ကျုံပျော် ဩဂုတ် ၁၈
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ကျုံပျော်ခရိုင် ဥက္ကဋ္ဌနှင့် ကော်မတီဝင်များ ရွေးချယ်ဖွဲ့စည်းခြင်း အခမ်းအနားနှင့် ဆိုင်းဘုတ်တင်ခြင်းအခမ်းအနားကို(18.8.2022) ရက်နေ့ နံနက် (9:30)နာရီတွင် ကျုံပျော်မြို့နယ် ပါတီရုံးခန်းမ၌ကျင်းပရာ တိုင်းဒေသကြီးပါတီဥက္ကဋ္ဌ ဦးသိန်းထွန်း၊ နယ်မြေတာဝန်ခံတိုင်းပါတီကော်မတီဝင် ဒေါက်တာထိန်ဝင်းနှင့် တိုင်းပါတီကော်မတီဝင် ဦးအောင်မြင့်သိန်းတို့ တက်ရောက်ခဲ့ကြောင်း သိရှိရပါသည်။
သိန်းနီ ဩဂုတ် ၁၈
သိန်းနီမြို့နယ် ပြည်ခိုင်ဖြိုးပါတီ ကော်မတီဝင်များ၊ အရံကော်မတီဝင်များ၊ ရပ်ကျေးစည်းရုံးရေးမှူးများ လစဉ် တွေ့ဆုံဆွေးနွေးပွဲကို သိန်းနီမြို့နယ် ပြည်ခိုင်ဖြိုးပါတီရုံးအစည်းအဝေးခန်းမ၌ ပြုလုပ်ကျင်းပခဲ့ပါသည်။
ယင်းအစည်းအဝေးသို့ ရှမ်းပြည်နယ် မြောက်ပိုင်း ပြည်ခိုင်ဖြိုးပါတီ အတွင်းရေးမှူး ဒေါက်တာလဆိုင်း၊ ဘဏ္ဍာရေးမှူး ဦးစိုင်ခမ်းကော်၊ လားရှိုးခရိုင် ပြည်ခိုင်ဖြိုးပါတီ ဥက္ကဌ ဦးတန်ဂွန်း၊ အတွင်းရေးမှူး ဦးသန်းစိုး၊ ဘဏ္ဍာရေးမှူး ဦးခင်အောင်ဆွေ တို့ တက်ရောက်ခဲ့ပြီး ပါတီစည်းရုံးရေးလုပ်ငန်းများ၊ ဘဏ္ဍာရေးဆိုင်ရာ၊ ဝန်ထမ်းရေးရာဆိုင်ရာ ကိစ္စရပ်များ၊ ကဏ္ဍကြီးရေးရာများအလိုက် မြို့နယ်ပါတီ တာဝန်ခံများ၏ တင်ပြချက်များအား ပေါင်းစပ်ညှိနိုင်းဆွေးနွေးခဲ့ပါသည်။
မန္တလေး၊ ဩဂုတ် ၁၆
မန္တလေးတိုင်းဒေသကြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ပါတီဝင်များတွေ့ဆုံပွဲကို ဩဂုတ်လ (၁၆) ရက်နေ့ နံနက် ၉ နာရီအချိန်တွင် မန္တလေးတိုင်းဒေသကြီး ပြည်ခိုင်ဖြိုးပါတီရုံးရှိ ပါတီခန်းမတွင် နိုင်ငံတော်အလံအလေးပြုခြင်း၊ နိုင်ငံတော်သီချင်းသီဆိုခြင်းနှင့် အကြမ်းဖက်သမားများ၏ လုပ်ကြံမှုများကြောင့် အသက်ဆုံးရှုံးခဲ့ရသော ပါတီဝင်များနှင့် မိသားစုဝင်များအား အောက်မေ့သတိရသည့်အနေဖြင့်၂ မိနစ် ငြိမ်သက်ခြင်းများဖြင့် အခမ်းအနားအားစတင်ခဲ့ပါသည်။
ရန်ကုန်။ ။ သြဂုတ် ၁၅
ရန်ကုန်တိုင်းဒေသကြီး၊ အရှေ့ပိုင်းခရိုင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ အခြေခံရုံးလုပ်ငန်း/ကွန်ပျူတာ သင်တန်းနှင့် စက်ချုပ်သင်တန်းများ ဖွင့်လှစ်သင်ကြားပေးရာသို့ ပြည်ခိုင်ဖြိုးပါတီ ဗဟိုကော်မတီဝင်များ ဖြစ်ကြသော ရန်ကုန်တိုင်း ပြည်ခိုင်ဖြိုးပါတီ အမျိုးသမီးရေးရာ တာဝန်ခံ ဒေါ် စန်းစန်းဝင်း၊ လူငယ်ရေးရာ နှင့် စီမံရေးရာတာဝန်ခံ ဒေါ်သင်းသင်းမိုး၊ လူငယ်ရေးရာနှင့် ပညာရေးရာ တာဝန်ခံ ဒေါ်အေးအေးမြင့်တို့မှ လှည့်လည်ကြည့်ရှု ၍ သင်တန်းတက်ရောက်ကြသော မြို့နယ် အသီးသီးမှလူငယ်နှင့်အမျိုးသမီးပါတီဝင်များကို အားပေးစကား ပြောကြားခဲ့ကြပါသည်။
ကျိုင်းတုံ ဩဂုတ် ၁၄
ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ် ပြည်ခိုင်ဖြိုးပါတီမှ ရေကြီးရေလျှံဖြစ်နေသော ရပ်ကွက်များသို့ သွားရောက်၍ ထမင်းဗူးများ၊ သောက်ရေသန့်ဗူးများနှင့် စားသောက်ဖွယ်ရာများ သွားရောက်လှူဒါန်းခဲ့ပါသည်။
မိုးညှင်း ဩဂုတ် ၁၄
ကချင်ပြည်နယ် မိုးညှင်းမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ခရိုင်အစည်းအဝေးခန်းမတွင် ၂၀၂၂ခုနှစ်တက္ကသိုလ်ဝင် စာမေးပွဲ၌ ထူးချွန်စွာအောင်မြင်ခဲ့သည့် ကျောင်းသား/သူများအား ဂုဏ်ပြုချီးမြှင့်ခြင်း အခမ်းအနားကို ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ယနေ့ နံနက် ၁၀ နာရီအချိန်တွင် ကျင်းပ ပြုလုပ်ပေးခဲ့သည်။
မင်းဘူး သြဂုတ် ၁၄
မကွေးတိုင်း၊ မင်းဘူးခရိုင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ လုပ်ငန်းညှိနှိုင်းအစည်းအဝေးကို ခရိုင်ရုံးအစည်းအဝေးခန်းမ၌ ကျင်းပခဲ့ပါသည်။
ရန်ကုန်၊ သြဂုတ် ၁၄
ရန်ကုန်တိုင်းဒေသကြီး၊ အရှေ့ပိုင်းခရိုင်ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ အခြေခံရုံးလုပ်ငန်း ကွန်ပျူတာ သင်တန်းနှင့် စက်ချုပ်သင်တန်းဖွင့်ပွဲအခမ်းအနားကို ယနေ့ (၁၄.၈.၂၀၂၂) တနင်္ဂနွေနေ့ တွင် မင်္ဂလာတောင်ညွန့် မြို့နယ်ပါတီရုံးခန်းမတွင် ကျင်းပခဲ့ပါသည်။
