ဒီချုပ်ကို အရေးယူရန် ၁၃ ပါတီတိုင်ကြားမှု အရေးယူရန်မရှိဟု ပြည်ထောင်စုရွေးကောက်ပွဲကော်မရှင် ထုတ်ပြန်
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ် (NLD)တာဝန်ရှိ ပုဂ္ဂိုလ်များက ပြည်သူလူထုသို့ ရှင်းလင်းတင်ပြမှုသည် မဲဆွယ်စည်းရုံးသည့် သဘော မပါ၍ ပြည်ခိုင်ဖြိုးပါတီ အပါအဝင် ပါတီ ၁၃ ခု၏ NLD အပေါ်ကန့်ကွက်မှုကို အရေးယူရန်မရှိကြောင်း ပြည်ထောင်စုရွေးကောက်ပွဲ ကော်မရှင်က ထုတ်ပြန်သည်။
အစိုးရအကြီးအကဲများကဖြစ်စေ၊ အနိုင်ရပါတီ၏တာဝန်ရှိ ပုဂ္ဂိုလ်များကဖြစ်စေ ပြည်သူလူထုသို့ တစ်နှစ်တာ ဆောင်ရွက်ချက်များနှင့် ရှေ့လုပ်ငန်းစဉ်များကို ရှင်းလင်းတင်ပြ အသိပေးမှုများသည် ထုံးတမ်းစဉ်လာ လုပ်ရိုးလုပ်စဉ်မျှသာဖြစ်ကြောင်း ကော်မရှင်၏ထုတ်ပြန်ချက်တွင် ပါရှိသည်။
ပြည်ထောင်စုရွေးကောက်ပွဲကော်မရှင်က သတ်မှတ်သော ၂၀၁၇ ကြားဖြတ်ရွေးကောက်ပွဲ ကျင်းပသည့် ကာလနှင့် အစိုးရအဖွဲ့တာဝန်ယူသည့် တစ်နှစ်ပြည့် ကာလတို့တိုက်ဆိုင်မှုကြောင့်သာ ယခုကဲ့သို့ ကန့်ကွက် မှုများ ပေါ်ပေါက်လာခြင်းဖြစ်ကြောင်း သုံး သပ်တွေ့ရှိရသည်ဟုလည်း ကော်မရှင်က ထုတ်ပြန်သည်။
ကြားဖြတ်ရွေးကောက်ပွဲမတိုင်မီ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ဒီချုပ်ပါတီနာယက ဦးတင်ဦး၊ ပါတီဗဟိုအလုပ်အမှုဆောင် အတွင်းရေးမှူးအဖွဲ့ဝင် ဦးဝင်းထိန်တို့က နိုင်ငံပိုင်မီဒီယာများတွင် ဟော ပြောခဲ့သော မိန့်ခွန်းများနှင့်ပတ်သက်၍ အရေးယူပေးရန် မေလ ၈ ရက်စွဲဖြင့် ပြည်ထောင်စုရွေးကောက်ပွဲ ကော်မရှင်သို့ လိပ်မူကာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဦးဆောင်၍ နိုင်ငံရေးပါတီ ၁၃ ခုက ကန့်ကွက်စာ တင်ခဲ့ခြင်းဖြစ်သည်။
ပြည်ထောင်စုရွေးကောက်ပွဲ ကော်မရှင်သည် ကန့်ကွက်စာကို အသေးစိတ် လေ့လာဆွေးနွေး သုံးသပ်ခဲ့ပြီး ဆွေးနွေးချက်များအရ ကြားဖြတ်ရွေးကောက်ပွဲကျင်းပရန် ရွေးချယ်သတ်မှတ်ခဲ့သည့် ဧပြီ ၁ ရက်အပေါ် အကြောင်းပြု၍ဖြစ် ပေါ်လာကြောင်း သုံးသပ်တွေ့ရှိရသည်ဟု ကော်မရှင်က ထုတ်ပြန် သည်။
၂၀၁၇ ကြားဖြတ်ရွေး ကောက်ပွဲကျင်းပရန် ဧပြီ ၁ ရက် နေ့ (စနေနေ့)ကို သတ်မှတ်ရွေး ချယ်ခဲ့ခြင်းသည် နိုင်ငံတော်အစိုးရအဖွဲ့ကသော်လည်းကောင်း၊ နိုင်ငံရေးပါတီ တစ်ခုခုကသော် လည်းကောင်း၊ လူပုဂ္ဂိုလ်တစ်ဦး ဦးကသော်လည်းကောင်း အကြံပြုခြင်း၊ လမ်းညွှန်ခြင်းတို့ကြောင့် မဟုတ်ဟု ရွေးကောက်ပွဲကော်မရှင်က ရှင်းလင်းသည်။
နိုင်ငံတော် အကြီးအကဲအနေဖြင့် တိုင်းပြည်ကို တစ်နှစ်ပြည့် မိန့်ခွန်းပြောကြားသည်ကို လက်ခံသော်လည်း ကြားဖြတ်ရွေးကောက်ပွဲလုပ်မည့် ရက်နှင့် တစ်ရက်အလိုတွင် ပြောကြားသည့်ကိစ္စကိုမူ သတိထားစေချင် ကြောင်း၊ ယင်းသည် သာမန်တိုက်ဆိုင်မှုဟု မဆိုနိုင်ကြောင်း၊ အလားတူ ဒီချုပ်ပါတီတာဝန်ရှိပုဂ္ဂိုလ်များက နိုင်ငံပိုင်မီဒီယာများကို အသုံးချပြီး မဲဆွယ်စည်းရုံးသည့်သဘောမျိုး ပြောဆိုခြင်းသည် ဥပဒေနှင့် မညီဟု ပြည်ခိုင်ဖြိုးပါတီပြောရေး ဆိုခွင့်ရှိသူ ဒေါက်တာနန္ဒာလှမြင့် က ပြောသည်။
# 7 Day
