၂၀၂၃ ခုနှစ်အရှေ့တောင်အာရှအားကစားပြိုင်ပွဲ (ဆီးဂိမ်းစ်)မှာ မြန်မာအမျိုးသား ယူ-၂၂ ဘောလုံးအသင်းက အိမ်ရှင်ကမ္ဘောဒီးယား၊ အင်ဒိုနီးရှားတို့ ပါဝင်တဲ့အုပ်စု (က) မှာ ကျရောက်ခဲ့ပါတယ်။
ဘောလုံးပြိုင်ပွဲအတွက် မဲခွဲပွဲကို ဧပြီ ၅ ရက်က ပြုလုပ်ခဲ့တာဖြစ်ပြီး မြန်မာအသင်းက ကမ္ဘောဒီးယား၊ အင်ဒိုနီးရှား၊ ဖိလစ်ပိုင်၊ အရှေ့တီမာအသင်းတွေနဲ့ အုပ်စု (က)မှာတွေ့ဆုံခဲ့တာပါ။
ကမ္ဘာ့အကြမ်းတမ်းဆုံးလိဂ်ပြိုင်ပွဲအဖြစ် ဘိုလစ်ဗီးယားပရော်ဖက်ရှင်နယ်လိဂ်ပြိုင်ပွဲဖြစ်သည့် Bolivian Primera Division ပြိုင်ပွဲက ထိပ်ဆုံးတွင်ရပ်တည်နေကြောင်း နာမည်ကြီးဘောလုံးသုတေသနအဖွဲ့အစည်းဖြစ်သည့် CIES က ဖော်ပြခဲ့သည်။
CIES သည် ၂၀၂၀ ပြည့်နှစ် ဇန်နဝါရီလ(၁)ရက်မှ ၂၀၂၃ ခုနှစ် မတ်လ(၂၀)ရက်အထိ (၃)နှစ်ကျော် ကာလအတွင်း တိုက်ကြီး(၆)တိုက်ရှိ လိဂ်ပြိုင်ပွဲ(၇၆)ခုကို လေ့လာသုံးသပ်ခဲ့ခြင်းဖြစ်သည်။
လိဂ်ချန်ပီယံရှစ်ကလပ် ဘန်လေအသင်း လက်ထောက်မန်နေဂျာနှင့် ဝေးလ်စ်အသင်းခေါင်းဆောင်ဟောင်းဖြစ်သူ ဘယ်လာမီသည် ဒေဝါလီခံခဲ့ရပြီဖြစ်ကြောင်း အတိအလင်းကြေညာခဲ့သည်။
ဝေးလ်စ်နာမည်ကြီးတိုက်စစ်မှူးဟောင်း ဘယ်လာမီသည် အခွန်အဖြစ် ပေးဆောင်ရမည့်ငွေ ပေါင်(၁)သန်း ဝန်းကျင်ရှိကြောင်း သတင်းများက ဖော်ပြခဲ့သည်။
အသက်(၄၃)နှစ်ရှိပြီဖြစ်သည့် ၎င်းက သူ၏ဘဏ္ဍာရေးအခြေအနေသည် စီးပွားရေးလုပ်ငန်းများ၌ ရင်းနှီးမြှုပ်နှံရာတွင် ကျရှုံးမှုများကြောင့်ဖြစ်သည်ဟုလည်း ဝန်ခံခဲ့သည်။
ရုရှားတင်းနစ်သမား မက်ဗီဒက်ဗ်ဟာ အခုနှစ်အတွက် ၄ ခုမြောက် အေတီပီတိုးချန်ပီယံဆုအဖြစ် မိုင်ယာမီ အိုးပင်းချန်ပီယံဆုကို ရယူခဲ့ပါတယ်။ မိုင်ယာမီအိုးပင်း အမျိုးသားတစ်ဦးချင်း ဗိုလ်လုပွဲမှာ မက်ဗီဒက်ဗ်ဟာ အီတလီတင်းနစ်သမား ဂျန်နစ်ဆင်နာနဲ့ ယှဉ်ပြိုင်ခဲ့ရတာဖြစ်ပါတယ်။ အသက် ၂၁ နှစ်အရွယ် ဆင်နာဟာ ပထမပွဲလတ်မှာ မက်ဗီဒက်ဗ်ကို အကြိတ်အနယ်လိုက်ကစားခဲ့ပေမယ့် ပထမပွဲလတ် ရှုံးနိမ့်ပြီးနောက်ပိုင်းမှာတော့ မက်ဗီဒက်ဗ်ကို ဘယ်လိုမှမယှဉ်နိုင်တော့ပဲ အရှုံးပေးလိုက်ရတာဖြစ်ပါတယ်။
ဘိုင်နယ်မြူးနစ်နည်းပြဟောင်း နာဂယ်စ်မန်းဟာ ဗီလာကို (၂-ဝ)ဂိုးနဲ့ရှုံးနိမ့်ခဲ့တဲ့ပွဲပြီးနောက် ချဲလ်ဆီးနည်းပြ ရာထူးကနေ ထုတ်ပယ်ခံခဲ့ရတဲ့ ဂရေဟမ်ပေါ်တာနေရာမှာ အစားထိုးဝင်ရောက်ဖို့အတွက် ရေပန်းအစားဆုံး ဖြစ်နေပါတယ်။ နာဂယ်စ်မန်းကို စပါးအသင်းကလည်း နည်းပြခန့်အပ်ဖို့ ဆန္ဒရှိနေပြီး ချဲလ်ဆီးနည်းပြသစ်ဖြစ်လာဖို့ 10:11 လေးနဲ့ ရေပန်းစားနေတာပါ။ စပါးနည်းပြဟောင်း ပိုချက်တီနိုက 7:2 လေးနဲ့ ဒုတိယနေရာမှာရှိနေပြီး ရီးရဲလ်နဲ့အတူ ချန်ပီယံလိဂ်ဖလား(၃)လုံးဆွတ်ခူးခဲ့တဲ့ ဇီဒန်းကတော့ 6:1 လေးနဲ့ တတိယနေရာမှာ ရေပန်းစားနေပါတယ်။ ဂရေဟမ်ပေါ်တာဟာ ချဲလ်ဆီးကို(၇)လကြာကိုင်တွယ်ခဲ့ရာမှာ (၃၁)ပွဲမှာ (၁၂)ပွဲသာ အနိုင်ရခဲ့ပါတယ်။ စနေနေ့က ဗီလာကို (၂-ဝ)ဂိုးနဲ့ရှုံးနိမ့်ခဲ့တဲ့ပွဲအပြီးမှာတော့ ချဲလ်ဆီးဘုတ်အဖွဲ့က ဂရေဟမ်ပေါ်တာ
အာဂျင်တီးနားတိုက်စစ်မှူး မက်ဆီက ပြင်သစ်ကလပ် ပီအက်စ်ဂျီမှာ ဆက်နေခဲ့ရင်လည်း လုပ်ခလစာလျှော့ယူဖို့ ဆန္ဒမရှိဘူးလို့ ဖွင့်ဟခဲ့ပါတယ်။ အသက် ၃၅ နှစ်အရွယ် မက်ဆီဟာ ၂၀၂၁ ခုနှစ် ဩဂုတ်လမှာ ပီအက်စ်ဂျီအသင်းဆီ ရောက်ရှိခဲ့တာဖြစ်ပြီး လာမယ့် ဇူလိုင်လမှာ စာချုပ်သက်တမ်း ကုန်ဆုံးမှာပါ။
ဖနွမ်းပင်၊ဧပြီ ၂
ကမ္ဘောဒီးယား၌ကျင်းပမည့် (၃၂) ကြိမ်မြောက်အရှေ့တောင်အာရှအားကစားပြိုင်ပွဲသို့ ဝင်ရောက်ယှဉ်ပြိုင်ရန် မြန်မာနိုင်ငံမှအားကစားသမား ၄၀၀ ကျော်စေလွှတ်မည်ဖြစ်ကြောင်း အားကစားနှင့်လူငယ်ရေးရာဝန်ကြီးဌာနက စနေနေ့ကထုတ်ပြန်ခဲ့သည်။
အဆိုပါပြိုင်ပွဲအတွက် အားကစားနည်း ၁၉ မျိုးအတွက် နည်းပြနှင့်ကစားသမားပေါင်း ၄၆၀ ကျော်ကို စေလွှတ်မည်ဖြစ်သည်။
ယင်းသို့ပါဝင်ယှဉ်ပြိုင်မည့်အားကစားသမားများအနက် အယောက် ၃၀၀ ကျော်သည် နေပြည်တော်၌လေ့ကျင့်နေပြီး ကျန် ၁၀၀ ကျော်သည် ရန်ကုန်၌လေ့ကျင့်မှုများပြုလုပ်နေသည်ဟုလည်း ၎င်းကထပ်မံပြောကြားခဲ့သည်။
ပရီးမီးယားလိဂ်ပြိုင်ပွဲရဲ့ လုပ်ခအများဆုံးကစားသမားစာရင်းမှာ မန်စီးတီးက ဒီဘရိုင်းနဲ့ ဟာလန်း တို့က ဦးဆောင်နေပါတယ်။
ဘယ်လ်ဂျီယံအသင်းခေါင်းဆောင် ဒီဘရိုင်းဟာ တစ်ပတ်လုပ်ခ ပေါင် ၄၂၅၀၀၀ ရရှိပြီး တစ်လကို ပေါင် ၁ ဒသမ ၇သန်းရရှိနေတယ်လို့ ပြင်သစ်သတင်းဌာန L’Equipe ကဖော်ပြပါတယ်။
ကမ္ဘာ့လုပ်ခအများဆုံး နည်းပြစာရင်းမှာ စပိန်ကလပ် အက်သလက်တီကိုအသင်းနည်းပြ ဒီယေဂိုဆီမြွန်နီက ထိပ်ဆုံးကနေဦးဆောင်ခဲ့ပါတယ်။ ပြင်သစ်သတင်းစာL’Equipe ရဲ့ လေ့လာချက်အရ ကမ္ဘာ့လုပ်ခအများဆုံးနည်းပြ စာရင်းမှာ ဆီမြွန်နီက တစ်ပတ်လုပ်ခ ပေါင် ၅၇၀၀၀၀ ကျော်ရရှိနေတာပါ။
ပရီးမီးယားလိဂ်နည်းပြတွေထဲမှာ အများဆုံးလုပ်ခရရှိနေတဲ့ မန်စီးတီးနည်းပြ ဂွာဒီယိုလာထက်တောင် ပိုမိုများပြား နေတာဖြစ်ပြီး ဂွာဒီယိုလာက တစ်ပတ်လုပ်ခ ပေါင် ၃၇၀၀၀၀ ကျော်ရရှိတာပါ။
အင်္ဂလန်တိုက်စစ်ကစားသမား ရပ်ရှ်ဖို့ဒ်သည် မန်ယူအသင်း၌ ဆက်နေရန်အတွက် ပြီးခဲ့သည့်နွေရာသီက PSG အသင်း၏ တစ်ပတ်လစာ ပေါင် (၄၀၀၀၀၀) ကျော်ဖြင့် ကမ်းလှမ်းမှုကို ငြင်းပယ်ခဲ့ကြောင်း သိရသည်။
အသက် (၂၅) နှစ်အရွယ်ရှိ ရပ်ရှ်ဖို့ဒ်သည် ယခုရာသီတွင် မန်ယူအသင်းအတွက် ခြေစွမ်းပြနေပြီး ပြိုင် ပွဲစုံ (၄၄) ပွဲတွင် (၂၇) ဂိုးသွင်းယူထားကာ ကစားသမားဘဝတစ်လျှောက် အကောင်းဆုံးရာသီကို ပိုင်ဆိုင်ထားသည်။
