မန်ယူအသင်းရဲ့ တောင်ပံတိုက်စစ်မှူး ဂါနာချိုဟာ ဒဏ်ရာပြဿနာကြောင့် ကာလအတန်ကြာ အနားယူ ရတော့မှာ ဖြစ်ပါတယ်။ အသက် ၁၈ နှစ်သာရှိသေးတဲ့ ဂါနာချိုဟာ ဆောက်သမ်တန်အသင်းနဲ့ ဂိုးမရှိ သရေကျတဲ့ပွဲရဲ့ ပွဲချိန် ၇၃ မိနစ်မှာ လူစားဝင်ခဲ့ပေမယ့် ပြိုင်ဘက်ကစားသမား ဝေါ်လ်ကာပီတာစ်ရဲ့ ဟန့်တားမှုနဲ့ ရင်ဆိုင်ခဲ့ရတာပါ။ ဒါကြောင့် ခြေချင်းဝတ်ဒဏ်ရာရခဲ့သလို ကွင်းလယ်လူ ဖရက်ဒ်နဲ့ လူစားလဲခဲ့ရတာ ဖြစ်ပါတယ်။
ချန်ပီယံလိဂ် (၁၆) သင်းအဆင့်ရှုံးထွက်ပွဲစဉ် ပြီးဆုံးသွားတဲ့အခါမှာ အင်္ဂလန်ကလပ်အသင်း နှစ်သင်း၊ အီတလီကလပ်သုံးသင်း၊ ဂျာမန်၊ ပေါ်တူဂီ၊ စပိန်ကလပ် တစ်သင်းစီ ကွာတားဖိုင်နယ်သို့ တက်ရောက်သွားပါတယ်။
အင်္ဂလန်ကိုယ်စားပြုအဖြစ် မန်စီးတီးနဲ့ ချဲလ်ဆီး အီတလီကိုယ်စားပြုအဖြစ် အင်တာမီလန်၊ အေစီမီလန်နဲ့ နာပိုလီ၊ ဂျာမန်ကိုယ်စားပြုအဖြစ် ဘိုင်ယန်မြူးနစ်၊ ပေါ်တူဂီကိုယ်စားပြုအဖြစ် ဘင်ဖီကာ၊ စပိန်ကိုယ်စားပြုအဖြစ် ရီးရဲလ်မက်ဒရစ်တို့က ကွာတားဖိုင်နယ်အဆင့်ကို တက်ရောက်သွားခဲ့တာဖြစ်ပါတယ်။
ရီးယဲလ်မက်ဒရစ် – လီဗာပူးလ် (ကြာသပတေးနံနက် ၂း၃၀ နာရီ)
ချန်ပီယံလိဂ်သမိုင်းကို ပြန်ကြည့်ရင် ပထမအကျော့ အိမ်ကွင်းမှာ (၃) ဂိုး ရှုံးပြီးတဲ့နောက် ဒုတိယအကျော့ အဝေးကွင်းမှာ ပြန်လာနိုင်တဲ့အသင်းမရှိပါဘူး။ လီဗာပူးလ်အသင်းအနေနဲ့ ရီးယဲလ်မက်ဒရစ်က အိမ်ကွင်းမှာ တစ်ဂိုးမှ မသွင်းနိုင်ရင်တောင် ကွာတားဖိုင်နယ်တက်ဖို့အတွက် (၄)ဂိုးသွင်းဖို့ လိုနေတာကို လုပ်နိုင်ဖို့ မရှိဘူး။ ဘာစီလိုနာကို အဝေးကွင်းမှာ ဂိုးပြတ်ရှုံးပြီးမှ အိမ်ကွင်းမှာ လူမစုံပဲ (၄)ဂိုးပြတ်သွင်းခဲ့ဖူးတာ၊ အစ္စတန်ဘူလ် ညတုန်းက အခု ရင်ဆိုင်ရမယ့် အန်ဆယ်လော့တီရဲ့အေစီမီလန် ကို မထင်မှတ်တာတွေ လုပ်ပြနိုင်ခဲ့တာ တွေရှိခဲ့ဖူးပေမဲ့ ဒီတစ်ကြိမ်တော့မဖြစ်နိုင်ဘူး။ ဘာနေဗျူးမှာကစားမယ့်ပွဲကလည်း ရီးယဲလ်မက်ဒရစ်အတွက်ပဲ ဖြစ်လိမ့်မယ်။
ဒီနက်အစောပိုင်းကန်သွားတဲ့ ချန်ပီယံလိဂ်ပြိုင်ပွဲ ရှုံးထွက် ၁၆ သင်းအဆင့် ဒုတိယအကျော့ပွဲစဉ်တွေမှာ မန်စီးတီးက လိုက်ပ်ဇစ်ကို (၇-၀) ဂိုးနဲ့အနိုင်ရပြီး ပေါ်တိုနဲ့ အင်တာမီလန်တို့ ပွဲစဉ်မှာတော့ ဂိုးမရှိ သရေကျသွားပါတယ်။ မန်စီးတီးနဲ့ လိုက်ပ်ဇစ်တို့ပွဲမှာ မန်စီးတီးတိုက်စစ်မှူးဟာလန်းက တယောက်တည်း ၅ ဂိုး သွင်းယူခဲ့ပြီး ဥရောပချန်ပီယံလိဂ်ပွဲစဉ်တပွဲမှာ သွင်းဂိုး ၅ ဂိုးထိသွင်းနိုင်ခဲ့တဲ့ အသက်အငယ်ဆုံး ကစားသမား အဖြစ် မှတ်တမ်းဝင်သွားပါတယ်။ မန်စီးတီးအသင်းဟာ ပထမအကျော့ပွဲစဉ်မှာ တဖက်တဂိုးစီ သရေကျထားလို့ နှစ်ကျော့ပေါင်းရလဒ် (၈-၁) ဂိုးနဲ့ နောက်တဆင့် ကွာတားဖိုင်နယ်တက်သွားသလို အင်တာမီလန်ကလည်း ပထမအကျော့မှာ (၁-၀)ဂိုးနဲ့ အနိုင်ရထားလို့ နှစ်ကျော့ပေါင်းရလဒ် (၁-၀) ဂိုးနဲ့ ကွာတားဖိုင်နယ်တက်သွားပါတယ်။
ပရီးမီးယားလိဂ်ကလပ် ဘရိုက်တန်ဟာ အသင်းကွင်းလယ်လူ လယ်လာနာကို ၂၀၂၄ ခုနှစ် နွေရာသီအထိ သက်တမ်းတိုးစာချုပ် ချုပ်ဆိုခဲ့ပါတယ်။ အသက် ၃၄ နှစ်အရွယ် လယ်လာနာဟာ ၂၀၂၀ ပြည့်နှစ်က လီဗာပူး အသင်းကနေ ဘရိုက်တန်ဆီ အလွတ်ပြောင်းရွှေ့ကြေးနဲ့ ရောက်ရှိလာခဲ့တာပါ။ ၃ ရာသီအတွင်း ၇၄ ပွဲ ကစားပြီး ၄ ဂိုး သွင်းယူနိုင်ခဲ့တဲ့ လယ်လာနာအနေနဲ့ ဒီရာသီမှာ ဘရိုက်တန်အသင်း အဆင့် ၇ မှာ ရောက်ရှိနေအောင်လည်း ကူညီပေးနေတာဖြစ်ပါတယ်။
ကမ္ဘာ့လက်ဝှေ့အဖွဲ့ချုပ်(WBA) က ဟဲဗီးဝိတ်တန်း ချန်ပီယံများဖြစ်သည့် ဗြိတိန်လက်ဝှေ့သမား တိုင်ဆန်ဖျူရီ နှင့် ယူကရိန်းလက်ဝှေ့သမား အိုလက်ဇန္ဒားအူဆိုက်တို့ ခါးပတ်ပေါင်းစည်းပွဲထိုးသတ်ရန် သဘောတူညီမှုအတွက် အတည်ပြုချက် လက်ခံရရှိထားကြောင်း ထုတ်ပြန်ခဲ့သည်။
အူဆိုက်၏ပွဲစီစဉ်သူက လာမည့်ပွဲစဉ်မှာ ခါးပတ်ပေါင်းစည်းပွဲမဖြစ်နိုင်ကြောင်း သောကြာနေ့တွင် ပြောကြားခဲ့ သော်လည်း နောက်ဆုံးသတ်မှတ်ထားသည့် သောကြာနေ့ ဂရင်းဝစ်စံတော်ချိန် ည(၁၀)နာရီမတိုင်မီ သဘောတူညီမှု ရရှိခဲ့ခြင်းဖြစ်ကြောင်း WBA ၏ ထုတ်ပြန်ချက်တွင် ဖော်ပြထားသည်။
လန်ဒန်မြို့ခံကလပ်အသင်းတွေရဲ့ ကစားသမားတွေနဲ့ နည်းပြတွေထဲက ရွေးချယ်ပေးအပ်လေ့ရှိတဲ့ London Football Awards ဆုပေးပွဲမှာတော့ အာဆင်နယ်အသင်းသားတွေကပဲ အောင်ပွဲခံသွားခဲ့ကြပါတယ်။
မန်ယူအသင်းဟာ ကွင်းလယ်လူ ကတ်စမီရိုရဲ့ အနီကတ် ပြစ်ဒဏ်အတွက် အယူခံတင်သွင်းခြင်းမပြုဖို့ ဆုံးဖြတ်လိုက်ပါတယ်။ ဘရာဇီးကွင်းလယ်လူဟာ တနင်္ဂနွေနေ့က ဆောက်သမ်တန်နဲ့ ဂိုးမရှိသရေကျ ခဲ့တဲ့ပွဲစဉ်မှာ တိုက်ရိုက်အနီကတ် ပြသခံခဲ့ရတာပါ။ ကတ်စမီရိုဟာ အခုနှစ်ရာသီအတွင်း ဒုတိယမြောက် အနီကတ်ပြသခံခဲ့ ရတာကြောင့် ပြည်တွင်းပွဲစဉ် ၄ ပွဲ ပွဲပယ်ခံရမှာပါ။ ဒါကြောင့် ဖူဟမ်အသင်းနဲ့ ကစားရမယ့် အက်ဖ်အေဖလား ကွာတားဖိုင်နယ်ပွဲစဉ်၊ နယူးကာဆယ်၊ ဘရန့်ဖို့ဒ်၊ အဲဗာတန်အသင်းတွေနဲ့ ကစားရမယ့် ပရီးမီးယားလိဂ်ပွဲစဉ်တွေကို လွဲချော်မှာဖြစ်ပါတယ်။ ကတ်စမီရိုဟာ ဥရောပလိဂ်တွေမှာ ပွဲပေါင်း ၅၀၀ ကျော်ကစားခဲ့ပေမဲ့ တိုက်ရိုက်အနီကတ် ပြသခံရဖူးခြင်းမရှိဘဲ ပရီးမီးယားလိဂ်ဒိုင်လူကြီးတွေနဲ့ ပွဲ ၂၀ လောက်တွေ့ဆုံမှသာ အနီကတ်နှစ်ကြိမ်အထိ ပြသခံရတာလို့ နည်းပြတန်ဟတ်ဂ်က ဝေဖန်ထောက်ပြထားပါတယ်။
ဆော်ဒီအာရေဗျကလပ် အယ်လ်နတ်စ်ဆာ ဆီကို ပြောင်းရွှေ့ရောက်ရှိသွားခဲ့ပြီဖြစ်ပေမယ့် ဂူးဂဲလ်မှာ ရှာဖွေမှု အများဆုံး ကစားသမားအဖြစ် ထိပ်ဆုံးကနေ ပန်းပန်နေတဲ့သူကတော့ စီရော်နယ်ဒို ဖြစ်ကြောင်း သိရှိရပါတယ်။
FOOTGOAL ရဲ့စစ်တမ်းကောက်ယူချက်တွေအရ ၂၀၂၃ ခုနှစ်ထဲမှာ စီရော်နယ်ဒိုကို ဂူးဂဲလ်မှာ ရှာဖွေကြည့်ရှုမှုက လတ်တလောမှာ ၁၇ ဒသမ ၄ သန်းအထိ ရှိနေပြီလို့ သတင်းတွေက ဆိုပါတယ်။
ပရော်ဖက်ရှင်နယ်လက်ဝှေ့လောကမှ အနားယူထားသည့် နာမည်ကြီး အမေရိကန်လက်ဝှေ့သမားဟောင်း ဖလွိုက်မေဝယ်သာက ယခုနှစ်အတွင်း နိုင်ငံငါးခုတွင် သရုပ်ပြလက်ဝှေ့ပွဲငါးပွဲ ထပ်မံထိုးသတ်မည်ဖြစ်ကြောင်း အတည်ပြုကြေညာခဲ့သည်။
အသက် ၄၆ နှစ်ရှိပြီဖြစ်သည့် မေဝယ်သာသည် ၂၀၁၇ ခုနှစ်တွင် ပွဲ ၅၀ ကစား၊ ပွဲ ၅၀ စလုံး အနိုင်ရသည့်မှတ်တမ်း ပိုင်ဆိုင်ပြီးနောက် ပရော်ဖက်ရှင်နယ်လက်ဝှေ့လောကမှ အနားယူခဲ့ပြီး သရုပ်ပြလက်ဝှေ့ပွဲများ ဆက်တိုက်ထိုးသတ် လျက်ရှိသည်။ ၎င်းက “The Heist” ဟု အမည်ပေးထားသည့် သရုပ်ပြလက်ဝှေ့ခရီးစဉ်ကို ယခုနှစ်အတွင်း နိုင်ငံငါးခုတွင် ထိုးသတ်မည်ဖြစ်ကြောင်း Instagram ဗီဒီယိုမှတစ်ဆင့် အတည်ပြုကြေညာခဲ့ခြင်းဖြစ်သည်။
