ပုဇွန်တောင်ပြည်ခိုင်ဖြိုးရဲ့ ကဆုန်လပြည့်နေ့ ညောင်ရေသွန်းလောင်း ကုသိုလ်တော်
ကဆုန်လပြည့်နေ့တွင် ညောင်ရေသွန်းလောင်း ကုသိုလ်တော်အဖြစ် ပုဇွန်တောင်မြို့နယ် (၇) ရပ်ကွက် ဦးရွှေဂွန်းလမ်းရှိ ရွှေဘုန်းပွင့်စေတီတော်မြတ်ကြီး၏ ပရိဝုဏ်အတွင်းရှိ ပရိဘောဂစေတီမြတ်ဖြစ်သည့် “မဟာဗောဓိပင်” ၌ ပုဇွန်တောင်မြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ကုသလဝါယာမ ဆွမ်းလောင်းအသင်းမှ နံနက် (၇) နာရီမှ(၈) နာရီအထိ ညောင်ရေသွန်းလောင်း လုပ်အားဒါန ကုသိုလ်ယူခဲ့ကြသည်။
ကဆုန်ညောင်ရေသွန်းပွဲတော်သို့ ပုဇွန်တောင်မြို့နယ် ပါတီအတွင်းရေးမှူးဦးထွန်းအောင်ကြည်၊ မြို့နယ်ပါတီကော်မတီဝင်များ၊ ရပ်စည်းခေါင်းဆောင်များ၊ ပါတီဝင်များ စုစုပေါင်း (၂၀)ဦးက လုပ်အားဒါန ကုသိုလ်ယူခဲ့ကြသည်။
အဆိုပါ ပုဇွန်တောင်မြို့နယ် ရွှေဘုန်းပွင့်စေတီတော်မြတ်ကြီး ကဆုန်ညောင်ရေသွန်းပွဲတော်၌ ဘာသာရေး၊ လူမှုရေးအဖွဲ့ပစည်း (၁၅) ဖွဲ့မှ နံနက် (၆) နာရီမှ ည (၉) နာရီအချိန်အထိ အလှည့်ကျ လုပ်အားဒါန ကုသိုလ်ယူခဲ့ကြကြောင်း သိရသည်။
Aye Aye Win
