မြန်မာနိုင်ငံသို့ ပြည်ဝင်ခွင့်ဗီဇာနှင့်ပတ်သက်၍ ဖြေလျှော့မှုများ နှစ်ပတ်အတွင်း အတည်ပြုထုတ်ပြန်နိုင်မည်ဟု အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အား ၀န်ကြီးဌာန၊ အမြဲတမ်းအတွင်းဝန်ဦးမြင့်ကြိုင် က ပြောသည်။
အစိုးရသစ်လက်ထက်တွင် ဗီဇာကြေးပြင်ဆင်သတ်မှတ်ခြင်း၊ နေခွင့်ကာလတိုးမြှင့်ခြင်း၊ ဗီဇာလျှောက်ထားရာတွင် လိုအပ်သည့် သတ်မှတ်ချက်များ ဖြေလျှော့ခြင်း များပြုလုပ်နိုင်ရန် ဗဟိုအဆင့်သို့ တင်ပြထားပြီးဖြစ်ကာ အတည်ပြု ဆုံးဖြတ်ရန် အဆင့်သာ ကျန်တော့ကြောင်း ၎င်းက ပြောကြားသည်။
တိုင်းရင်းသား စည်းလုံးညီညွတ်ရေးပါတီ (တစည) ပါတီအနေနှင့် လာမည့် ကြားဖြတ်ရွေးကောက်ပွဲ ဝင်ရောက်ယှဉ်ပြိုင်မပြိုင်ကို ဆုံးဖြတ်ထားရခြင်း မရှိသေး ကြောင်း တစည ပါတီဗဟိုကော်မတီဝင် ဦးအောင်သိန်းက ပါတီ၏ တည်ထောင်ခြင်း ၂၈ နှစ်မြောက် အခမ်းအနားတွင် ပြောကြားသည်။
လက်ရှိအခြေအနေအရ ပါတီတွင်း အောက်ခြေအဖွဲ့အစည်းများ ခိုင်မာရေးကို လုပ်ဆောင်နေပြီး ကြားဖြတ် ရွေးကောက်ပွဲထက် ၂ဝ၂ဝ ပြည့်နှစ် ရွေးကောက်ပွဲတွင် အခြေအနေ ကောင်းမွန်ရေးကို ပိုမိုအာရုံစိုက်သွားမည် ဖြစ်ကြောင်း ၎င်းက ဆိုသည်။
ကမ္ဘာ့ရေနံစိမ်းဈေးနှင့် နိုင်ငံတကာငွေလဲဈေးမြင့်တက် လာခြင်းကြောင့် ပြည်တွင်းစက် သုံးဆီဈေးမှာ ရက်ပိုင်း အတွင်း တစ်ကျော့ပြန် မြင့်တက်လာကြောင်း သတင်းရရှိသည်။
ကမ္ဘာ့ရေနံစိမ်း ဈေးမှာ စက်တင်ဘာကစ၍ တဖြည်းဖြည်းတက်လာရာ တစ်စည်လျှင် ၅၄ ဒေါ်လာသို့ ရောက်ရှိ လာခဲ့၍ ဒေါ်လာ ၅၀ အောက်တွင် တစ်နှစ်ကျော်ကြာ ရှိနေရာမှ ပြန်လည်မြင့်တက်လာခြင်းဖြစ်သည်။
ဆူးလေစကွဲ (Sule Square) အထပ်မြင့် အဆောက်အအုံစီမံကိန်းသည် မူလ အဆောက်အအုံဒီဇိုင်းကို ပြင်ဆင် ဆောက်လုပ်မှုကြောင့် ဒဏ်ကြေး ကျပ် နှစ်ဘီလီယံ ကျော်ပေးဆောင် ရမည်ဖြစ်ကြောင်း သတင်းရရှိ သည်။
ဆူးလေရှန်ဂရီလာဟိုတယ် နှင့်ကပ်လျက်တည်ဆောက်သော အဆိုပါစီမံကိန်းသည် ၂၃ ထပ်မြင့်သည့် အဆောက် အအုံဖြစ်ပြီး အစိုးရသစ်လက်ထက်တွင် ပထမဆုံး အရေးယူသည့် ဆောက်လုပ်ရေးလုပ်ငန်းဖြစ်ကာ မူလခွင့်ပြုထား သည့်စီမံကိန်းထက် အထပ်ပိုဆောက်ခဲ့၍ ယခုကဲ့သို့ ပြစ်ဒဏ်ပေးခြင်းဖြစ်ကြောင်း ရန်ကုန်မြို့တော် စည်ပင် သာယာရေးကော်မတီမှ အဆောက်အအုံဌာန ဌာနမှူး ဦးသန်းဌေးက ပြောသည်။
စစ်ကိုင်းပြတ်ရွေ့၏ အနောက်ဘက် ၃၅ ကီလိုမီတာ အကွာတွင် တည်ရှိနေသည့် ရန်ကုန်မြို့တော် အပါအဝင် မြို့ကြီးအချို့မှာ အင်အားပြင်း မြေငလျင်လှုပ်ခတ်မည့် အန္တရာယ်ရှိနေပြီး ငလျင်လှုပ်ခတ်ခဲ့ပါက အပျက်အစီး အဆုံးအရှုံး များနိုင်ကြောင်း မြေငလျင်ကျွမ်းကျင်ပညာရှင်များက ပြောကြားသည်။
ကုလသမဂ္ဂ ပညာရေးသိပ္ပံနှင့် ယဉ်ကျေးမှုအဖွဲ့ (ယူနက်စကို) က စစ်ဆေးမှုများပြုလုပ်ထားသော ငလျင်ဒဏ်သင့် ရှေးဟောင်းပုဂံမြို့ရှိ စေတီပုထိုးများ၏ အစီရင်ခံစာကို စက်တင်ဘာလကုန်တွင် အစိုးရထံတင်ပြမည်ဖြစ်ကြောင်း ယူနက်စကို၏ ယဉ်ကျေးမှုဌာနအစီအစဉ် ညှိနှိုင်းရေးမှူး ဒေါ်ဥမ္မာမျိုးက ပြောသည်။
‘‘ယူနက်စကိုက စစ်ဆေးထားတဲ့ အစီရင်ခံစာကို ဒီလကုန်ပိုင်းလောက် နောက်တစ်ပတ်လောက်မှာ အစိုးရကို တင်ပြမှာဖြစ်တယ်။ ပြည်ထောင်စုဝန်ကြီး (သာသနာရေးနှင့်ယဉ်ကျေးမှုဝန်ကြီး)ထံ တင်ပြမှာပေါ့’’ ဟု ဒေါ်ဥမ္မာမျိုး က 7Day Daily သတင်းစာအားပြောသည်။
´
မွန်ပြည်နယ် ကျိုက်ထိုမြို့ နယ် ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ မြို့နယ်ပါတီကော်မတီ အစည်းအဝေးကို ၂၀၁၆ခုနှစ် စက်တင်ဘာလ ၂၆ရက်နေ့ နံနက် ၁၀နာရီအချိန်တွင် ကျိုက်ထိုပြည်ခိုင်ဖြိုးရုံး အစည်းအဝေးခန်းမတွင်ကျင်းပရာ မြို့နယ်ပါတီဥက္ကဌနှင့် မြို့နယ်ပါတီကော်မတီဝင်များ တက်ရောက်ကြပြီး မြို့နယ်ပါတီလုပ်ငန်းစဉ်များဆွေးနွေးခြင်း၊ ရေးရာကော်မတီကိစ္စရပ်များအားဆွေးနွေးကြကြောင်းသိရှိရပါသည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မွန်ပြည်နယ်
မြစ်ကြီးနားမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါကော်မတီနှင့် ရပ်ကွက်/ကျေးရွာ ပါတီကော်မတီဝင်များ၊ ရှေ့ဆောင်စွမ်းအား လူမှုရေး အဖွဲ့ဝင်များ လစဉ်ပုံမှန်အစည်းအဝေးကို စက်တင်ဘာလ (၂၃) ရက် နေ့လည်(၁) နာရီတွင် မြို့နယ်ပါတီရုံးအစည်းအဝေးခန်းမ၌ ကျင်းပပြုလုပ်ခဲ့ကြောင်း သိရသည်။
တနင်္သာရီတိုင်ဒေသကြီး ၊ မြိတ်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၊ မြိတ်တောင်နယ်ရပ်ကွက် ပြည်ခိုင်ဖြိုးနာရေးကူညီမှုအသင်း နှစ်ပတ်လည်နေ့ အခမ်းအနားကို စင်တင်ဘာလ ၂၅ရက် နေ့လည် ၁း၃၀ အချိန်တွင် မြိတ်တောင်နယ်မြေ၊ ဘုရားကိုင် ကျောင်းတိုက် ဓမ္မာရုံ၌ကျင်းပခဲ့သည်။
အခမ်းနားတွင် မြိတ်တောင်ရပ်ကွက် ပြည်ခိုင်ဖြိုးပါတီ နာရေးအသင်း၏ နာယက ၊မြိတ်ခရိုင် ပြည်ခိုင်ဖြိုးပါတီ ဥက္ကဌ ဦးဝင်းဆွေ နှင့် မြိတ်မြို့နယ်ပါတီ ဥက္ကဌ ဦးမိုးမြင့်က အသင်းကြီး ရေရှည် တည်တံ့ခိုင်မြဲစွာ ဆက်လက်ရပ်တည် ဆောင်ရွက်နိုင်ရန်ကိစ္စရပ်များနှင့် စပ်လျဉ်း၍ အဖွင့်အမှာစကား ပြောကြားပေးခဲ့သည်။
ရှမ်းပြည်နယ်(အရှေ့ပိုင်း) ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီမှ ပြည်နယ်ပါတီ အတွင်းရေးမှူး ဦးစိုင်းကျော်လှ ဦးဆောင်ပြီး ပြည်နယ်ပါတီ ကော်မတီဝင် ဦးရှာမွေလရှဲန်၊ ဦးစိုင်းဟွမ်နွဲ့၊ ဦးစိုင်းတွီ၊ ပြည်နယ်ဘဏ္ဍာရေးမှူး ဒေါ်နန်းနော် တို့သည် ကျိုင်းတုံခရိုင်ပါတီဥက္ကဌ ဦးစိုင်းတစ်ပ်၊ မြို့နယ်ပါတီ ဥက္ကဌ ဦးအောင်ထန်း၊ မြို့နယ်ပါတီအတွင်းရေးမှူး ဦးစိုင်းဆမ် တို့နှင့်အတူ ကျိုင်းတုံမြို့နယ် ပင်းတောက်ကျေးရွာ မူလတန်းကျောင်းနှင့် အလယ်တန်း ကျောင်းဆောင်သစ်များ ဆောက်လုပ်ရာတွင် လိုအပ်လျှက်ရှိသော ဘိလပ်မြေ (၅၀)အိတ်၊ ၇ ပေသွပ် (၆၀)ချပ်၊ ခေါင်အုပ်သွပ်(၁၆)ချပ်၊ သွပ်ရိုက်သံ (၁၀)ဘူး ကာလတန်ဘိုး ကျပ်(၄)သိန်း (၈)သောင်းတန် ပစ္စည်းများကို (အမက)ကျောင်း အတွက်လည်းကောင်း၊ (အလက)ကျောင်း ဆောက်လုပ်ရန် အတွက် တန်ဘိုးငွေ ကျပ် (၂)သိန်း၊ (၇)သောင်း (၅)ထောင်ရှိ ဘိလပ်မြေ (၅၀)အိတ် စုစုပေါင်း တန်ဘိုးငွေ ကျပ် (၇)သိန်း (၅)သောင်း(၅)ထောင်ရှိ ပစ္စည်းများအား စက်တင်ဘာလ (၂၃) ရက်နေ့က ပညာရေးအထောက်အကူပြု ကွင်းဆင်း လှူဒါန်းခြင်းများ ပြုလုပ်ခဲ့ကြောင်းသတင်းရရှိသည်။
