စလင်းမြို့နယ် ပြည်ခိုင်ဖြိုးကော်မတီဝင်များ ကျေးရွာပြည်သူနှင့် ရေနွေးကြမ်းစကားဝိုင်း ပြုလုပ်

စလင်း ဇွန် ၄

မကွေးတိုင်းဒေသကြီး စလင်းမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ပါတီဥက္ကဋ္ဌ ဦးဝင်းမြိုင် ခေါင်းဆောင်သော မြို့နယ်ပါတီ ကော်မတီဝင်များသည် ယမန်နေ့ မွန်းလွဲ ၂ နာရီတွင် စလင်းမြိုနယ် လင်းဇင်း ကျေးရွာ အုပ်စုသရက်ကုန်း ကျေးရွာသို့ သွားရောက်ပြီး ဒေသခံပြည်ခိုင်ဖြိုး ပါတီဝင်များက ပြည်ခိုင်ဖြိုးပါတီ၏ လက်ရှိဆောင်ရွက်နေမှုများကို အားပေးထောက်ခံသော ဒေသခံများနှင့် တွေ့ဆုံဆွေးနွေး ခဲ့သည်။

စလင်းမြို့နယ် ပြည်ခိုင်ဖြိုး ပါတီဥက္ကဋ္ဌ ဦးဝင်းမြိုင်၊ အတွင်းရေးမှူး ဦးဇော်နိုင်၊ ဘဏ္ဍာရေးမှူး ဒေါ်နွယ်နီနိုင်၊ မြို့နယ်ပါတီ ကော်မတီဝင် ဦးဌေးအောင်တို့သည် မြို့နယ်ပါတီ အဖွဲ့ရုံးတို့သည်။ သရက်ကုန်းကျေးရွာသို့ မွန်းလွဲ ၂ နာရီတွင် ရောက်ရှိရာ သရက်ကုန်းကျေးရွာခွဲ ရပ်ကျေးပြည်ခိုင်ဖြိုး ပါတီဥက္ကဋ္ဌ ဦးမြင့်ဇော်နေအိမ်တွင် အသင့် စောင့်ဆိုင်းနေသော ရပ်ကျေးပြည်ခိုင်ဖြိုး အမာခံပါတီဝင်များ၊ ပြည်ခိုင်ဖြိုးပါတီကို ထောက်ခံအားပေးသော ရပ်ကျေးပြည်သူ ၄ဝ ခန့်က အသင့်စောင့်ကြိုကြသည်။ ပြည်ခိုင်ဖြိုး ပါတီဥက္ကဋ္ဌ ဦးဝင်းမြိုင်က မိမိတို့ မြို့နယ်ပါတီ ကော်မတီဝင်များသည် ကျေးရွာရှိပါတီဝင်များ ပါတီကို ထောက်ခံအားပေးသူများ၊ ပါတီ၏ မူဝါဒများကို လေ့လာလို သူများအား ရှင်းလင်းပြောကြားခြင်း၊ တက်ရောက်လာသော ကျေးရွာအမာခံပါတီဝင်များ ဒေသခံ ပြည်သူများ၏ သိလိုသည်များကို မေးမြန်းနိုင်ရန် လက်ရှိအခက်အခဲများကို တတ်နိုင်သမျှ အကူအညီ ပေးရန်ရည်ရွယ်၍ ယခု ကဲ့သို့ လာရောက်ခဲ့ကြောင်းနှင့် တွေ့ဆုံပွဲကိုလည်း ကျေးရွာဓလေ့အတိုင်း လက်ရေတစ်ပြင်တည်း ရေနွေးကြမ်း သောက်ရင်း မိတ်ဆွေရင်းချာများကဲ့သို့ အပြန်အလှန် ဆွေးနွေးကြမည်ဖြစ်ကြောင်း ပြောကြားခဲ့သည်။

ဆက်လက်၍ ဦးဝင်းခိုင်က တိုင်းပြည်အတွက်အရေးကြီးသော အခြေခံပုဒ်မ ၅၉ (စ) ၏ အရေးကြီးပုံများကို ရှင်းလင်းသည်။ ကျေးရွာပါတီဝင်များကလည်း မိမိတို့ဒေသအလိုက် စည်းရုံးရေးလုပ်ငန်းများ၊ ဆောင်ရွက်ထားရှိမှု များနှင့် ပါတီဝင်သစ်များ တိုးတက်ရရှိရေး ကိစ္စများကို ဆွေးနွေးသည်။ ယင်းနောက် ပါတီအတွင်းရေးမှူး ဦးဇော်နိုင်က ပါတီဝင်များက ဒေသခံများ၏ စံပြအဖြစ်နေထိုင်ပြသကာ ယခုအချိန်ကာလသည် မိုးဦးလေဦး ကာလဖြစ်၍ ဒေသခံများ မိုးသက်မုန်တိုင်းတိုက်ခတ်သည့် ဒဏ်ခံရနိုင်ခြေရှိကြောင်း၊ အကယ်၍ မိမိကျေးရွာတွင် လေပြင်းဒဏ်ခံရ၍ ပျက်စီးမှုရှိလျှင် ပါတီဝင်၏ နေအိမ်ဟုတ်သည်ဖြစ်စေ မဟုတ်သည်ဖြစ်စေ အချိန်နှင့်တစ်ပြေးညီ ကူညီ မိမိတို့ တတ်နိုင်သလောက် ကူညီရန်လိုကြောင်း၊ ဆက်လက်၍ မိမိတို့မြို့နယ်ရုံးကို အကြောင်းကြားရန်နှင့် မြို့နယ်ပါတီကလည်း လိုအပ်သလို အကူအညီပေးသွား မည်ဖြစ်ကြောင်း ပြောကြားခဲ့သည်။

တက်ရောက်လေ့လာသူ ဒေသခံများကလည် ပြည်ခိုင်းဖြိုပါတီ အနိုင်ရရှိလာပါက တောင်သူ လယ်သမားများ၏ နစ်နာချက်များကို ဖြေရှင်းဆောင်ရွက် ပေးပါရန်နှင့် တောင်သူလယ်သမား စိုက်ပျိုးမှုများကိုလည်း နည်းပညာ စိုက်စရိတ် လုံလောက်အောင်ချေးပေးပါရန်တို့ကို ပြန်လည်ဆွေးနွေး ခဲ့သည်။

ထို့နောက် မေးမြန်း အကြံပြုချက်များကို ပါတီဥက္ကဋ္ဌ ဦးဝင်းမြိုင်က ပြန်လည်ဖြေကြားပြီး သရက်ကုန်းကျေးရွာရှိ ပါတီဝင်များ ဒေသခံများနှင့် လက်ရေတစ်ပြင်တည်း ရေနွေးကြမ်း ဆွေးနွေးပွဲ စကားဝိုင်းကို မွန်းလွဲ ၃ နာရီခွဲတွင် ရုပ်သိမ်း လိုက်ကြောင်း သိရသည်။

စစ်ကြည်(စလင်း)