ဂျာမနီနိုင်ငံမြောက်ပိုင်း ဘရီမာဗော်ဒီမြို့ ဘူတာရုံအတွင်း ကမ္ဘာ့ပထမဆုံး ဟိုက်ဒရိုဂျင်လောင်စာသုံးရထား စက်တင်ဘာ ၁၆ ရက်က ခုတ်မောင်းသွားစဉ် (DAVID HECKER/EPA)
ကမ္ဘာ့ပထမဆုံး ဟိုက်ဒရိုဂျင်လောင်စာဆဲလ်သုံး ခရီးသည်တင်ရထားသည် စက်တင်ဘာ ၁၆ ရက်က ဂျာမနီနိုင်ငံ တွင် စတင်ပြေးဆွဲခဲ့သည်။ ပြင်သစ်ကုမ္ပဏီ Alstom က တည်ဆောက်ခဲ့သော CoradiaiLint အမည်ရှိ ယင်းရထား သည် ဘရီမာဗော်ဒီမြို့ရှိ ဘူတာရုံသို့ ရောက်ရှိခဲ့ပြီး အောက်ဆာဇိုနီ ဒေသ၌ ပုံမှန်ခရီးစဉ် ပြေးဆွဲမည် ဖြစ်သည်။
မနီလာ ၊ စက်တင်ဘာ ၁၈ ရက်
မန်ကွတ် တိုင်ဖုန်းမုန်တိုင်းကြောင့် ဖိလစ်ပိုင်တွင် သေဆုံးသူ ၆၆ ဦး ရှိပြီး ၅၂ ဦး ပျောက်ဆုံးနေကြောင်း ဖိလစ်ပိုင်နိုင်ငံ ရဲတပ်ဖွဲ့၏ စက်တင်ဘာလ ၁၇ ရက်နေ့ သတင်းများအရ သိရသည်။
အမေရိကန်နိုင်ငံ တောင်နဲ့ မြောက်ကယ်ရိုလိုင်းနား ပြည်နယ်တွေမှာ ဟာရီကိန်းမုန်တိုင်း ဖလောရင့်စ်ကြောင့် သေဆုံးသူ ၂၃ ဦးအထိ မြင့်တက်လာခဲ့ပါတယ်။ ပြည်နယ်နှစ်ခုအတွင်းရှိ မြစ်တွေ ရေလျှံခဲ့တာကြောင့် ရေကြီးမှုတွေ ဖြစ်ခဲ့တာပါ။
ဟာရီကိန်း ဖလောရင့်စ်ကြောင့် စက်တင်ဘာ ၁၃ ရက်နေ့ကစလို့ မြောက်ကယ်ရိုလိုင်းနားမှာ မိုးရေချိန် ၃၆ လက်မအထိ ရွာခဲ့ပြီး ထောင်နဲ့ချီတဲ့ ဒေသခံတွေ ပြောင်းရွှေ့ခဲ့ရပါတယ်။
အမေရိကန် ပြည်ထောင်စုမှာ လာမယ့် ၂၀၁၉ အတွက် ဒုက္ခသည်အရေအတွက် ၃၀ ၀၀၀ ကိုပဲ လက်ခံမယ်လို့ အမေရိကန် နိုင်ငံခြားရေးဝန်ကြီး Mike Pompeo က တနင်္လာနေ့မှာ ကြေညာပါတယ်။ ဒါဟာ Trump အစိုးရအဖွဲ့ အရင် လက်ခံဖို့စီစဉ်ထားတဲ့ အရေအတွက် ၄၅ ၀၀၀ ကနေ လျှော့ချလိုက်တာ ဖြစ်ပါတယ်။
ရန်လိုမှုများကို ဖယ်ရှားပြီး ငြိမ်းချမ်းရေး တည်ဆောက်ရန် အီသီယိုးပီးယားနှင့် အီထရီးယားနိုင်ငံ ခေါင်းဆောင်များကြား သဘောတူ စာချုပ်တစ်ရပ်ကို ချုပ်ဆိုနိုင်ခဲ့ကြောင်း သိရသည်။
စက်တင်ဘာ ၁၆ ရက်က ဆော်ဒီအာရေးဘီးယားနိုင်ငံ၊ ဂျက်ဒါးမြို့တွင် ကျင်းပသည့် ငြိမ်းချမ်းရေး စာချုပ်မှု အခမ်းအနားသို့ အီသီယိုးပီးယား ဝန်ကြီးချုပ် အေဘိုင် အာမက်နှင့် အီထရီးယား သမ္မတ အိုင်ဆိုင်စ် အက်ဖ်ဝါကီတို့ တက်ရောက်ခဲ့ကြသည်။
ဒမတ်စကက်မြို့တော် လေဆိပ်ကို အစ္စရေးက ဒုံးကျည်ဖြင့် တိုက်ခိုက်ခဲ့ကြောင်း ဆီးရီးယား အစိုးရက စွပ်စွဲ ကြေညာခဲ့သည်။
ပြီးခဲ့သည့် သီတင်းပတ်ကုန်တွင် အစ္စရေးဖက်မှ ပစ်ခတ်သော ဒုံးကျည်များက ဒမတ်စကက် လေပိုင်နက်ထဲ ဝင်ရောက်လာခဲ့ပြီး မိမိတို့၏ လေကြောင်းကာကွယ်ရေး စနစ်များက ကြားဖြတ် ဟန့်တား ပစ်ချနိုင်ခဲ့ကြောင်း ဆီးရီးယား စစ်ဘက်က ထုတ်ပြန်သည်။
ဟောင်ကောင်၊ စက်တင်ဘာ ၁၇
ဖိလစ်ပိုင်မြောက်ပိုင်းမှာ လူ ၅၉ ဦးကို သေဆုံးစေခဲ့တဲ့ မန်ကွတ်မုန်တိုင်းဟာ ဟောင်ကောင်နဲ့ မကာအိုတို့မှာ မွှေ့နှောက်ဖျက်ဆီးပြီးနောက် စက်တင်ဘာ ၁၆ ရက် နောက်ပိုင်းမှာ တရုတ်ပြည်မကြီးဆီ ၀င်ရောက်ပါတယ်။
ယခုနှစ်ရဲ့ ကမ္ဘာ့အကြီးဆုံး တိုင်ဖုန်းမုန်တိုင်း မန်ကွတ်ကြောင့် ဟောင်ကောင်မှာ သစ်ပင်တွေ ပြိုလဲတာ၊ မိုးမျှော်တိုက်တွေ ခါယမ်းတာတွေ ဖြစ်စေပြီး ဒဏ်ရာရသူ ၂၀၀ ကျော်ထက်မနည်း ရှိခဲ့ပါတယ်။
Trump အစိုးရအဖွဲ့က တရုတ်ကုန်ပစ္စည်းတွေအပေါ် နောက်ထပ် အခွန်တိုးကောက်ခံမှုတွေလုပ်မယ်ဆိုရင် ဒီလကုန်မှာ ကျင်းပဖို့လုပ်နေတဲ့ အမေရိကန်ပြည်ထောင်စုနဲ့ ကုန်သွယ်ရေးဆိုင်ရာ ဆွေးနွေးမှုတွေမှာ တရုတ်က မပါဝင်ဘဲနေဖို့ ဖြစ်လာနိုင်တယ်လို့ တရုတ်အရာရှိတွေရဲ့ ပြောကြားချက်ကို ကိုးကားပြီး တနင်္ဂနွေနေ့ထုတ် Wall Street Journal မှာ ဖော်ပြထားပါတယ်။
အမေရိကန် ပိုင်နက်အနီးသို့ ရုရှား မဟာဗျူဟာ ဗုံးကြဲလေယာဉ်များ ချဉ်းကပ်ခဲ့မှုကြောင့် အမေရိကန် တိုက်လေယာဉ်များ ပျံတက်ပြီး ကြားဖြတ် စောင့်ကြည့်ခဲ့ရကြောင်း သိရသည်။
အမေရိကန် စစ်တပ်၏ မြောက်အမေရိက လေကြောင်းကာကွယ်ရေး ဦးစီးဌာနက စက်တင်ဘာ ၁၁ ရက်တွင် ရုရှား၏ TU-95 ဗုံးကြဲလေယာဉ်နှစ်စီး အလာစကာ ပြည်နယ်အနီးထိ ချဉ်းကပ် ပျံသန်းလာကြောင်း အတည်ပြုခဲ့သည်။ ယင်းအခြေအနေကို အရေးပေါ် တုံ့ပြန်သည့် အနေဖြင့် အမေရိကန်က F-22 ပဉ္စမမျိုးဆက် တိုက်လေယာဉ် နှစ်စီးကို ချက်ချင်း စေလွှတ်ခဲ့သည်။
Google, Facebook, Twitter နှင့် အခြား အွန်လိုင်း ပလက်ဖောင်းများသည် ၄င်းတို့ပလက်ဖောင်းမှ အစွန်းရောက် အကြောင်းအရာပါ ရေးသားချက်များအား တစ်နာရီအတွင်း ဖယ်ရှားရန် ဥပဒေသစ်ကို အတည်ပြုနိုင်ရန် ဥရောပပါလီမန်သို့ ဥရောပသမဂ္ဂအမှုဆောင်အရာချုပ်က တင်သွင်းလိုက်သည်ဟု Russia Today က ရေးသားဖော်ပြသည်။
အချိန်တစ်နာရီသည် အကြီးမားဆုံးပျက်စီးဆုံးရှုံးမှုဖြစ်ရန် လုံလောက်သည်ဟု အမှုဆောင်အရာချုပ်က ပြောဆိုသည်။ ယခုဥပဒေသစ် အတည်ဖြစ်ခဲ့လျှင် အချိန်တစ်နာရီအတွင်း အစွန်းရောက် အကြောင်းအရာပါ ရေးသားချက်များကို ဖယ်ရှားခြင်း မရှိသော လူမှုပလက်ဖောင်းသည် ၄င်းတို့၏ တစ်နှစ်တာအမြတ်အစွန်း၏ ၄ ရာခိုင်နှုန်းကို ဒါဏ်ငွေအဖြစ် တပ်ရိုက်မည်ဖြစ်ရာ Google ပလက်ဖောင်း တစ်ခုတည်းကပင် ဒေါ်လာ ၄-ဘီလျံ ဒါဏ်ရိုက်ခံရဖွယ် ရှိနေသည်ဆို၏။
