ကိုယ့်အားကိုယ်ကိုး တံတားဆောက်လုပ်ရာတွင် အသုံးပြုရန် အတွက်ဘိလပ်မြေအိတ်ဖိုး၂သိန်း လှူဒါန်း

မိုင်းယောင်း မတ် ၈

ရှမ်းပြည်နယ်အရှေ့ပိုင်း၊ မိုင်းယောင်းခရိုင်ပြည်ခိုင်ဖြိုးပါတီ ဥက္ကဌဦးစိုင်း‌အောင်ခမ်းနှင့် မြို့နယ်ပါတီဥက္ကဌ ဦးစိုင်းဆမ်တို့သည် ၀မ်ကောင်းကျေးရွာအုပ်စု၊ ၀မ်ကောင်းရွာသို့ ကွင်းဆင်း၍ ကျေးရွာအုပ်စုပါတီ ကော်မတီ၀င်များ နှင့် ပါတီစည်းရုံးရေးကိစ္စများ၊ ကျေးရွာဖွံ့ဖြိုးရေးလိုအပ်ချက်များဆွေးနွေးခဲ့ကြပါသည်။

ထို့နောက် ၀မ်ကောင်းကျေးရွာ လယ်သမားများ၏ ကိုယ့်အားကိုယ်ကိုး လယ်ယာကုန်ထုတ် လမ်းတံတား တည်ဆောက်နေသည့် နေရာသို့ သွားရောက်ကာ တံတားတည်ဆောက်ရေးအတွက် ဘိလပ်မြေဖိုး (၂၀၀၀၀၀)ကျပ် လှူဒါန်းပေးခဲ့ပါသည်။

ပါတီဝင်စီစစ်ခြင်းကိစ္စများအား ပြည်ထောင်စုနယ်မြေပါတီဥက္ကဌမှ သွားရောက်ကြည့်ရှုအားပေး

မတ်လ ၈ရက်နေ့  ၂၀၂၃

နေပြည်တော် ပြည်ထောင်စုနယ်မြေ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ပါတီဥက္ကဌ ဦးလှဆွေ ပါတီနာယက ဦးဌေးဝင်း ပါတီအတွင်းရေးမှူး ဦးဝင်းဌေး တို့ ပါဝင်သောအဖွဲ့သည် ပါတီဝင်အဟောင်းများ ပြန်လည်စီစစ်ခြင်းနှင့် ပါတီဝင်အသစ်များစုဆောင်းခြင်းလုပ်ငန်းများ အချိန်မှီပြီးဆီးနိုင်ရေးအတွက် ကွင်းဆင်းဆောင်ရွက်ခဲ့ကြကြောင်း သိရှိရပါသည်။ ကွင်းဆင်းခြင်းလုပ်ငန်းများအား နံနက် (၁၀)နာရီမှ ညနေ (၃)နာရီအထိ ဆောင်ရွတ်ခဲ့ပြီး ဒက္ခိဏသီရိမြို့နယ် ဥတ္တရသီရိမြို့နယ် တပ်ကုန်းမြို့နယ်များသို့ ကွင်းဆင်းဆောင်ရွက်ခဲ့ကြကြောင်း သိရပါသည်။

ရှေ့လုပ်ငန်းစဉ်များဆွေးနွေး

ဇီးကုန်း မတ် ၇

ယနေ့  ၇- ၃ – ၂၀၂၃  နေ့နေ့လည်  ၁  နာ ရီအချိန်  ပဲခူးတိုင်းအနောက်  နတ်တလင်းခရိုင်  ဇီးကုန်းမြို့နယ်  ပါတီရုံးတွင် တိုင်းစုံညီမှဆွေးနွေးချက်များ ပါတီ၀င်ကပ်ကိစ္စများနှင့် ရှေ့လုပ်ငန်းစဉ်များ ဆွေးနွေးရာသို့ တိုင်းပါတီကော်မတီ၀င် ဦးသန်းဇော်ထွန်း   နတ်တလင်းခရိုင် အတွင်းရေးမှုးဦးကျော်မင်းထွန်း   မြို့နယ် ဥက္ကဌ ဒေါ်နှင်းအိအိ၀င်း ဘဏ္ဍာရေးမှုးဦး၀င်းကြည် နှင့် မြို့နယ်ကော်မတီ၀င်များတက်ရောက်ကြောင်း သတင်းရရှိပါသည်။

နယ်မြေကွင်းဆင်း၍ စကားဝိုင်းပြုလုပ်

သပိတ်ကျင်း မတ် ၇

၇-၃-၂၀၂၃ ရက်နေ့ ၀၉:၃၀မှ၁၀:၃၀ အချိန်ထိသပိတ်ကျင်းမြို့နယ်၊၇ မိုင်ကျေးရွာအုပ်စု၊၅ မိုင်ကျေးရွာတွင် ခရိုင်/မြို့နယ် ပါတီကော်မတီဝင်များနှင့် ပါတီဝင်များတွေ့ဆုံခဲ့ရာ သပိတ်ကျင်းခရိုင် ဘဏ္ဍာရေးမှုး ဦးကျော်ဇောအောင်၊ ခရိုင်ကော်မတီဝင်ဦးမြင့်အောင်၊ သပိတ်ကျင်းမြို့နယ်ပါတီကော်မတီဝင်များ၊ ပါတီဝင်များ၊ ပါတီဝန်းရံသူများ တက်ရောက်ခဲ့ပြီး လက်ရှိဖြစ်ပေါ်နေသောနိူင်ငံရေးအခြေအနေများ၊ လာမည့်ရွေးကောက်ပွဲတွင် ကျင့်သုံးမည့် PR စနစ်အကြောင်းနှင့် ပြည်ခိုင်ဖြိုးပါတီမှ ဆောင်ရွက်လျက်ရှိသော လုပ်ငန်းစဉ်များအား ရှင်းလင်းဆွေးနွေးခဲ့ကြောင်း သိရှိရသည်။

လုပ်ငန်းညှိနှိုင်းအစည်းအဝေး

ပြည်ကြီးတံခွန် မတ် ၇

၇-၃-၂၀၂၃ ရက်နေ့ ၁၃:၀၀မှ ၁၄:၃၀ အချိန်ထိ ပြည်ကြီးတံခွန်မြို့နယ် ပြည်ခိုင်ဖြိုးပါတီရုံးတွင် လုပ်ငန်းညှိနှိင်း အစည်းအဝေးပြုလုပ်ခဲ့ရာ မဟာအောင်မြေခရိုင်ပါတီ ကော်မတီဝင် ဦးစံရ၊ ပြည်ကြီးတံခွန်မြို့နယ် ပါတီဥက္ကဌဦးစိုးအေး၊ အတွင်းရေးမှုးဦးအောင်မျိုးခိုင်နှင့်ကော်မတီဝင်များ တက်ရောက်ခဲ့ပြီး တိုင်းဒေသကြီးပါတီသို့ ပေးပိုရမည့် ပါတီဝင်များစာရင်း အချိန်မီပြီးစီးအောင်ဝိုင်းဝန်းဆောင်ရွက်ရေး၊ ဒုတိယ(၃)လပတ်၊ရက်(၉၀)စီမံချက်ပါ လုပ်ငန်းစဉ်များ အကောင်အထည်ဖော်ဆောင်ရွက်ရေး၊ လူငယ်များ /အမျိုးသမီးကဏ္ဍလှုပ်ရှားမှုများဆောင်ရွက်ရေး ဆွေးနွေးခဲ့ကြောင်း သိရှိရသည်။

ပါတီဝင်စိစစ်ခြင်းဆောင်ရွက်

မိုးမိတ် မတ် ၇

ရှမ်းမြောက် မိုးမိတ်ခရိုင် မိုးမိတ်မြို့နယ်ရုံးတွင် ပါတီစီစစ်ရေးလုပ်ငန်းများကို လူငယ်များ၏ အကူအညီယူ၍ ဆောင်ရွက်လျက်ရှိပါသည်။


ပါတီဝင်စိစစ်ခြင်းဆောင်ရွက်

ကျောက်မဲ မတ် ၇

ရှမ်းမြောက် ကျောက်မဲမြို့ မြို့နယ်ပြည်ခိုင်ဖြိုးရုံးတွင် ပါတီဥက္ကဋ္ဌဦးလှတင် ဦးဆောင်၍ ကော်မတီဝင်များနှင့် ရုံးအဖွဲ့များ စုပေါင်းကာရက်(၉၀)စီမံကိန်း ရှေ့လုပ်ငန်းစဉ်များအတွက် ဒုတိယအကြိမ်ညှိနှိင်းစည်းဝေးကာ  ပါတီဝင်များ စီစစ်ခြင်းများဆောင်ရွက်ကြပါသည်။


ပါတီဝင်အသစ်များအား ပါတီဝင်အဆိုပြုလွှာများရေးသွင်း

လဲချား  မတ်  ၇

လဲချားမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ မြို့နယ်ဥက္ကဋ္ဌ ဦးစိုင်းဝင်းမော်နှင့် မြို့နယ် ကော်မတီဝင်များသည် ၂၀၂၃ခုနှစ် မတ်လ(၇) ရက်နေ့တွင် နားမန်းအုပ်စု နောင်တောင်းကျေးရွာသို့ ပါတီဝင်အင်အားစီစစ်ခြင်းလုပ်ငန်းများ ဆောင်ရွက်ခြင်းလုပ်ငန်းနှင့်အတူ ပါတီဝင်အသစ်အဖြစ် ဝင်ရောက်လာသော ကျေးရွာသူ/ရွာသား များအား ပါတီဝင်အဆိုပြုလွှာများရေးသွင်းခဲ့ပါသည်။


ပါတီဝင်အင်အား စီစစ်ခြင်း

ရပ်စောက်  မတ် ၇

ရှမ်းပြည်နယ်တောင်ပိုင်း တောင်ကြီးခရိုင် ရပ်စောက်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ မြို့နယ် ပါတီကော်မတီဝင်များသည် ၂၀၂၃ခုနှစ် မတ်လ (၇) ရက်နေ့တွင် မြို့နယ်ပါတီရုံးအစည်းအဝေးခန်းမ၌ ပါတီဝင် အင်အား စီစစ်ခြင်းကို ရုံးဝန်ထမ်းများနှင့်အတူတကွ ပူးပေါင်းဆောင်ရွက်ခဲ့ကြောင်း သိရှိရပါသည်။


ခရိုင်နှင့်မြို့နယ် လုပ်ငန်းညှိနှိုင်းအစည်းအဝေးကျင်းပ

လွိင်လင်  မတ် ၆

လွိင်လင်ခရိုင်ပါတီဥက္ကဋ္ဌ ဦးထွန်းငြိမ်းနှင့် ခရိုင်ပါတီကော်မတီဝင် လွိင်လင်မြို့နယ်တာဝန်ခံ ဦးအေးကြူ၊ လွိင်လင်မြို့နယ်ပါတီဥက္ကဋ္ဌဒေါ်နန်းစံညွန့်တို့သည် ၆.၃.၂၀၂၃ ရက်နေ့တွင် လွိင်လင်ခရိုင်ပါတီရုံး အစည်းအဝေး ခန်းမ၌ နံနက်(၁၀:၀၀)မှ စတင်ပြီး မြို့နယ်ပါတီကော်မတီဝင်များ၊ အရံပါတီကော်မတီဝင်များနှင့် ရပ်ကွက်နှင့် ကျေးရွာအုပ်စုကော်မတီဝင်များစုစုပေါင်း (၂၅)ဦးဖြင့် ပါတီလှုပ်ရှားဆောင်ရွက်မှုများကို ညှိနှိင်းဆွေးနွေးခဲ့ ကြပါသည်။ ဆက်လက်ပြီး (၂၄.၂.၂၀၂၃)ရက်နေ့၌ ကျင်းပခဲ့သော ပြည်နယ်အစည်းအဝေးမှ လမ်းညွှန်ချက်များကို ဆွေးနွေးခဲ့ ကြပြီး အစည်းအဝေးကို နေ့လည်(၁၂:၀၀)နာရီတွင်ရုတ်သိမ်းခဲ့ပါသည်။