၂၀၃၀ ကမ္ဘာ့ဖလားပြိုင်ပွဲ ပူးတွဲအိမ်ရှင်အဖြစ် ဆော်ဒီအာရေဗျနှင့်အတူ ဝင်ရောက်ရွေးချယ်ခံမည်ဟု သတင်းများ ထွက်ပေါ်နေသည့် ဂရိနှင့် အီဂျစ်ကို ဘောလုံးကွင်းများဆောက်ပေးမည်ဟု ဆော်ဒီအိမ်ရှေ့မင်းသား မိုဟာမက်ဘင်ဆယ်လ်မန်က ကမ်းလှမ်းခဲ့သည်။
ဆော်ဒီအာရေဗျသည် ကမ္ဘာ့ဖလားပြိုင်ပွဲ လက်ခံကျင်းပခွင့်ရရှိလျှင် ကုန်ကျမည့်စရိတ်များကိုလည်း ကျခံပေးမည်ဖြစ်ပြီး ယင်းကမ်းလှမ်းမှုတွင် အပြန်အလှန်အားဖြင့် ပြိုင်ပွဲ ပွဲစဉ်ပေါင်း၏ လေးပုံသုံးပုံကို ဆော်ဒီတွင် ကျင်းပခွင့်ပေးရမည့်အချက် ပါရှိသည်။
ဘန်လေအသင်းမှ မန်ယူအသင်းသို့ အငှားစာချုပ်ဖြင့် ပြောင်းရွှေ့ခဲ့သည့် နယ်သာလန်တိုက်စစ်မှူး ဗက်ဟော့စ်သည် ကျောနံပါတ်(၂၇) ဝတ်ဆင်သွားမည်ဖြစ်ကြောင်း သိရသည်။
ဗက်ဟော့စ်(၃၀ နှစ်)သည် ဘက်ဆစ်တက်အသင်းတွင် အငှားဖြင့် သွားရောက်ကစားနေရာမှ မန်ယူအသင်း၏ ကမ်းလှမ်းမှုကြောင့် ဘက်ဆစ်တက်နှင့် အငှားစာချုပ်ကို ဖျက်သိမ်းကာ မန်ယူအသင်းထံ ပြောင်းရွှေ့ခဲ့ခြင်း ဖြစ်သည်။
ဗက်ဟော့စ်က ကစားခွင့်ရသည့်ကာလအတွင်း မန်ယူအသင်းအတွက် အရာအားလုံးပေးဆပ်ကစားသွားမည်ဟု ကတိပြုနိုင်ကြောင်း စာချုပ်ချုပ်ဆိုရာတွင် ပြောကြားခဲ့သည်။
ဂျူဗင်တပ်စ်နှင့် အင်တာမီလန်အသင်းတို့တွင် ကစားခဲ့သည့် အီတလီဂန္ထဝင်ကစားသမား တာဒယ်လီက ယခုရာသီ စီးရီးအေချန်ပီယံဆုအတွက် နာပိုလီအသင်းမှာ ရေပန်းအစားဆုံးဖြစ်သော်လည်း ဂျူဗင်တပ်စ်အသင်းကို လျှော့တွက် ၍ မရကြောင်း သုံးသပ်ပြောကြားခဲ့သည်။ ယခုရာသီ စီးရီးအေပွဲစဉ် (၁၇)အပြီးတွင် နာပိုလီအသင်းသည် (၁၄)ပွဲနိုင်၊ (၂)ပွဲသရေ၊ (၁)ပွဲရှုံး၊ ရမှတ် (၄၄)မှတ်ဖြင့် အမှတ်ပေးဇယားကို ဦးဆောင်နေပြီး ဒုတိယနှင့် တတိယနေရာတို့တွင် (၃၇)မှတ်စီဖြင့် ရမှတ်တူ ဂိုးကွာခြားချက်ဖြင့် အပေါ်အောက် ရပ်တည်နေကြသည့် ဂျူဗင်တပ်စ်နှင့် အေစီမီလန်တို့ကို (၇)မှတ်အထိ ဖြတ်ထားသည်။
စပါးနှင့် အာဆင်နယ်နောက်ခံလူဟောင်း ဆိုးလ်ကမ်းဘဲလ်က အင်္ဂလန်နောက်ခံလူ စမောလင်းအား ရိုးမားအသင်း တွင် ဆက်နေရန် တိုက်တွန်းခဲ့သည်။ စမောလင်း(၃၃ နှစ်)သည် ယခုရာသီကုန်တွင် ရိုးမားအသင်းနှင့် စာချုပ်သက်တမ်းကုန်ဆုံးမည်ဖြစ်ပြီး ၎င်းကိုခေါ်ယူရန် အင်တာမီလန်အသင်းက စိတ်ဝင်စားနေကြောင်း သိရသည်။ သို့သော် ဆိုးလ်ကမ်းဘဲလ်က ”စမောလင်းဟာ ရိုးမားမှာ သူ့ရဲ့ထိပ်တန်းခြေစွမ်းကို ပြနေပါတယ်။ သူ့အနေနဲ့ ဘာလို့ ရိုးမားက ထွက်မှာလဲ။ ရိုးမားက ထိပ်သီးအသင်းပါ။ အဲဒီအသင်းမှာပဲ သူ ဆက်နေသင့်ပါတယ်”ဟု ပြောကြားခဲ့သည်။
ရီးယဲလ်မက်ဒရစ်အသင်းနည်းပြ အန်ဆယ်လော့တီက ဗီလာရီးယဲလ်အသင်းအား ရှုံးနိမ့်သည့်ပွဲတွင် စပိန်ကစား သမားမပါဝင်သည့် ပွဲထွက်လူစာရင်းကို အသုံးပြုခဲ့ခြင်းမှာ တမင်တကာ မဟုတ်ဘဲ တိုက်ဆိုင်မှုသာဖြစ်ကြောင်း ရှင်းလင်းပြောကြားခဲ့သည်။ ဇန်နဝါရီ (၇)ရက်က ကစားခဲ့သည့် လာလီဂါပွဲစဉ် (၁၆) ဗီလာရီးယဲလ် (၂-၁) ရီးယဲလ်မက်ဒရစ်ပွဲတွင် ရီးယဲလ်မက်ဒရစ်နည်းပြ အန်ဆယ်လော့တီသည် စပိန်ကစားသမား မပါဝင်သည့်ပွဲထွက် လူစာရင်းကို အသုံးပြုခဲ့ခြင်းဖြစ်သည်။
စီရော်နယ်လ်ဒိုနှင့် အယ်လ်နာဆာအသင်းအကြား ချုပ်ဆိုခဲ့သည့် စာချုပ်တွင် ဆော်ဒီအာရေဗျ၏ ၂၀၃၀ ကမ္ဘာ့ဖလား ပြိုင်ပွဲ ပူးတွဲအိမ်ရှင်ဖြစ်ရေး ကြိုးပမ်းမှုလုပ်ငန်းစဉ်များတွင် ထောက်ခံအားပေးရမည့်အချက် ပါဝင်နေသည်ဟု သတင်းများထွက်ပေါ်နေမှုအား အသင်းဘက်မှ ငြင်းဆန်ခဲ့သည်။ အသက် (၃၇)နှစ်အရွယ်ရှိ စီရော်နယ်လ်ဒိုသည် အယ်လ်နာဆာအသင်းနှင့် စာချုပ်အရ အားကစားသမားများထဲတွင် အမြင့်ဆုံးဝင်ငွေအဖြစ် တစ်နှစ် ယူရိုသန်း (၂၀၀)အထိရရှိပြီး စာချုပ်သက်တမ်းမှာ ၂၀၂၅ ခုနှစ် ဇွန်လအထိဖြစ်သည်။
အက်စ်ပန်ညိုနဲ့ ကက်တလန်ဒါဘီပွဲစဉ် မတိုင်ခင်မှာ ဘာစီလိုနာနည်းပြ ဇာဗီက ကွင်းလယ်ဒိုင် လာဟို့ဇ်အပေါ် အမြင်ကြည်လင်နေခဲ့ တယ်။ “လာဟို့ဇ်ကို ကျွန်တော် သဘောကျပါတယ်။ သူက ကစားသမားတစ်ဦးလို ခံစားပြီးပွဲ ပေါင်းများစွာ တာဝန်ယူဖူးတယ်။သူက စကားအများကြီးပြောပြီး အပြုသဘောဆောင်ပါတယ်။ ကွင်းလယ်ဒိုင်ဆိုတာ တရားမျှတရပါမယ်။ ပွဲကြောင်နေလို့မရပါဘူး” လို့ ဇာဗီ ပြောဖူးတာပါပဲ။
မြန်မာတိုက်စစ်မှူး အောင်သူသည် ထိုင်းလိဂ်-၁ ကလပ် လမ်ဖွန်အသင်းသို့ ရောက်ရှိပြီး ရက်ပိုင်းအကြာမှာပင် လေ့ကျင့်ရေးကွင်း၌ ရရှိခဲ့သည့် ဒူးဒဏ်ရာကြောင့် တစ်လခွဲဝန်းကျင် အနားယူရမည်ဖြစ်ကြောင်း သိရသည်။ အောင်သူသည် ပြီးခဲ့သည့် ဒီဇင်ဘာ ၂၀ ရက်က ထိုင်းလိဂ်-၁ ကလပ် ဘူရီရမ်အသင်း နှင့် နှစ်ဖက်သဘောတူ စာချုပ်ဖျက်သိမ်းပြီးနောက် လမ်ဖွန်အသင်းသို့ ပြောင်းရွှေ့ခဲ့ခြင်းဖြစ်သည်။ လမ်ဖွန်အသင်းနှင့် အောင်သူသည် ယခုရာသီကုန်အထိသာ စာချုပ်ချုပ်ဆိုထားပြီး ကစားသမား၏ ခြေစွမ်းအပေါ်မူတည်ကာ သက်တမ်းတိုး စာချုပ်ချုပ်ဆိုရန် သဘောတူညီမှုရယူထားခြင်းဖြစ်ကြောင်း သိရသည်။
ေဘာလံုးသမားေအးဂ်င့္တစ္ဦးျဖစ္သူ ေကာ္လာဆန္တိုဆိုသူက ေပါ့ဘာအေနျဖင့္ ဗန္ဘက္စတန္ကို ဥပမာ ထားကာ ယခုရာသီအတြက္ လစာမယူသင့္ေျကာင္း ေျပာျကားခဲ့သည္။နယ္သာလန္ဂနၳဝင္ ဗန္ဘက္စတန္သည္ ေအစီမီလန္တြင္ ကစားစဉ္က ဒူးဒဏ္ရာေျကာင့္ နားေနစဉ္အတြင္း လစာမယူခဲ့မႈမွာ ထင္ရွားခဲ့သည္။ေပါ့ဘာသည္ ယခုေနြတြင္ ဂ်ူဗင္တပ္စ္ကို ျပန္လည္ေရာက္ရွိလာျပီးကတည္းက ဒဏ္ရာေျကာင့္ တစ္ပြဲမွ်မကစားရေသးေပ။ ထို့ေျကာင့္ ေကာ္လာဆန္တိုက ေပါ့ဘာအေနျဖင့္ ဗန္ဘက္စတန္ကဲ့သို့ ျပဳမႈသင့္သည္ဟု ေျပာျကားခဲ့ျခင္း ျဖစ္သည္။
