မတ် ၇
မန်ယူအသင်းနဲ့ ဒိန်းမတ်လက်ရွေးစင်းအသင်းရဲ့ တိုက်စစ်ကစားသမား ဟွိုက်လန်းဟာ ဒဏ်ရာကြောင့် အနားယူနေရပြီး ယခုအခါ ဒဏ်ရာပြန်လည် သက်သာလာပြီးနောက် ပရီးမီးယားလိဂ်ပွဲစဉ်(၂၈)အဖြစ် လာမယ့် စနေနေ့ မြန်မာစံတော်ချိန် ည ၇:၀၀ နာရီအချိန်တွင် မန်ယူအသင်းနှင့် အဲဗာတန်အသင်းတို့ပွဲစဉ်၌ ပြန်လည် ပါဝင်လာဖွယ်ရှိပါတယ်။
March 7, 2024
မာဆေးဆိုက်ဒ်ရဲတပ်ဖွဲ့ဟာ လာမယ့် တနင်္ဂနွေနေ့တွင် ယှဉ်ပြိုင်ကစားမယ့် လီဗာပူးလ် – မန်စီးတီးပွဲအတွက် လုံခြုံရေးတိုးမြှင့်ရန် စီစဉ်နေကြောင်း သိရပါတယ်။
ယခုရာသီ ပရီးမီးယားလိဂ်အမှတ်ပေးဇယား၏ ပထမနှင့် ဒုတိယနေရာ၌ ရပ်တည်နေသော လီဗာပူးလ်နှင့် မန်စီးတီးအသင်းတို့သည် လာမယ့် တနင်္ဂနွေနေ့ မြန်မာစံတော်ချိန်ည ၁၀:၁၅ နာရီအချိန်တွင် အန်ဖီးလ်ကွင်း၌ ထိပ်တိုက်ရင်ဆိုင်ကြရမည်ဖြစ်၍ ယင်းပွဲအတွက် မာဆေးဆိုက်ဒ်ရဲတပ်ဖွဲ့ လုံခြုံရေးတိုးမြှင့်ရန် စီစဉ်နေခြင်းဖြစ်ကြောင်း သိရပါတယ်။
မတ် ၅
ရိုင်းဒါဘီပွဲမှာ လေဗာကူဆင် က ဆယ်ယောက်ကျန် ကိုလုံး ကို နှစ်ဂိုး-ဂိုးမရှိ နဲ့ အနိုင်ယူပြီး ဘွန်ဒက်စ်လီဂါထိပ်ဆုံးကနေ ၁၀မှတ်ဖြတ်ထားပါတယ်။
ဒုတိယနေရာ က လက်ရှိချန်ပီယံ ဘိုင်ယန်မြူးနစ် က သောကြာနေ့မှာ ဖရိုင်းဘတ် နဲ့ နှစ်ဂိုးစီ သရေကျခဲ့တာကြောင် နည်းပြ ဇာဗီအလွန်ဆိုရဲ့ အဖွဲ့သားတွေက သူတို့ရဲ့ဦးဆောင်အမှတ်ကို ထပ်မံတိုးမြှင့်ခွင့်ရခဲ့တာဖြစ်ပါတယ်။
မတ် ၅
အာရှချန်ပီယံလိဂ် ကွာတားဖိုင်နယ် ပထမအကျော့ပွဲစဉ်တွင် စီရော်နယ်လ်ဒို၏ အယ်လ်နာဆာအသင်းမှာ ယူအေအီးကလပ် အယ်လ်အိန်းအသင်းကို ၀-၁ ဂိုးဖြင့် ရှုံးနိမ့်ခဲ့ပါတယ်။
အာရှချန်ပီယံလိဂ် စည်းမျဉ်းအရ အာရှပြင်ပ ကစားသမား ငါးဉီးသာ ထည့်သွင်းကစားခွင့် ပြုထားပြီး စီရော်နယ်လ်ဒို၊ မာနေ၊ အော့စ်ပင်နာ၊ အော်တာဗီယိုနှင့် လာပေါ့တ်တို့ ပွဲထွက်ကစားသွားခဲ့ပါတယ်။
မတ် ၄
ကွင်းလယ်ကစားသမားဖိုဒမ်ဟာ ပရီးမီးယားလိဂ်ရဲ့ အကောင်းဆုံးကစားသမား ဖြစ်လာပြီလို့ မန်စီးတီး နည်းပြ ဂွါဒီယိုလာက ချီးကျူးပြောသွားပါတယ်။
ပရီးမီးယားလိဂ်ပွဲစဉ်(၂၇)အဖြစ် မနေ့ည ကစားခဲ့တဲ့ မန်ချက်စတာဒါဘီမှာ ဖိုဒမ်က ခြေစွမ်းပြပြီး ချေပဂိုးနဲ့ အနိုင်ဂိုးတွေ သွင်းယူနိုင်ခဲ့ပြီး ပွဲပြီးဆုံးချိန်မှာတော့ အိမ်ရှင် မန်စီးတီးအသင်းက မန်ယူအသင်းကို ၃-၁ ဂိုးနဲ့ အနိုင်ရရှိခဲ့ပါတယ်။
ဖေဖော်ဝါရီ ၂၉
FAဖလား ကွာတားဖိုင်နယ်ပွဲစဉ်များကို မနေ့က ရေးဆွဲထုတ်ပြန်ခဲ့ပြီး ယင်းပွဲစဉ်များကို မတ်လ ၁၆ ရက် ရက်သတ္တပတ်တွင် ယှဉ်ပြိုင်ကစားသွားမည်ဖြစ်ပါတယ်။
FAဖလား လက်ရှိချန်ပီယံ မန်စီးတီးက နယူးကာဆယ်နဲ့ တွေ့ဆုံပြီး FA ဖလား (၁၂) ကြိမ်ဗိုလ်စွဲထားတဲ့ မန်ယူကတော့ ပရီးမီးယားလိဂ်ကို ဦးဆောင်နေတဲ့လီဗာပူးနဲ့ ကစားသွားမည်ဖြစ်ပါတယ်။
ဖေဖော်ဝါရီ ၂၉
မြန်မာ့ကြက်တောင်အားကစားမယ် သက်ထားသူဇာသည် Yonex German Open 2024 တွင် ပြင်သစ် ကြက်တောင်မယ် Léon ice Huet ကို ရှုံးနိမ့်သွားကြောင်း သိရပါတယ်။
အဆိုပါ ပြိုင်ပွဲကို ဂျာမနီနိုင်ငံတွင် ဖေဖော်ဝါရီလ (၂၇) ရက်မှ မတ်လ (၃) ရက်အထိ ကျင်းပနေကြောင်း သိရပါတယ်။
ဖေဖော်ဝါရီ ၂၈
မနေ့ညက ကစားခဲ့တဲ့ အက်ဖ်အေဖလားပွဲစဉ်မှာ မန်စီးတီးအသင်းက ဟာလန်းရဲ့ငါးဂိုးနဲ့အတူ လူတန်တောင်းအသင်းကို ၆-၂ ဂိုးနဲ့ အနိုင်ယူပြီး အက်ဖ်အေဖလား ကွာတားဖိုင်နယ်ကို တက်ရောက်ခဲ့ပါတယ်။
ဟာလန်းရဲ့ ငါးဂိုးမှာ ဒီဘရိုင်းနားက လေးဂိုး assist ပေးခဲ့ပြီး ကိုဗာဆစ်က မန်စီးတီးအသင်းအတွက် နောက်တဂိုးသွင်းပေးခဲ့ပါတယ်။
ဖေဖော်ဝါရီ ၂၇
မြန်မာ့ကြက်တောင် အားကစားမယ် သက်ထားသူဇာဟာ Yonex German Open 2024 တွင် ဝင်ရောက်ယှဉ်ပြိုင်မည်ဖြစ်ပါတယ်။
အဆိုပါ ပြိုင်ပွဲကို ဂျာမနီနိုင်ငံတွင် ဖေဖော်ဝါရီလ (၂၇) ရက်မှ မတ်လ (၃) ရက်အထိ ကျင်းပသွားမည်ဖြစ်ပါတယ်။
