နိုင်ဂျီးရီးယားနိုင်ငံသားငါးဦးနှင့် မြန်မာနိုင်ငံသားခြောက်ဦးတို့ကို KBZ ဘဏ်အကောင့်ထဲမှ ငွေကျပ်သိန်းပေါင်း ၁၃၉၀ ခန့် လိမ်လည်ထုတ်ယူမှုဖြင့်ဖမ်းဆီးမိကြောင်း နစက က ထုတ်ပြန်ထားသည်။
ရန်ကုန်တိုင်း၊ သင်္ဃန်းကျွန်းမြို့နယ်တွင်နေထိုင်သည့် အမျိုးသမီးတစ်ဦး၏ KBZ ဘဏ်အကောင့်အတွင်းမှ ငွေကျပ် ၁၀၂၀ သိန်းနှင့် ကမာရွတ်မြို့နယ်တွင်နေထိုင်သူအမျိုးသမီးတစ်ဦး၏ KBZ ဘဏ်အကောင့်အတွင်းမှ ငွေကျပ် ၃၇၀ သိန်းကို အွန်လိုင်းအသုံးပြု၍ လိမ်လည်ခဲ့သည့်အတွက် သင်္ဃန်းကျွန်းမြို့နယ်နှင့် မရမ်းကုန်းမြို့နယ်ရဲစခန်း၌ အမှုဖွင့်တိုင်ကြားခဲ့ခြင်းဖြစ်ကြောင်း အဆိုပါထုတ်ပြန်ချက်အရသိရသည်။
