၂၀၂၀ မတ်လမှ စတင်ကာ ကိုဗစ်ကြောင့် မြန်မာ-အိန္ဒိယ နယ်စပ်ကုန်သွယ်ရေးဂိတ်များ ပိတ်ထားသော်လည်း ကုန်သွယ်မှုလုပ်ငန်းများ ပုံမှန်အတိုင်း လည်ပတ်နေကြောင်း ကလေး-တမူးနယ်စပ်ကုန်သွယ်ရေးကုန်သည်များ အသင်းမှ သိရသည်။
“အိန္ဒိယဘက်ကတော့ ခုချိန်ထိ ပိတ်ထားတုန်း။ လက်ရှိကုန်သွယ်မှုကတော့ ရှိပါတယ်။ ကွမ်းသီး အစရှိတဲ့ကုန်တွေကိုတော့ ပို့နေကြတာပဲ”ဟု ကလေး-တမူးနယ်စပ်ကုန်သွယ်ရေးကုန်သည်များ အသင်းမှ ဥက္ကဋ္ဌ ဦးလှမောင်က ပြောသည်။
ပဲခူးတိုင်းဒေသကြီး ညောင်လေးပင်မြို့တွင် ဖေဖော်ဝါရီ ၁၃ ရက် နေ့လယ်ပိုင်းက ညောင်လေးပင်ဘူတာရုံစင်္ကြန်၌ ဗုံးပေါက်ကွဲမှုဖြစ်ပွားခဲ့ပြီး ဗုံးပေါက်ကွဲမှုကြောင့် အရပ်သားသုံးဦး သေဆုံးကာ အရပ်သား ကိုးဦးခန့် ထိခိုက်ဒဏ်ရာရရှိသွားခဲ့ကြောင်း သိရသည်။
မြန်မာနိုင်ငံမှဝရိန်ကျွမ်းကျင်လုပ်သား ၅၀၀ ဦးကို ကိုရီးယားနိုင်ငံသို့တရားဝင်စေလွှတ်ခွင့်ရမည်ဖြစ်ကြောင်း ရန်ကုန်မြို့ရှိပြည်ပအလုပ်အကိုင်ရှာဖွေရေး ပုဂ္ဂလိကအေဂျင်စီတစ်ခုထံမှသိရသည်။
အဆိုပါမြန်မာလုပ်သား ၅၀၀ ဦးကို ပြည်တွင်းရှိပုဂ္ဂလိကအေဂျင်စီလေးခုက လုပ်သားစုဆောင်း၍ ကိုရီးယားနိုင်ငံ သင်္ဘောကျင်းလုပ်ငန်းတွင်လုပ်ကိုင်ရန် တရားဝင်စေလွှတ်သွားမည်ဖြစ်ကြောင်း ယင်းပုဂ္ဂလိကအေဂျင်စီမှ တာဝန်ရှိသူတစ်ဦးကပြောသည်။
“ဟုတ်ပါတယ်။ ဝရိန်ကျွမ်းကျင်နဲ့ခေါ်တာပါ။ လောလောဆယ်တော့ လုပ်သားစုဆောင်းနေတုန်းပါပဲ” ဟု အဆိုပါပုဂ္ဂလိကအေဂျင်စီတစ်ခုမှ တာဝန်ရှိသူတစ်ဦးကပြောသည်။
(၇၆)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသောအားဖြင့် မန္တလေးတိုင်းဒေသကြီး၊ ပြင်ဦးလွင်မြို့ရှိ ပွဲကောက်ရေတံခွန်အပန်းဖြေစခန်း (BE.FALLS) တွင် Sky Cable Car စတင်ဖွင့်လှစ်ပြေးဆွဲနေပြီဖြစ်ကြောင်း သိရသည်။
ပြင်ဦးလွင်-လားရှိုး ကားလမ်းမကြီးအနီးရှိ ပွဲကောက်ရေတံခွန်အပန်းဖြေစခန်း (BE.FALLS) အား နိုင်ငံတကာအဆင့်မီ အပန်းဖြေစခန်းတစ်ခုအဖြစ် အဆင့်မြှင့်တင်ခြင်းလုပ်ငန်းများကို ဆောင်ရွက်ခဲ့ကာ ၂၀၂၁ ခုနှစ်၊ ဒီဇင်ဘာလကစတင်ဖွင့်လှစ်ခဲ့ခြင်းဖြစ်ပြီး ယခုအခါ ပွဲကောက်ရေတံခွန်အပန်းဖြေစခန်းတွင် ပတ်ဝန်းကျင် ရှုခင်းများကို အမြင့်မှကြည့်ရှုနိုင်ပြီး ရင်ခုန်စိတ်လှုပ်ရှားဖွယ် စီးနင်းနိုင်မည့် Sky cable Car ပြေးဆွဲခြင်းကို စတင်ဖွင့်လှစ်လိုက်ပြီဖြစ်သည်။
စစ်ကိုင်းတိုင်း၊ကလေးဝမြို့အား ဗဟိုပြု၍ အင်အားအနည်းငယ်ရှိ မြေငလျင်တစ်ခု ဖေဖော်ဝါရီ ၁၃ ရက်(ယနေ့) နံနက်အစောပိုင်းက လှုပ်ခတ်ခဲ့သည်ဟု မြန်မာနိုင်ငံ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။
နစက ဥက္ကဋ္ဌ၊ဗိုလ်ချုပ်မှူးကြီးမင်းအောင်လှိုင်နှင့်ဇနီးတို့မှ ဖေဖော်ဝါရီ ၁၂ ရက်တွင် ကျရောက်သည့် (၇၆)နှစ်မြောက် ပြည်ထောင်စုနေ့အထိမ်းအမှတ်အဖြစ် ဂုဏ်ပြုညစာစားပွဲအား ညနေ ၆ နာရီက နေပြည်တော်ရှိ မြို့တော်ခန်းမ ဥပစာရင်ပြင်၌တည်ခင်းဧည့်ခံခဲ့သည်။
နစက ဥက္ကဋ္ဌမှ ဂုဏ်ပြုညစာစားပွဲသို့တက်ရောက်လာသည့် တိုင်းနှင့်ပြည်နယ်များမှ တိုင်းရင်းသားရိုးရာ ယဉ်ကျေးမှုအဖွဲ့ဝင်များ၊ နိုင်ငံရေးပါတီများမှဥက္ကဋ္ဌများနှင့်ကိုယ်စားလှယ်များ၊ NCA စာချုပ်လက်မှတ် ရေးထိုးထားသည့် တိုင်းရင်းသားလက်နက်ကိုင်အဖွဲ့အစည်းများမှ ခေါင်းဆောင်များနှင့်ကိုယ်စားလှယ်များ၊ တိုင်းနှင့် ပြည်နယ်များမှ တိုင်းရင်းသားလူမျိုးရေးရာဝန်ကြီးများ၊ ဒု-ဝန်ကြီးများ၊ ကာကွယ်ရေး ဦးစီးချုပ်ရုံးမှ အရာရှိကြီးများ၊ ပြည်ထောင်စုအဆင့်ပုဂ္ဂိုလ်များနှင့် နစက အဖွဲ့ဝင်များအားနှုတ် ဆက်ခဲ့သည်။
လက်ရှိဘဏ္ဍာရေးနှစ်ဖြစ်သည့် ၂၀၂၂ ခုနှစ် ဧပြီလ ၁ ရက်နေ့မှ ၂၀၂၃ ခုနှစ် ဇန်နဝါရီလကုန်အထိ တွင်းထွက်သယံဇာတင်ပို့မှုမှ အမေရိကန်ဒေါ်လာ ၂၃၅ ဒသမ ၄၇၇ သန်း ရရှိခဲ့ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ သိရသည်။
တောင်ကိုရီးယားနိုင်ငံသို့ EPS စနစ်ဖြင့် မြန်မာလုပ်သား ၅၁ ဦးကို ဖေဖော်ဝါရီလ ၉ ရက်တွင် စေလွှတ်ခဲ့ကြောင်း ဆိုလ်းမြို့၊မြန်မာသံရုံးမှ ထုတ်ပြန်ထားသည်။
တောင်ကိုရီးယားနိုင်ငံတွင် အလုပ်လုပ်ကိုင်ရန် အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် Re-entry ကုန်ထုတ်လုပ်သား ၄၁ ဦး၊ Re-entry စိုက်ပျိုး၊မွေးမြူရေး လုပ်သားသစ် ၁၀ ဦး၊ စေလွှတ်ခဲ့ခြင်းဖြစ်သည်။
ရှမ်းပြည်နယ်(တောင်ပိုင်း)၊မိုးဗြဲမြို့နယ်နှင့်ဖယ်ခုံမြို့နယ်ကြားရှိ တာဝါတိုင် ၂ တိုင် ဖေဖော်ဝါရီ ၈ ရက်က ထပ်မံဖောက်ခွဲဖျက်ဆီးခံခဲ့ရ၍ ပြိုလဲပျက်စီးသွားခဲ့သည်ဟု လျှပ်စစ်စွမ်းအားဝန်ကြီး ဌာနမှ ထုတ်ပြန်ခဲ့သည်။
ဘီလူးချောင်းရေအားလျှပ်စစ်ဓာတ်အားပေး စက် ရုံများမှထွက်ရှိသည့် လျှပ်စစ်ဓာတ်အားကို နိုင်ငံ တော်ဓာတ်အားစနစ်သို့ ပို့လွှတ်ပေးလျက်ရှိသည့် ၁၃၂ ကေဗွီ ဘီလူးချောင်း(၂)-တီကျစ်ဓာတ်အားလိုင်း၏ တာဝါတိုင် ၂ တိုင်ထပ်မံဖောက်ခွဲဖျက် ဆီးခံခဲ့ရခြင်းသည်။
မြန်မာ-တရုတ်နယ်စပ် ကျယ်ဂေါင်-မန်ဝိန်းဂိတ်ကို ဇန်နဝါရီ ၁၄ ရက်က နှစ် နိုင်ငံစလုံး ဖွင့်လှစ်ခဲ့ကြောင်း နယ်စပ်ကုန်သည်များထံမှ သိရသည်။ တရုတ်-မြန်မာနယ်စပ် ရွှေလီနယ်စပ် ဂိတ် တရုတ်ဘက်က စတင်ဖွင့်လှစ်ထား ကြောင်း မြန်မာနိုင်ငံဆိုင်ရာ တရုတ်သံရုံးက ထုတ်ပြန်ခဲ့သည်။ ဇန်နဝါရီ ၈ ရက်မှစ၍ တရုတ်နိုင်ငံတွင် ကိုဗစ်-၁၉ ရောဂါကူးစက်မှုအတွက် “B အဆင့်ကူးစက်မှုရောဂါကို အဆင့် စီမံထိန်း ချုပ်မှု”အကောင်အထည်ဖော်ဆောင်ပြီး ပြည်ဝင်လာသူများနှင့်ကုန်ပစ္စည်းများ စသည် တို့အပေါ် ကူးစက်ရောဂါစစ်ဆေးရေး စီမံ ခန့် ခွဲ မှုအစီအမံများ မကျင့်သုံးတော့ ကြောင်း၊ ထိုနေ့တွင် ယူနန်ပြည်နယ် တရုတ် -မြန်မာ နယ်စပ်ရွှေလီနယ်စပ်ဂိတ်၊ တရုတ် -ဗီယက် နမ်နယ်စပ် ဟိုခိုနန်ရှီးမြစ်နယ်စပ်ဂိတ်၊ တရုတ်-လာအိုနယ်စပ် မိုဟန်နယ်စပ်ဂိတ် တို့ ၌ ဂိတ်ဖြတ်သန်းသွားလာရေး လုပ်ငန်း များ ပြန်လည်စတင်ခဲ့သည်ဟု ထုတ်ပြန်ချက် တွင် ဖော်ပြထားသည်။ ရွှေလီနယ်စပ်ဂိတ်တွင် ဂိတ်ဖြတ်သန်း သွားလာမှုများ ပြန်လည်စတင်ပြီးနောက် ပြည်ဝင်သူများသည် ကျန်းမာရေးကုတ် လျှောက်ထားရယူရန်မလိုတော့ဘဲ ၄၈ နာ ရီအတွင်း စစ်ဆေးထားသော COVID-19 ရောဂါမရှိကြောင်း စစ်ဆေးမှုအစီရင်ခံစာကို သာ လိုအပ်တော့ ကြောင်း၊ ပြည်ဝင်လာသည့် ကုန်တင်ကားများသည် ယာဉ်မောင်းနှင့် ယာဉ်၏အချက်အလက်ကို အကောက်ခွန် ဌာနထံ ကြိုတင်အကြောင်းကြားပြီး ပြည် ဝင်နိုင်ကြောင်း ထုတ်ပြန်ချက်တွင် ဖော်ပြ ထားသည်။ တရုတ်-မြန်မာ နယ်စပ်ဂိတ်လမ်း ကြောင်းများဖြစ်သည့် ရွှေလီနယ်စပ်ဂိတ် ကျယ်ဂေါင်နန်းတော်ဂိတ်၊ ကုန်ပစ္စည်းစခန်း၊ တရုတ်-မြန်မာစျေး စသည့် လမ်းကြောင်း သုံးခု၌ လူ၊ ကုန်ပစ္စည်းများ ဖြတ်သန်းသွား လာမှု ဇန်နဝါရီ ၈ ရက်မှစ၍ ပြန်လည်ဖွင့် လှစ်ခဲ့ကြောင်း သိရသည်။
