မန်ယူအသင်းသည် အင်္ဂလန်တိုက်စစ်မှူး ရပ်ရှ်ဖိုဒ်ကို (၅)နှစ်သက်တမ်းတိုးရန် ကြိုးပမ်းနေမှု မအောင်မြင်ခဲ့ပါက စာချုပ်ပါ သဘောတူညီချက်အတိုင်း ခရစ္စမတ်မတိုင်မီ (၁၂)လသက်တမ်းတိုးမြှင့်သွားရန် စီစဉ်နေကြောင်း သိရသည်။ ရပ်ရှ်ဖိုဒ်(၂၄ နှစ်)သည် လာမည့်နွေရာသီတွင် မန်ယူအသင်းနှင့် စာချုပ်သက်တမ်းကုန်ဆုံးမည်ဖြစ်ပြီး အဆိုပါစာချုပ်၌ နောက်ထပ်(၁၂)လ သက်တမ်းတိုးမြှင့်နိုင်သည့် သဘောတူညီချက် ပါဝင်နေသည်။
စက်တင်ဘာ (၂၅)ရက်နေ့က ယှဉ်ပြိုင်ကစားခဲ့သော UEFA Nations League အုပ်စုပွဲစဉ်တွင် စပိန်လက်ရွေးစင် အသင်းက ဆွစ်ဇာလန်လက်ရွေးစင်အသင်းအား (၁-၂)ဂိုးဖြင့် ရှုးနိမ့်ခဲ့ပြီး ယင်းပွဲအပြီးတွင် စပိန်လက်ရွေးစင်အသင်း အနေဖြင့် အသင်းသမိုင်း၏ မှတ်တမ်းဆိုးတစ်ခုကိုပိုင်ဆိုင်ခဲ့ကြောင်း သိရသည်။ စပိန်လက်ရွေးစင်အသင်းအနေဖြင့် Nations League ပြိုင်ပွဲသမိုင်းတစ်လျှောက် ပွဲစဉ် (၁၇)ပွဲကစားထားရာတွင် ရှုးပွဲ (၅)ပွဲအထိရှိခဲ့ပြီး ရာခိုင်နှုန်း အားဖြင့် (၂၉.၄%)အထိရှိခဲ့ရာ အသင်းသမိုင်းတစ်လျှောက် အရှုးရာခိုင်နှုန်းအများဆုံးပြိုင်ပွဲအဖြစ်မှတ် တမ်းဝင်ခဲ့ ကြောင်း သိရသည်။
စက်တင်ဘာ (၂၅)ရက်နေ့က ယှဉ်ပြိုင်ကစားခဲ့သော UEFA Nations League အုပ်စုပွဲစဉ်တွင် စပိန်လက်ရွေးစင် အသင်းက ဆွစ်ဇာလန်လက်ရွေးစင်အသင်းအား (၁-၂)ဂိုးဖြင့် ရှုးနိမ့်ခဲ့ပြီး ယင်းပွဲအပြီးတွင် စပိန်လက်ရွေးစင်အသင်း အနေဖြင့် အသင်းသမိုင်း၏ မှတ်တမ်းဆိုးတစ်ခုကိုပိုင်ဆိုင်ခဲ့ကြောင်း သိရသည်။ စပိန်လက်ရွေးစင်အသင်းအနေဖြင့် Nations League ပြိုင်ပွဲသမိုင်းတစ်လျှောက် ပွဲစဉ် (၁၇)ပွဲကစားထားရာတွင် ရှုးပွဲ (၅)ပွဲအထိရှိခဲ့ပြီး ရာခိုင်နှုန်း အားဖြင့် (၂၉.၄%)အထိရှိခဲ့ရာ အသင်းသမိုင်းတစ်လျှောက် အရှုးရာခိုင်နှုန်းအများဆုံးပြိုင်ပွဲအဖြစ်မှတ် တမ်းဝင်ခဲ့ ကြောင်း သိရသည်။
ပရီးမီးယားလိဂ်ဘောလုံးကွင်းတွေထဲမှာ လက်မခံနိုင်တဲ့အပြုအမူနဲ့ ဥပဒေချိုးဖောက်တဲ့အပြုမူတွေမှာ ပါဝင်တဲ့ ပရိသတ်တွေဟာ အနည်းဆုံးတစ်နှစ်ပွဲကြည့်ခွင့်ပိတ်ပင်ခံရမယ့်အရေးနဲ့ ရင်ဆိုင်နေရပါတယ်။
ပရီးမီးယားလိဂ်ကလပ်အသင်းတွေဟာ ပရိသတ်တွေရဲ့အပြုအမူပြဿနာတွေကို ဖြေရှင်းဖို့ကြိုးပမ်းတဲ့အနေနဲ့ ဇူလိုင်လမှာ အင်္ဂလန်ဘောလုံးလိဂ်အဖွဲ့အစည်းနဲ့အတူ အလိုအလျောက်ပွဲပယ်ပြစ်ဒဏ်ချမှတ်မူတွေ စတင်ဖို့ သဘောတူခဲ့ကြပါတယ်။ အခုအခါမှာတော့ ပရီးမီးယားလိဂ်ရှယ်ယာရှင်တွေရဲ့အစည်းအဝေးမှာ အနည်းဆုံး တစ်နှစ်ပွဲကြည့်ခွင့်ပိတ်ပင်တဲ့ပြစ်ဒဏ်ချမှတ်ဖို့ ဆုံးဖြတ်ခဲ့ကြပါတယ်။ ပွဲကြည့်ခွင့်ပိတ်ပင်တဲ့ပြစ်ဒဏ်ဟာ ချက်ခြင်းသက်ရောက်မှာဖြစ်ပြီး အိမ်ကွင်းရော အဝေးကွင်းပွဲတွေမှာပါ အကျုံးဝင်မှာဖြစ်ပါတယ်။ မီရှူးမီးပန်းနဲ့ မီခိုးဗုံးတွေယူဆောင်လာတဲ့ ဒါမှမဟုတ် ပစ်ဖောက်တဲ့ပရိသတ်တွေနဲ့ ကွင်းထဲကို ခွင့်ပြုချက်မရှိဘဲ ကျူးကျော်ဝင်ရောက်တဲ့ပရိသတ်တွေကို အရေးယူသွားမှာဖြစ်ပါတယ်။
အင်္ဂလန်အသင်းခေါင်းဆောင်ဟယ်ရီကိန်းဟာ လာမယ့်နေရှင်းလိဂ်ပွဲစဉ်တွေနဲ့ ၂၀၂၂ ကာတာ ကမ္ဘာ့ဖလားပွဲတွေမှာ OneLove ကမ်ပိန်းကို ထောက်ခံတဲ့အသင်းခေါင်းဆောင်လက်ပတ်ကို ဝတ်ဆင်သွားမယ်လို့ သိရပါတယ်။
OneLove ကမ်ပိန်းဟာ လိင်တူချစ်သူတွေအပေါ် ခွဲခြားဆက်ဆံမှုကို ကန့်ကွက်တဲ့လှုပ်ရှားမှုဖြစ်ပြီး နယ်သာလန် လက်ရွေးစင်အသင်းက အစပြုလှုံ့ဆော်ခဲ့တာဖြစ်ပါတယ်။ အဲဒီနောက်မှာ ဂျာမနီ၊ ဒိန်းမတ်၊ ပြင်သစ်၊ နယ်သာ လန်၊ ဆွီဒင်၊ ပြင်သစ်နိုင်ငံတွေကလည်း OneLove လှုပ်ရှားမှုကိုထောက်ခံခဲ့ပြီး ၎င်းတို့ရဲ့အသင်းခေါင်းဆောင်တွေက ကာတာကမ္ဘာ့ဖလားမှာ အဆိုပါလက်ပတ်ဝတ်ဆင်မယ်လို့ ကြေညာခဲ့ပါတယ်။
ယူကရိန်းအလံအရောင် အသင်းခေါင်းဆောင်လက်ပတ်ကို ကမ္ဘာ့ဖလားပြိုင်ပွဲဆီ သယ်ဆောင်ခွင့်ရသည့်အတွက် ဂုဏ်ယူမိကြောင်း ပိုလန်အသင်းခေါင်းဆောင် လီဝန်ဒေါစကီးက ပြောကြားခဲ့သည်။
ယင်းလက်ပတ်ကို ယူကရိန်းဂန္ထဝင်တိုက်စစ်မှူး ရှက်ဗ်ချင်ကိုက လက်ဆောင်ပေးခဲ့ခြင်းဖြစ်ပြီး လီဝန်ဒေါစကီး ကလည်း လာမည့် ၂၀၂၂ ကာတာကမ္ဘာ့ဖလားပြိုင်ပွဲတွင် ဝတ်ဆင်ကစားမည်ဟု ကတိပြုခဲ့သည်။
လီဝန်ဒေါစကီးသည် ပြီးခဲ့သည့်ရာသီက ဘိုင်ယန်မြူးနစ်အသင်းခေါင်းဆောင်အဖြစ် တာဝန်ယူရသည့် ပွဲတစ်ပွဲ၌ ညာဘက်တွင် အဖြူရောင်လက်ပတ်နှင့် ဘယ်ဘက်တွင် ယူကရိန်းအလံရောင်လက်ပတ်ကို ဝတ်ဆင်ကစားခဲ့ပြီး တစ်ကမ္ဘာလုံးအနေဖြင့် ယူကရိန်းကို ထောက်ခံအားပေးရန် တောင်းဆိုခဲ့သည်။
မန်ချက်စတာယူနိုက်တက်အသင်းရဲ့ ပေါ်တူဂီလက်ရွှေးစင် ကစားသမားကြီး ရော်နယ်ဒို ကတော့ နိုင်ငံအတွက် ရောက်ရောက်ချင်းပဲ ဆုတံဆိပ်တစ်ခု လက်ခံရရှိခဲ့ပါတယ်။ Quinas De Ouro 2022 အမည် ရှိ ဒီဆုဟာ ပေါ်တူရီနဲ့အတူ ထာဝရ နိုင်ငံတကာသွင်းဂိုးအများဆုံး ဖြစ်ခဲ့တာကြောင့် ခုလို ဆုလက်ခံခဲ့ခြင်း ဖြစ်ပါတယ်။
လာမည့်နှစ်တွင် UFCမှ နာမည်ကြီး MMAအားကစားသမား မက်ဂရီဂေါ်နှင့် သရုပ်ပြပွဲထိုးသတ်သွားရန် ဆန္ဒရှိနေကြောင်း ပရော်ဖက်ရှင်နယ်လက်ဝှေ့သမားဘဝမှ အနားယူထားသည့် ဖလွိုက်မေဝယ်သာက ပြောကြားခဲ့သည်။
ပရိုလက်ဝှေ့ပွဲများတွင် ရှုံးပွဲလုံးဝမရှိခဲ့သူ မေဝယ်သာ(၄၅ နှစ်)သည် ၂၀၁၇ ခုနှစ်က သူ၏ နောက်ဆုံး ပရော်ဖက်ရှင်နယ်လက်ဝှေ့ပွဲအဖြစ် မက်ဂရီဂေါ်နှင့်ထိုးသတ်ခဲ့ပြီး အလဲထိုးဖြင့် အနိုင်ယူခဲ့သည်။
သြဂုတ်လအတွက် ပရီးမီးယားလိဂ်အကောင်းဆုံးကစားသမားဆု၊ နည်းပြဆုနဲ့ အကောင်းဆုံးသွင်းဂိုးဆုတွေကို မန်စီးတီးတိုက်စစ်မှူးဟာလန်း၊ အာဆင်နယ်နည်းပြအာတီတာနဲ့ နယူးကာဆယ်တောင်ပံကစားသမား စိန့်မက်ဆီမင်တို့ ဆွတ်ခူးရရှိခဲ့ပါတယ်။ နွေရာသီမှာ ဒေါ့တ်မွန်ကနေ မန်စီးတီးကို ပြောင်းရွှေ့လာတဲ့ တိုက်စစ်မှူးဟာလန်းဟာ သူ့ပထမဆုံးလမှာပဲ အသင်းအတွက် ပရီးမီးယားလိဂ်အဖွင့်(၅)ပွဲမှာ (၉)ဂိုး သွင်းယူခဲ့ပါတယ်။ လက်ရှိမှာတော့ ဟာလန်းဟာ ပရီးမီးယားလိဂ်(၇)ပွဲကစားအပြီးမှာ (၁၀)ဂိုးသွင်းယူထားပါတယ်။ ဒါကြောင့် သြဂုတ်လအတွက်ပရီးမီးယားလိဂ်အကောင်းဆုံးကစားသမားဆုကို ဟာလန်းဆွတ်ခူးခဲ့တာဖြစ်ပါတယ်။ ဟာလန်းဟာ ပရီးမီးယားလိဂ်ကို ပြောင်းရွှေ့ပြီး ပထမဆုံးကစားတဲ့လမှာပဲ တစ်လတာအကောင်းဆုံး ကစားသမားဆုကို ရရှိခဲ့တဲ့(၁၀)ယောက်မြောက်ကစားသမားဖြစ်လာခဲ့ပါတယ်။ အာဆင်နယ်နည်းပြအာတီတာ ကလည်း သြဂုတ်လမှာ ကစားခဲ့တဲ့ ပရီးမီးယားလိဂ်(၅)ပွဲမှာ ရာနှုန်းပြည့်နိုင်ပွဲရရှိခဲ့ပြီး တစ်လတာအကောင်းဆုံး နည်းပြဆုကို ဆွတ်ခူးခဲ့တာပါ။ အာဆင်နယ်နည်းပြ အာတီတာဟာ မာကိုဆေးလ်ဗား၊ ဂွါဒီယိုလာ၊ ကွန်တီနဲ့ ဂရေဟမ်ပေါ်တာတို့ကိုကျော်ဖြတ်နိုင်ခဲ့တာဖြစ်ပါတယ်။ နယူးကာဆယ်တောင်ပံကစားသမားစိန့်မက်ဆီမင်ကတော့ ဝုဗ်နဲ့သရေကျတဲ့ပွဲမှာ အသင်းအတွက်ခြေပဂိုးကို ပွဲပြီးခါနီးဂိုးဧရိယာထိပ်ကနေ မြေမကျကန်သွင်းခဲ့တဲ့ဂိုးနဲ့ သြဂုတ်လအတွက်ပရီးမီးယားလိဂ်အကောင်းဆုံးသွင်းဂိုဆုကို ဆွတ်ခူးရရှိခဲ့ပါတယ်။
ချဲလ်ဆီးနည်းပြသစ် ဂရေဟမ်ပေါ်တာဟာ အသင်းတိုက်စစ်ကို အားဖြည့်ဖို့အတွက် ပြိုင်ဘက် စပါးအသင်းဆီကနေ ဟယ်ရီကိန်းကို ခေါ်ယူဖို့ ဆန္ဒရှိနေပါတယ်။ ဒီဘက်နှစ်ပိုင်းတွေအတွင်း တိုက်စစ်ပိုင်း အားနည်းမှုတွေရှိခဲ့တဲ့ ချဲလ်ဆီးအသင်းအနေနဲ့ ရေတိုပြင်ဆင်မှုအဖြစ် အာဆင်နယ်တိုက်စစ်မှူးဟောင်း အူဘာမီးယန်းကို ပြန်လည်အားဖြည့်ခဲ့တာပါ။
