တောင်ငူ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ ဗဟိုအလုပ်အမှုဆောင်၊ ပဲခူးတိုင်းဒေသကြီး ပြည်ခိုင်ဖြိုးပါတီ၏ ဥက္ကဌဦးရဲမြင့်ထွန်း ဦးဆောင်သော တိုင်းပါတီကော်မတီဝင်များသည် မတ်လ ၁၄ ရက်နေ့ နံနက်ပိုင်းက တောင်ငူခရိုင်ပါတီ အစည်းအဝေးခန်းမတွင် တောင်ခရိုင်ပါတီဥက္ကဌနှင့် ခရိုင်ကော်မတီဝင်များ၊ ခရိုင်အတွင်းရှိ မြို့နယ်အသီးသီး၏ ပါတီဥက္ကဌများ၊ အတွင်းရေးမှူးများ နှင့်တွေ့ဆုံခဲ့သည်။
ရွှေပြည်သာ မတ် ၁၄
၁၄-၃-၂၀၂၃ နေ့ နံနက် ၁၀:၀၀ နာရီမှ ၁၆:၀၀ နာရီအထိတွင် ရွှေပြည်သာမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရုံးအစည်းအဝေးခန်းမ၌ မြို့နယ်နှင့် ရပ်ကွက်ပါတီများ လုပ်ငန်းညှိနှိင်းအစည်းအဝေးကို မြို့နယ်နှင့် ရပ်ကွက်ပါတီများ စုစုပေါင်းအင်အား ၅၀ ဦးဖြင့် ဆောင်ရွက်ကြသည်။
မိတ္ထီလာ မတ် ၁၃
မိတ္ထီလာမြို့နယ်၊ ကျွဲတလင်းကျေးရွာအုပ်စု၊ ဘုံစုကံကျေးရွာတွင် ဒေသခံများနှင့် တွေ့ဆုံပွဲပြုလုပ်ခဲ့ရာ မိတ္ထီလာမြို့နယ်၊ ပြည်ခိုင်ဖြိုးပါတီဥက္ကဌဦးမြင့်ဆန်းနှင့် ကော်မတီဝင်များ၊ ရပ်/ ကျေးကော်မတီဝင်များ၊ ပါတီဝင်များ၊ ဝါရင့်ပါတီဝင်များ၊ ပါတီဝန်းရံသူများ၊ ဒေသခံပြည်သူများ တက်ရောက်ခဲ့ပြီး လာမည့်ရွေးကောက်ပွဲတွင် ကျင့်သုံးမည့် PR စနစ်အကြောင်း၊ လက်ရှိနိူင်ငံရေးအခြေအနေများနှင့် လူငယ်/အမျိုးသမီးအဖွဲ့များ ဖွဲ့စည်းရေး လုပ်ငန်းစဉ်များ ဆွေးနွေးခဲ့ကြောင်း သိရှိရသည်။
မြင်းခြံ မတ် ၁၃
၁၃-၃-၂၀၂၃ ရက်နေ့ ၁၄:၀၀မှ၁၅:၃၀ အချိန်ထိ မြင်းခြံမြိုတွင် ( ၄၁ )ကြိမ်မြောက်၊ မြို့နယ်လုံးကျွတ် သံဃာ့ဒါန ဆွမ်းဆန်စိမ်းလောင်းလှူပွဲ ကျင်းပပြုလုပ်ခဲ့ရာ မြင်းခြံမြို့နယ် ပြည်ခိုင်ဖြိုးပါတီဥက္ကဌ ဦးမန်းမြင့်၊ အတွင်းရေးမှုးဒေါ်သီတာယုမွန်နှင့် ကော်မတီဝင်များ၊ လူငယ်/အမျိုးသမီး ပါတီဝင်များမှ သံဃာတော် ( ၈၂၃ )ပါး အတွက် ဆွမ်းဆန်တော် ၂၅ အိတ် ကုသိုလ်ပြု လောင်းလှူခဲ့ကြောင်း သိရှိရသည်။
တာချီလိတ် မတ် ၁၃
ရှမ်းပြည်နယ် အရှေ့ပိုင်း တာချီလိတ်မြို့နယ်ပါတီဥက္ကဌ(ယာယီ)ဦးကျော်ငြိမ်းအောင်၊ မြို့နယ်အတွင်းရေးမှူး ဦးစိုးကျော်အောင် သည် မြို့နယ်ပါတီအမျိုးသမီးရေးရာတာဝန်ခံ ဒေါ်မူအန်တူငဲတ၊ မြို့နယ်ပါတီရုံးဝန်ထမ်းများ နှင့်အတူ မိုင်းကိုးအုပ်စုစည်းရုံးရေးတာဝန်ခံ ဦးကျဒေါလော် တို့ဖြင့် မိုင်းကိုးအုပ်စု၊ မယ်ဖုံးလုံကျေးရွာမှ ပါတီဝင်များဖြင့် တွေ့ဆုံ၍ ဒေသဖွံ့ဖြိုးရေး လုပ်ငန်းများ ဆွေးနွေးတိုင်ပင်ခြင်း၊ PR စနစ် အကြောင်းအား ပါတီဝင်များ သိရှိနားလည်စေရန် ရှင်းလင်း ပြောကြားပေးခြင်း၊ ပါတီဝင်အင်အားစီစစ်ခြင်း၊ ပါတီရှေ့လုပ်ငန်းစဉ်များ တွေ့ဆုံညှိနိုင်းခြင်းများ ဆောင်ရွက်ခဲ့ပါသည်။
ရန်ကုန် မတ် ၁၃
ရန်ကုန်တိုင်းဒေသကြီး ပြည်ခိုင်ဖြိုးပါတီ ဒုတိယရက်(၉၀) စီမံချက်အကောင်အထည်ဖော် ဆောင်ရွက်နိုင်ရေး လုပ်ငန်းညှိနှိင်း အစည်းအဝေးအား ယနေ့နံနက် ၁၀:၀၀ နာရီအချိန်က ရန်ကုန်တိုင်းပါတီရုံး အစည်းအဝေးခန်းမ၌ ကျင်းပပြုလုပ်ခဲ့ကြသည်။
ရှေ့ဦးစွာ ရန်ကုန်တိုင်းဒေသကြီး ပြည်ခိုင်ဖြိုးပါတီဥက္ကဌ ဦးခင်မောင်စိုးမှ ပါတီဗဟို၏ လမ်းညွှန်ချက်ဖြစ်သော ဒုတိယရက်(၉၀)စီမံချက်အကောင်အထည်ဖော်ဆောင်ရွက်နိုင်ရေး လမ်းညွှန်အမှာစကားပြောကြားခဲ့ပါသည်။
မတ် ၁၂၊ ပုသိမ်
၁၂-၃-၂၀၂၃ ရက်နေ့ နံနက် ၉ အချိန်တွင် ပုသိမ်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရုံးတွင် လူငယ်၊ အမျိုးသမီးရေးရာ တွေ့ဆုံပွဲအား ကျင်းပပြုလုပ်ရာ တာဝန်ခံဗဟိုအလုပ်အမှုဆောင်များ တက်ရောက်ခဲ့ပါသည်။
မတ် ၁၂၊ ကန်ကြီးထောင့်
၁၂-၃-၂၀၂၃ ရက်နေ့ နေ့လည် ၁ နာရီအချိန်တွင် ကန်ကြီးထောင့်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီရုံးတွင် လူငယ်၊ အမျိုးသမီးရေးရာ (၂၉၉)ဦးနှင့် တွေ့ဆုံပွဲအား ကျင်းပပြုလုပ်ရာ တာဝန်ခံ ဗဟိုအလုပ် အမှုဆောင်များ တက်ရောက်ခဲ့ပါသည်။
မတ် ၁၃၊ သံတွဲ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးခင်ရီသည် ဗဟိုအလုပ်အမှုဆောင် ရခိုင်ပြည်နယ် ပါတီဥက္ကဋ္ဌ ဒေါက်တာစန်းရွှေနှင့်အတူ ၁၂-၃-၂၀၂၃ ရက်နေ့ နံနက် (၀၉:၀၀)နာရီအချိန်တွင် သံတွဲမြို့နယ် ဒွာရာဝတီခန်းမ၌ ပြုလုပ်သည့် ကျောက်ဖြူ၊ သံတွဲ၊ အမ်း၊ တောင်ကုတ် ခရိုင်များအတွင်းရှိ လူငယ်(၃၇၀)ဦးခန့်နှင့် တွေ့ဆုံပွဲအခမ်းအနားသို့ တက်ရောက်ခဲ့ပါသည်။
မိုင်းယောင်း မတ် ၁၂
ရှမ်းပြည်နယ် (အရှေ့ပိုင်း) မိုင်းယောင်းခရိုင် ၊ မြို့နယ်ပါတီဝင်အင်အားစိစစ်ရေးဆောင်ရွက်ခဲ့ပါသည်။
