အီတလီလက်ရွေးစင်အသင်းနည်းပြသစ်အဖြစ် ဂတ်တူဆို ခန့်အပ်
အီတလီလက်ရွေးစင်အသင်းနည်းပြသစ်အဖြစ် ဂတ်တူဆို ခန့်အပ်
===================================================
အီတလီလက်ရွေးစင်အသင်းနည်းပြသစ်အဖြစ် ဂတ်တူဆိုကို ခန့်အပ်လိုက်တယ်လို့ အီတလီဘောလုံးအဖွဲ့ချုပ်ဥက္ကဋ္ဌ ဂရာဗီနာက အတည်ပြုထုတ်ပြန်ခဲ့ပါတယ်။ ဂတ်တူဆိုရဲ့အီတလီနည်းပြမိတ်ဆက်ပွဲအခမ်းအနားကို ဇွန်လ(၁၉)ရက်၊ ကြာသပတေးနေ့က ကျင်းပပြုလုပ်ခဲ့ပါတယ်။ အီတလီဘောလုံးအဖွဲ့ချုပ်ဥက္ကဋ္ဌ ဂရာဗီနာက “ဂတ်တူဆိုဟာ အီတလီဘောလုံးလောကရဲ့သင်္ကေတတစ်ခုဖြစ်ပါတယ်။ အီတလီဂျာစီက သူ့အတွက် ဒုတိယအရေပြားဖြစ်နေပါတယ်။ သူ့ရဲ့လှုံ့ဆောင်မှု၊ ပရောက်ဖက်ရှင်နယ်ဆန်မှုနဲ့ အတွေ့အကြုံတွေက အီတလီအသင်းရဲ့လာမယ့်စိန်ခေါ်မှုတွေရင်ဆိုင်ဖို့ အခြေခံအချက်တွေဖြစ်လာမှာပါ။ ဒီစိန်ခေါ်မှုကို လက်ခံဖို့ ဆုံးဖြတ်ခဲ့တဲ့ ဂတ်တူဆိုကိုလည်း ကျေးဇူးတင်ပါတယ်”လို့ ပြောကြားခဲ့ပါတယ်။ ဂတ်တူဆိုဟာ ကစားသမားအဖြစ်နဲ့ ၂၀၀၆ ကမ္ဘာ့ဖလားဆွတ်ခူးခဲ့သူဖြစ်ပြီး အီတလီအသင်းအတွက် (၇၃)ပွဲကစားခဲ့ပါတယ်။ ဒါ့အပြင် သူဟာ ၂၀၀၀ ပြည့်နှစ်က ယူရို ယူ-၂၁ ပြိုင်ပွဲမှာ ဗိုလ်စွဲခဲ့တဲ့အီတလီလူငယ်အသင်းမှာလည်း ပါဝင်ခဲ့သူဖြစ်ပါတယ်။ ဂတ်တူဆိုဟာ အေစီမီလန်၊ နာပိုလီ၊ ဗလင်စီယာ၊ မာဆေးနဲ့ ဟာဒက်စပလစ်အသင်းတွေမှာ နည်းပြလုပ်ခဲ့ဖူးပါတယ်။
