်ကွမ်ရဲ့ ဈာပနအခမ်းအနားကို ဗီယက်နမ်နိုင်ငံ၊ ဟိုချီမင်းမြို့ရှိ ဂူဗိမာန်မှာ ပြုလုပ်ခဲ့တယ်လို့ သိရပါတယ်။
အဆိုပါဈာပနအခမ်းအနားမှာ အကြီးအကဲပုဂ္ဂိုလ်တွေ၊ ဗီယက်နမ်ဒေသခံတွေ၊ စစ်သည်တွေဟာ ဗီယက်နမ်သမ္မတ ကျန်ဒိုင်ကွမ်ကို နောက်ဆုံးအကြိမ် နှုတ်ဆက်ဂါဝရပြုခဲ့ကြတာဖြစ်ပါတယ်။
လာမယ့် စက်တင်ဘာလ၊ ၂၇ ရက်မှာတော့ သမ္မတ ကျန်ဒိုင်ကွမ်ကို ၎င်းရဲ့ဇာတိမြေဖြစ်ရာ Ninh Binh ပြည်နယ်မှာ မြုပ်နှံသင်္ဂြိုလ်သွားမယ်လို့ သိရပါတယ်။
ကုလသမဂ္ဂ၊ စက်တင်ဘာ ၂၆
အမရိကန်သမ္မတ ဒေါ်နယ်ထရမ့်ဟာ အီရန်အစိုးရကို ဖြုတ်ချဖို့ ကြိုးစားနေတယ်လို့ အီရန်သမ္မတ ဟတ်ဆန်ရိုဟာနီက ကုလသမဂ္ဂအထွေထွေညီလာခံမှာ မိန့်ခွန်းပြောရာမှာ ထည့်သွင်းပြောသွားခဲ့ပါတယ်။
၂၀၁၅ ခုနှစ် သမ္မတဟောင်း အိုဘားမားလက်ထက်မှာ အီရန်နဲ့ အင်အားကြီး ခြောက်နိုင်ငံ ချုပ်ဆိုထားတဲ့ နျူကလီးယား သဘောတူညီမှုကနေ ထရမ့်အစိုးရက နုတ်ထွက်သွားပြီးမှ သဘောတူညီမှုသစ်ရဖို့ ဆွေးနွေးမယ် ဆိုမျိုးဟာ လက်သင့်ခံစရာ မရှိကြောင်း ပြောကြားရင်းနဲ့ ခုလို စွပ်စွဲပြောဆိုလိုက်တာလည်း ဖြစ်ပါတယ်။
