ပြည်ခိုင်ဖြိုးပါတီဗဟိုအလုပ်အမှုဆောင်နှင့် အဖွဲ့တောင်ငူမြို့နယ်တွင်ပါတီဝင်များအား တွေ့ဆုံဆွေးနွေးခဲ့
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ (၇၁)နှစ်မြောက် ကယားပြည်နယ်နေ့သို့ ပေးပို့သည့် သဝဏ်လွှာ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးခင်ရီ ရှမ်းပြည်နယ်(တောင်ပိုင်း)အတွင်းရှိ တိုင်းရင်းသား စာပေ ယဉ်ကျေးမှု အဖွဲ့များနှင့်တွေ့ဆုံ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးခင်ရီသည် ၂၀၂၃ ခုနှစ်၊ ဇန်နဝါရီလ ၁၅ ရက်နေ့ နေ့လည် ၂ နာရီ အချိန်တွင် တောင်ကြီးမြို့နယ် ပါတီရုံးခန်းမတွင်ပြုလုပ်သော ရှမ်းပြည်နယ်(တောင်ပိုင်း)အတွင်းရှိ တိုင်းရင်းသား စာပေယဥ်ကျေးမှုအဖွဲ့ (၈)ဖွဲ့ နှင့် တွေ့ဆုံပွဲအခမ်းအနားသို့ တက်ရောက်ခဲ့ပါသည်။ အခမ်းအနားတွင် ပါတီဥက္ကဋ္ဌမှ နှုတ်ခွန်းဆက် အဖွင့်အမှာစကားပြောကြားရာ ” ၂၀၂၀ ခုနှစ် အထွေထွေရွေးကောက်ပွဲနှင့်ပတ်သက်ပြီး မဲမသမာမှု အချက်အလက်များနှင့် အကြောင်းအရာများကိုလည်းကောင်း၊ တစ်နိုင်ငံတည်း တစ်မြေတည်းနေ တစ်ရေတည်း သောက်ကြသည့် တိုင်းရင်းသားများဖြစ်ကြသည့်အတွက် မလိုသူတို့၏သွေးထိုးမှုများကို နားမယောင်ကြရန်နှင့် အချင်းချင်းသွေးစည်းညီညွတ်ကြရန်၊ လာမည့်ရွေးကောက်ပွဲအောင်မြင်စွာ ကျင်းပနိုင်ရေးအတွက် စည်းလုံး ညီညွတ်စွာဖြင့် ဝိုင်းဝန်းဆောင်ရွက်ကြရန် ” ပြောကြားခဲ့ပါသည်။
ပဲခူးတိုင်းဒေသကြီး(အနောက်ပိုင်း) ပြည်ခရိုင်၊ ပြည်မြို့နယ်၊မြို့နယ်ကော်မတီအစည်းဝေးကျင်းပ
ပဲခူးတိုင်းဒေသကြီး(အနောက်ပိုင်း) ပြည်ခရိုင်၊ ပြည်မြို့နယ်၊မြို့နယ်ပါတီ ကော်မတီအစည်းအဝေးကို မြို့နယ် ပါတီရုံးအစည်းအဝေးခန်းမ၌ ကျင်းပ ပြုလုပ်ရာ မြို့နယ်ပါတီဥက္ကဋ္ဌ ဦးထွန်းထွန်းနိုင် နှင့်ကော်မတီဝင်များတက် ရောက်ကြပါသည်။ အဆိုပါအစည်းအဝေးသို့ တိုင်းပါတီ အတွင်းရေးမှူးဦးကျော်ကျော်လင်း၊ တိုင်းပါတီကော်မတီ ဝင် ဦးမျိုးအောင် ၊ ဦးထွန်းထွန်းဦး နှင့် ပြည်ခရိုင်ပါတီ ဥက္ကဌ ဒေါ်ဆွေဆွေသင်း တို့တက်ရောက်ပြီး ပါတီလုပ်ငန်းစဉ် များ ညှိ့နှိုင်း ဆွေးနွေးခဲ့ကြောင်း သိရှိရပါ သည်။
ဆေးရုံတက်ရောက်၍ ဆေးကုသမှုခံယူနေသော မြို့နယ်ဥက္ကဋ္ဌအားသွားရောက် တွေ့ဆုံအားပေးစကားပြောကြားပြီး အာဟာရစားသောက်ဖွယ်ရာများပေးအပ်
ပြည်ခရိုင် ၊ရွှေတောင်မြို့နယ် ပြည်ခိုင်ဖြိုးပါတီ ဥက္ကဌ ဦးခင်အောင်ဝင်း ကျန်းမာရေးအရ ဆေးကုသမှုခံယူ နေကြောင်း သိရှိရသည့်အတွက် ပဲခူးတိုင်းဒေသကြီး(အနောက်ပိုင်း)တိုင်းပါတီ အတွင်းရေးမှူး ဦးကျော်ကျော်လင်း ၊ တိုင်းပါတီကော်မတီဝင် ဦးထွန်းထွန်းဦး ၊ပြည်ခရိုင် ပါတီဥက္ကဌ ဒေါ်ဆွေဆွေသင်း တို့ သွားရောက် တွေ့ဆုံအားပေး စကားပြောကြားပြီး အဟာရစားသောက်ဖွယ်ရာများပေးအပ်ခဲ့ပါသည်။
ပြည်ခိုင်ဖြိုးပါတီမှ ဘုရားပြုပြင်မွမ်းမံရန်အတွက် အလှူငွေနှင့်ဘိလပ်မြေအိတ်များလှူဒါန်း
(၁၂-၁-၂၀၂၃)ရက်နေ့ နံနက်(၉:၃၀)နာရီအချိန်တွင် စဉ့်ကိုင်မြို့နယ်၊ကံသစ်ကျေးရွာအုပ်စု၊ကန်သစ်ကျေးရွာရှိ လေးမျက်နှာဘုရား ပြုပြင်မွမ်းမံရန်အတွက် ဘုရားပြုပြင်ရေးကော်မတီနှင့်ဒေသခံပြည်သူများ၏ အကူအညီ တောင်းခံမှု အရ ပြည်ခိုင်ဖြိုးပါတီမှ အလှူငွေနှင့်ဘိလပ်မြေအိတ်များ သွားရောက်လှူဒါန်းခဲ့ပါသည်။ လှူဒါန်းပွဲအား လေးမျက်နှာဘုရားဓမ္မာရုံတွင်ပြုလုပ်ခဲ့ပြီး လှူဒါန်းပွဲသို့ မန္တလေးတိုင်းဒေသကြီးပြည်ခိုင်ဖြိုးပါတီ၊ ဘဏ္ဍာရေးမှုး ဒေါ်သိင်္ဂီအောင်၊ကျောက်ဆည်ခရိုင်ဘဏ္ဍာရေးမှုးဒေါ်ခင်နွယ်မြင့်၊စဉ့်ကိုင်မြို့နယ်ဥက္ကဌဦးထွန်းထွန်းနိူင်နှင့်ကော်မတီဝင်များ၊ရပ်/ ကျေးပါတီကော်မတီဝင်များ၊ လေးမျက်နှာဘုရားပြုပြင်ရေး ကော်မတီဝင်များ၊ရပ်မိ/ရပ်ဖများ၊ ဒေသခံ ပြည်သူများတက်ရောက်ခဲ့ကြပါသည်။ လှူဒန်းပွဲတွင် တိုင်းဒေသကြီးပါတီဘဏ္ဍာရေးမှုး ဒေါ်သိင်္ဂီအောင်နှင့် စဉ့်ကိုင် မြို့နယ် ဥက္ကဌဦးထွန်းထွန်းနိူင်တို့က လှူဒါန်းရခြင်းရည်ရွယ်ချက်နှင့်ပြည်ခိုင်ဖြိုးပါတီမှ အမျိုး ဘာသာ၊သာသနာ ထိန်းသိမ်း ကာကွယ်စောင့်ရှောက်ရေးဆောင်ရွက်မှုများအား ရှင်းလင်းပြောကြားခဲ့ပါသည်။၎င်းနောက် လေးမျက်နှာ ဘုရားပြုပြင်မွမ်းမံရန်အတွက် ဘုရားပြုပြင်ရေးကော်မတီထံသို့ ပြည်ခိုင်ဖြိုးပါတီဝင်များမှလှူဒါန်းငွေ(၂)သိန်း ကျပ်နှင့်ပထမအကြိမ်တိုင်းဒေသကြီးလွှတ်တော်ကိုယ်စားလှယ် ဦးညီညီမှလှူဒါန်းသည့်ဘိလပ်မြေ(၁၅)အိတ်တို့ကို ပေးအပ်လှူဒါန်းခဲ့ပါသည်။ လှူဒါန်းပွဲအပြီးတွင်တက်ရောက်လာသူများအား ၂၀၂၃ ခုနှစ်၊ပြည်ခိုင်ဖြိုးပါတီ ပြက္ခဒိန် များနှင့် ထမင်းဘူးများလက်ဆောင်ပေးခဲ့ကြောင်း သိရှိရသည်။
စဉ့်ကူးမြို့နယ် ပြည်ခိုင်ဖြိုးပါတီမှ ကျေးရွာ ရပ်မိ/ဖများနှင့် တွေ့ဆုံခြင်း
(၁၂.၁.၂၀၂၃)ရက်နေ့ နေ့လည်(၁၂)နာရီမှ (၁း၃၀)နာရီအချိန်ထိ စဉ့်ကူးမြို့နယ် ပြည်ခိုင်ဖြိုးပါတီမှ မြို့နယ် ပါတီဥက္ကဌ ဦးဝင်းဆွေနှင့်မြို့နယ်ပါတီကော်မတီဝင် ဦးမောင်ကျော်တို့သည် ထုံးကြီးကျေးရွာအုပ်စု စားကျက်ကလေး ကျေးရွာသို့ သွားရောက်ခဲ့ပြီး ဒေသခံပါတီဝင်များ ရပ်မိ/ဖများ ပါတီဝန်းရံသူများနှင့်တွေ့ဆုံခဲ့ပါသည်။ တွေ့ဆုံပွဲတွင် မြို့နယ်ပါတီဥက္ကဌ ဦးဝင်းဆွေမှ တက်ရောက်လာသူများအား ၂၀၂၃ရွေးကောက်ပွဲတွင် ကျင့်သုံးမည့် PRစနစ် အကြောင်း ရှင်းလင်းခြင်း။ ယခု ပြည်ခိုင်ဖြိုးပါတီမှ လုပ်ဆောင်နေသည့် လုပ်ငန်းစဉ်များ ရှင်းလင်းခြင်း။ ပါတီဝင်အသစ်များတိုးပွားရေးအတွက် ဝိုင်းဝန်းဆောင်ရွက်ပေးကြပါရန် ပြောကြားခဲ့ကြောင်းသိရှိရပါသည်။
ပဲခူးတိုင်းဒေသကြီး တိုင်းပါတီဥက္ကဌအုတ်တွင်းမြို့နယ်ရှိ မြို့နယ်ပါတီတာဝန်ရှိသူများနှင့်တွေ့ဆုံ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ပြည်ထောင်စုနယ်မြေ ခရိုင်သစ်ဖွင့်ပွဲနှင့် ခရိုင်ပါတီဆိုင်းဘုတ် တင်ပွဲ ကျင်းပ
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ပြည်ထောင်စုနယ်မြေ နေပြည်တော်တွင် ခရိုင်သစ်ဖွင့်ပွဲနှင့် ခရိုင် ဆိုင်းဘုတ် တင်ပွဲ ကျင်းပခဲ့ကြောင်း သိရသည်။ အဆိုပါ ခရိုင်သစ်ဖွင့်ပွဲနှင့် ဆိုင်းဘုတ် တင်ပွဲကို ယနေ့ မနက် ၉ နာရီအချိန်၌ ပုဗ္ဗသီရိမြို့နယ် ပါတီရုံးတွင်လည်းကောင်း၊ နံနက် ၁၀:၃၀ အချိန်တွင် ဥတ္တရသီရိမြို့နယ်ပါတီရုံး၌ လည်းကောင်း ဖွင့်လှစ်ခဲ့သည်။ ဆက်လက်၍ ပြည်ထောင်စုနယ်မြေဥက္ကဌဦးလှဆွေနှင့်အတူ မြို့နယ်အလုပ် အမှု့ဆောင် ကော်မတီဝင်များ၊ ခရိုင်း/တိုင်း ကော်မတီဝင်များ လုပ်ငန်းညှိနိုင်းအစည်းအဝေး ကျင်းပခဲ့ကြသည်။ ၄င်းခရိုင်သစ်ဖွင့်ပွဲနှင့် ဆိုင်းဘုတ်တင်ပွဲသို့ ပြည်ထောင်စုနယ်မြေဥက္ကဌဦးလှဆွေ နှင့်အတူတိုင်းပါတီ နာယကများ ၊ တိုင်းအတွင်းရေးမှုးနှင့် တိုင်းခရိုင်မြို့နယ်ကော်မတီဝင်များ အင်အား ၅၅ ဦးတက်ရောက်ခဲ့ကြောင်းသိရသည်။