နမ်းနိန်းရွာ ဖြစ်စဉ်နှင့် ပတ်သက်၍ ပအိုဝ်းဒေသခံ သောင်းနှင့်ချီကာ တောင်ကြီးတွင် ကန့်ကွက်ရှုတ်ချပွဲပြုလုပ်

ရှမ်းပြည်နယ်တောင်ပိုင်း ၊ ပင်လောင်းမြို့နယ် ၊ နမ်းနိန်းရွာတွင် ဖြစ်ပွားခဲ့သည့် ဒေသခံအရပ်သား (၂၀) ကျော် သတ်ဖြတ်ခံရမှုနှင့် ပတ်သက်၍ ပအိုဝ်းဒေသခံများက တောင်ကြီးမြို့၊ ပအိုဝ်းအမျိုးသား ဘက်စုံဖွံ့ဖြိုးတိုးတက်ရေး (ဒဲဥ်သီးဗွေ)ကွင်းတွင် မတ်လ (၁၅) ရက် နေ့လယ်ပိုင်းက ကန့်ကွက်ရှုတ်ချပွဲ ကျင်းပခဲ့ကြောင်း သိရသ ည်။

မှတ်ပုံပြန်မတင်သည့်ဆင်းကတ်များ အထွက်ပိတ်မည်

အချက်အလက်မမှန်တဲ့ နိုင်ငံသားစိစစ်ရေးကတ်တွေနဲ့ မှတ်ပုံတင်ထားတဲ့ ဆင်းကတ်သုံးစွဲသူတွေကို ရက် ၃၀ အတွင်း အသိပေးစာတို SMS ပေးပို့သွားမှာဖြစ်ပြီး အဲဒီအသိပေးစာတိုလက်ခံရရှိပြီး ရက်ပေါင်း ၃၀ အတွင်း မှတ်ပုံပြန်မတင်တဲ့ ဆင်းကတ်တွေကို အထွက်ခေါ်ဆိုမှု၊ အထွက်စာတိုပေးပို့မှုနဲ့ ဒေတာသုံးစွဲမှုတွေ ပိတ်ပင် သွားမှာဖြစ်တယ်လို့ ဆက်သွယ်ရေးညွှန်ကြားမှုဦးစီးဌာနက မတ် ၁၃ ရက်မှာထုတ်ပြန်ပါတယ်။

ဒလတံတားစီမံကိန်းဧရိယာအတွင်း သံမဏိယက်မများတပ်ဆင်နိုင်ရန် ကမ်းနားလမ်းသစ်အား ခြောက်ရက်ကြာ ပိတ်မည်

မြန်မာ-ကိုရီးယားချစ်ကြည်ရေး ဒလတံတားတည်ဆောက်ရေး စီမံကိန်းဧရိယာအတွင်း သံမဏိယက်မများ တပ်ဆင်ရမည်ဖြစ်သောကြောင့် ကမ်းနားလမ်းသစ်၊ ပန်းဆိုးတန်းလမ်းထိပ်နှင့် အလုံမြို့နယ်၊ စံပယ်လမ်းထိပ်ကြား အပိုင်းများကို ခြောက်ရက်ကြာ ယာယီပိတ်ထားမည်ဖြစ်ကြောင်း မြန်မာ့ဆိပ်ကမ်းအာဏာပိုင်က အသိပေးကြေညာ ထားသည်။

ထိုင်းသို့ အလည်အပတ်ဗီဇာဖြင့်လာသူများ ဘဏ်စာရင်းဖွင့်ခြင်းကို Bangkok Bank က ယာယီရပ်ဆိုင်းကြောင်း ကြေညာခဲ့သော်လည်း အထောက်အထားခိုင်လုံပါက သံရုံးထောက်ခံချက်ဖြင့် ဆက်လုပ်ပေးမည်ဖြစ်ကြောင်း မြန်မာသံရုံး ထုတ်ပြန်

ထိုင်းနိုင်ငံသို့ အလည်အပတ်ဗီဇာဖြင့် လာရောက်သူများအတွက် ဘဏ်ငွေစာရင်းဖွင့်လှစ်ခြင်းကို Bangkok Bank က ယာယီရပ်ဆိုင်းထားမည်ဖြစ်ကြောင်း ကြေညာခဲ့သော်လည်း အထောက်အထားများ ခိုင်လုံပါက ထိုင်းနိုင်ငံ ဗန်ကောက်မြို့ရှိ မြန်မာသံရုံး၏ ထောက်ခံချက်ဖြင့် ဆက်လက်ပြုလုပ်မည်ဖြစ်ကြောင်း ထိုင်းနိုင်ငံ ဗန်ကောက်မြို့ရှိ မြန်မာသံရုံးက မတ် ၁၃ ရက်တွင် သတင်းထုတ်ပြန်သည်။

နောင်ချို နှင့် ပုသိမ်ကြီးတွင် ကားခေါင်မိုးအတွင်း သိုဝှက်သယ်ဆောင်လာသော ငွေကျပ် ၁ ဘီလီယံကျော်တန်ဖိုးရှိ စိတ်ကြွရူးသွပ်ဆေးပြား ၁၁ သိန်း ဖမ်းဆီးရမိ

ရှမ်းပြည်နယ် နောင်ချိုမြို့နှင့် မန္တလေးတိုင်း ပုသိမ်ကြီးမြို့တို့တွင် ကားခေါင်မိုးအတွင်းသိုဝှက်သယ်ဆောင်လာသော ငွေကျပ် ၁ ဘီလီယံကျော်တန်ဖိုးရှိ စိတ်ကြွရူးသွပ်ဆေးပြား ၁၁ သိန်း မတ်လ ၈ ရက်က ဖမ်းဆီးရမိကြောင်း ရဲတပ်ဖွဲ့ထံမှ သိရသည်။

ပုဂ္ဂလိကပိုင် လူစီးမော်တော်ယာဉ်များ ဖောင်းကြွနံပါတ်ပြား ပုံစံအသစ်တပ်ဆင်ရမည်

ပုဂ္ဂလိကပိုင် လူစီးမော်တော်ယာဉ်များအားလုံး ဖောင်းကြွနံပါတ်ပြားပုံစံအသစ်ကို ပြောင်းလဲတပ်ဆင်ရမည် ဖြစ်ကြောင်း ကုန်းလမ်းပို့ဆောင်ရေးညွှန်ကြားမှုဦးစီးဌာနက အသိပေးကြေညာထားသည်။

ကညနအနေဖြင့် ပုဂ္ဂလိက လူစီးမော်တော်ယာဉ်များကို ဦးစားပေးပြောင်းလဲတပ်ဆင်ပေးသွားမည်ဖြစ်ရာ လူစီးယာဉ်များ အားလုံး နှစ်လဲသက်တမ်းတိုးချိန်စေ့ ရောက်သည်ဖြစ်စေ၊ မစေ့ရောက်သေးသည်ဖြစ်စေ သက်ဆိုင်ရာ ကညနရုံးများသို့ဆက်သွယ်၍ ဖောင်းကြွနံပါတ်ပြား ပုံစံအသစ်များ အမြန်ဆုံး ပြောင်းလဲတပ်ဆင်ကြရန် အသိပေးထားသည်။

ဖောင်းပြင်မြို့၌ ယမန်နေ့ညက ငလျင်လှုပ်ခတ်၊နှစ်ပတ်အတွင်း မြန်မာနိုင်ငံ၌ ငလျင် ၃ ကြိမ်လှုပ်

ငလျှင်အတွက် သတိထားစရာ၊ကြိုတင်ပြင်ဆင်စရာတို့ကို လုပ်​ဆောင်ဖို့ ခပ်စိပ်စိပ်လှုပ်လာသည့်ငလျှင်များက တပ်လှန့်​နေပြီဖြစ်သည်။

စစ်ကိုင်းတိုင်း၊ဖောင်းပြင်မြို့၌ မတ် ၁၂ ရက်ညက အင်အားအနည်းငယ်ရှိ ငလျင်လှုပ်ခတ်ခဲ့​သေးသည်။

ယမန်နေ့ည ၆ နာရီ ၁၃ မိနစ် ၄၀ စက္ကန့်က ဖောင်းပြင်မြို့၏ မြောက်-အနောက်မြောက်ဘက် မိုင် (၂၀)ခန့်အကွာ မြောက်လတ္တီတွဒ် (၂၄ ဒသမ ၅၂) ဒီဂရီ၊အရှေ့လောင်ဂျီတွဒ်(၉၄ ဒသမ ၆၈)ဒီဂရီ၊အနက်(၁၀၄)ကီလိုမီတာအား ဗဟိုပြု၍ အင်အားရစ်(ခ်)တာစကေး(၄ ဒသမ ၆)အဆင့်ရှိ အင်အားအနည်းငယ်ရှိငလျင်လှုပ်ခတ်ခဲ့သည်ဟု မိုးဇလကထုတ်ပြန်ခဲ့သည်။

နေပြည်တော် ပျဉ်းမနားတွင် အခကြေးငွေယူ၍ ပတ်စ်ပို့ ပြုလုပ်ပေးသူ အမျိုးသမီး ဖမ်းဆီးရမိ

နေပြည်တော် ပျဉ်းမနားတွင် အခကြေးငွေယူ၍ ပတ်စ်ပို့ ပြုလုပ်ပေးသူ အမျိုးသမီးအား ဖော်ထုတ်ဖမ်းဆီး ရမိခဲ့ကြောင်း နစက က သတင်းထုတ်ပြန်သည်။

အဆိုပါ အမျိုးသမီးသည် မတ် ၇ရက်က နေပြည်တော်အသိုင်းအဝိုင်း “ Facebook Group ” တွင် “Win Min Thant” Facebook Account ဖြင့် နေပြည်တော် ရှစ်မြို့နယ် အိမ်ထောင်စုဖြင့် ပတ်စ်ပို့အမျိုးမျိုးကို ယုံကြည်စွာ အပ်နှံနိုင်ပါပြီ ဆက်သွယ်ရန် ဖုန်းနံပါတ် ၀၉-၄၂၂၁၁၆၁၆၁’ဟု ရေးသားဖော်ပြထားခဲ့မှုနှင့် ပတ်သက်၍ ဖော်ထုတ်အရေးယူနိုင်ရေး စုံစမ်းစစ်ဆေးမှုများ ဆောင်ရွက်ခဲ့ခြင်းဖြစ်ကြောင်း ဖော်ပြထားသည်။

ဝရိန်ကျွမ်းကျင် မြန်မာလုပ်သား ၁၇ ဦးအား တောင်ကိုးရီးနိုင်ငံသို့စေလွှတ်

တောင်ကိုရီးယားနိုင်ငံရှိ သင်္ဘောတည်ဆောက်ရေးလုပ်ငန်းများတွင် အလုပ်လုပ်ကိုင်ရန် ဝရိန်ကျွမ်းကျင်မြန်မာ လုပ်သား ၁၇ ဦး တောင်ကိုရီးယားနိုင်ငံသို့ရောက်ရှိပြီဖြစ်ကြောင်း ဆိုးလ်မြို့ရှိ မြန်မာသံရုံးက မတ် ၁၂ ရက် တွင် ထုတ်ပြန်ထားသည်။

အဆိုပါမြန်မာလုပ်သား ၁၇ ဦးသည် Samsung Heavy Industries တွင်လုပ်ကိုင်ရမည်ဖြစ်ပြီး၊ E-7-3 ဗီဇာဖြင့် ရောက်ရှိလာခြင်းဖြစ်ကြောင်း ယင်းထုတ်ပြန်ချက်တွင်ဖော်ပြထားသည်။

ချေးငွေပေးဆပ်ကာလသက်တမ်း တစ်နှစ်ထပ်မံတိုးမြှင့်

ကိုဗစ်-၁၉ ရန်ပုံငွေက ချေးငွေရယူထားတဲ့ ရုပ်ရှင်၊ ဂီတ၊ သဘင်၊ စာနယ်ဇင်းနဲ့ မီဒီယာကဏ္ဍက ကုမ္ပဏီ၊ လုပ်ငန်း ၈၇၉ ခု အနေနဲ့ သတ်မှတ်ချက်နဲ့ကိုက်ညီသူတွေကို ချေးငွေကာလသက်တမ်း ၁ နှစ်စေ့တဲ့နေ့ကစပြီး နောက်ထပ် ၁ နှစ်ထပ်မံတိုးမြှင့်ပေးကြောင်း ကိုဗစ်-၁၉ ကြောင့် ဖြစ်ပေါ်လာနိုင်သည့် စီးပွားရေး သက်ရောက် မှုများအပေါ် ကုစားရေးလုပ်ငန်းကော်မတီက အသိပေးကြေညာချက် ထုတ်ပြန်ပါတယ်။